ليش هالمرض مو راضي يخليني بحالي :-(

[jassim99]

السلام عليكم
شباب نفس المرض الي حاش ثعابيني الي ماتو الحين حاش ثعبانين بوا صغيره وبرميس كبيره
البوا توه ببدايته فقعات صغيره بالفم
والبرميس تتصرف بغرابه تطلع صوت اذا تنفست كأنها تفح
و تفتح حلجها كانها بتتثاوب و تطلع صوت قوي كانها بتطلع بلغم حشاكم تقريبا الصوت يطلع بهالطريقه ( خخخ خخخخخخخخخخ خخ )
ابي اعرف شنو سبب هالمرض الي مو راضي يبتعد عني.... اتوقع في شي غلط أنا مسوي هل ممكن ان الاكل يكون مو نظيف ؟
تكفووووون فيدوني :-(((((

[mr.crocodile]

هاذا يااخي التهاب في الجهاز التنفسي ويمكن معاجته

في المنزل او اذا تتطور يجب ان يراه البيطري اكثر الاسباب شيوعا لهذا المرض

القفص او الحوض تكون غير مناسبه ودرجات الحراره تكون منخفضه جدا

اعراض المرض مشاهده تعفن في الفم وفقاعات او ماده مخاطيه تخرج

من الفم وتقرحات فيه ويكون السبب درجه الحراره المنخفضه او تعرضه

لثعبان مصاب بهذا المرض

كيف علاج هذا المرض:

زياده درجه الحراره خلال فتره النهار من 90 الى 95 درجه فهرانايت يمكنك

القيام بذلك عن طريق اضافه مصدر حراره الى القفص

ابعاد جميع وسائل اجها هذا الثعبان عن طريق التاكد بوجود

مياه نقيه ووافره وصندوق ليختبئ فيه الثعبان ومشاهده

الثعبان من 24 الى 48 لجود علامات للتحسن هذا هو

الحل الوحيدلاتهبات الجهز التنفسي وتعفن الفم.

نصائح وتحذيرات:

اخبر الببيطري قبل وصولك اليه عن وجود هذا المرض في ثعبانك

كي يخبرك بنصائح وارشادات لكي تتبعها كي لا ينتشر المرض الزواحف الاخرى

واذا لم تتحسن من 24 الى 48 ساعه عليك مراجعه البيطري

لانه قد يكون قاتلا اذا لم يعالج

لاتحاول امساك الثعبان او وضعه على عنقك اذا كان مريض لانه

قد يصير عدواني اثناء المرض

وارجو اني افدك ويفيدوك الاخوان اكثر


ويمكنك زياره هذا الرابط لكي تستفيد اكثر


http://translate.google.com.sa/translate?hl=ar&sl=en&u=http://www.ehow.com/how_6151068_treat-infections-burmese-python-snake.html&ei=UUPxTLupBeCAhAft87ijDA&sa=X&oi=translate&ct=result&resnum=3&ved=0CBsQ7gEwAg&prev=/search%3Fq%3DWhy%2Bdo%2Bbubbles%2Bcome%2Bout%2Bfrom%2Bthe%2Bmouth%2Bof%2Bpythons%2Band%2Bwhat%2Btreatment%26hl%3Dar%26safe%3Dactive%26sa%3DG



وانا ترجمته لكي يوضح لك حبيبي

[jassim99]

مشكووووور حبيبي وماقصرت الله يستر من هالمرظ لان ماتو ٣ ثعابين عندي قبل هذيل

[سمكه صغيره]

انا ارسلت لك من فتره طريقة علاجه
ما اقدر احط الرابط هنا لان محتواه ما يسمح اني انزله
و ما لقيت احد ثاني يشرح هالعمليه
بس على كل حال انا بلحص الكلام الي قاله للفايده


http://www.mah-shop.com/ekmps/shops/meadowsahe/images/f10sc-veterinary-disinfectant-200ml-60-p.jpg
F10SC Veterinary Disinfectant
http://www.f10biocare.co.uk/scxd.html
تقدر تطلبه من النت اذا ما لقيته لان توه ينزلونه بامريكا من اسبوع تقريبا
بس موجود في جنوب افريقيا و برطانيا
الله اعلم اذا موجود عندنا ولا لا بس ما اتوقع

http://s3.amazonaws.com/tc-photos/11442/product/giant/515121.jpg
و اي جهاز بخار يفي بالغرض
بس في هذا للزواحف يستخدمونه لرطوبة الاحواض
سعره تقريبا 140 ريال لو اخذته من النت بس مع الشحن الله اعلم كم يطلع تاكد من الموقع
http://www.petmountain.com/category/47/1/reptile-foggers.html
سو بحث عليه يمكن تلاقيه بمواقع ثانيه بسعر اقل

1 لتر ماء و 3 مل من المحلول
و تركبه في جهز البخار
تحط الثعبان في صندق بلاستك و تفتح فيه فتحه لانبوب البخار و تركبه فيها
و تشغله 20 دقيقه
و تطفيه و تخلي الثعبان في العلبه 20 دقيقه
صارو 40 دقيقه
و بعدها تحطها في حوض نظيف و لا تنسى تحط لها ماء بس لااااا تاكلها ولا تقرب منها الاكل
و كل يوم تسوي كذا
من 10 الى 12 يوم و تشوف التطورات اذا ما تعدلت تعطيها ابر -_-
و ما اعرف وش هي الابر^_^ ما قال وش هي

[سمكه صغيره]

بس السؤال:
هل نظفت الحوض زين قبل لا تحط فيه اي ثعبان جديد؟؟؟
هل تخليهم يوسخون بالحوض؟ ولا تسبحهم و تخليهم يوسخون بالماء؟؟؟؟؟
التهويه و الحراره والرطوبه كلهم تمام؟؟؟؟؟؟
هل في شيء مو طبيعي بالحوض مثلا خشب ملون او ورق جرايد؟؟؟؟
هل اكلتهم صوص؟؟؟؟؟؟؟؟
<<<<<مو مخوفها الا هالصوص
من بداية مشكلتك مع البورميس الي قبل وانا ما افكر بالصوص
مجوعه زعفرانه للمره الثالثه مو لاقيه فيران هالاسبوع ان شاء الله بكره الاقي
و الهامسترات ما ابي اخلصهم علشان لازم يكثرون اول بعدها باكلها ما يصير ااكله الي موجودين الحين
الله يصبرني شهرين ولا 3

[|| PyTHoN ||]

^

الكتاكيت مالهم أي علاقه

انا اوكلهم كتاكيت و ما صار شي ~

[سمكه صغيره]

اشك
شايفه مقطع لبورميز بايثن تاكل الصوص هو يوصوص داخل بطنها
http://www.youtube.com/watch?v=encZArh2wrY
هذا هو
ما اقدر اخاطر
صوت الصوص يعور قلبي الفار ما يطلع صوت
و اشك ان الي صار بثغابين جاسم بسبب الصوص و الله اعلم
خلوني على مجنوني لا يجيني الي اجن منه
-_-

[mr.crocodile]

اشك
شايفه مقطع لبورميز بايثن تاكل الصوص هو يوصوص داخل بطنها
http://www.youtube.com/watch?v=encZArh2wrY
هذا هو
ما اقدر اخاطر
صوت الصوص يعور قلبي الفار ما يطلع صوت
و اشك ان الي صار بثغابين جاسم بسبب الصوص و الله اعلم
خلوني على مجنوني لا يجيني الي اجن منه
-_-

اختي الصوص مازال حي لان الصوص اصغر من فم الثعبان

[jassim99]

سمكه النظافه عال العال يوصخون بالحوض لاكن انضفه اول باول والاحواض مفروشه باوراق والرصوبه تمام ودرجه الحراره 30
مادري من شنو وهذا الدوا مع الجهاز مو موجود عندنا وماعرف اطلب ولا عندي فيزا اطلب فيها

بالنسبه للفيديو لو تركزين راح تلاحضين ان هذي مو اول وجبه للثعبان هذي الثانيه قبلها في فار و ذيله مبين اول الفيديو مع الكتكووت
و انا موكلهم فيران مو كتاكيت :(

[الخيّال]

الاخوان ما قصرو بطرق العلاج

واعتقد سبب المرض هو تعرض ثعبانك لتيارات هوائية باردة ممكن انت تطلعة من الحوض وهو دافي. ويكون جو الغرفة بارد بفارق كبير عن داخل الحوض فيتعرض للالتهاب الرئوي

وثانيا تأكد مضبوط من درجة الحرارة فعلا 30 داخل الحوض

حاول فتح فم الثعبان وتظيفة من المادة اللزجة على قد ما تقدر ولا تتعب الثعبان قد ما تقدر بس

[jassim99]

اخوي الخيال أنا حاطهم بمكان ما اشغل التكيف فيه درجه حراره المكان ٢٦ والحوض ٣٠ نهائيا مافي برد وانا ما أطلعهم وايد
قوااك الله حبيبي كفيت و وفيت

[jassim99]

اليوم وانا انظف حلج الرد تيل قاعد اقول جنها صارت زينه الحمدلله بس خل اشمسها والله حطيتها ٣٠ -٤٠ دقيقه والشمس ماكانت حاره كلش كانت درجة حراره الجو ٢٩ كان الجو حلو يوم ييت بدخلها ولا ألقاها ميته
الظاهر ان الشمس زينه حق الثعابين الصحراويه
المثل الي يقول اسأل مجرب ولا تسال طبيب ( نصيحه لحد يشمس ثعبانه ) :( ومادري عن اليو في لأني ماجربته

[|| PyTHoN ||]

اوووله 40 دقيقه !!!

المفروض 10 دقايق و بس احنا شمسنا تصك الراس
على حيه صغيره أكيد تموت ، خصوصاً مريضه ، و تحطها
بهالجو تموت !

شقولك ولله ~

الله يعوضك بالي أحسن منه

[jassim99]

تسلم حبيبي بايثون لاكن الشمس ماكانت حاره وكانت بوقت الغروب

حاليا صرت مو مقتنع بموضوع التشميس لان الي ما اشمسهم صحتهم ١٠٠٪ الحمدلله

[|| PyTHoN ||]

و انا اشمسهم و عادي مافيهم شي

احنا الهوا بارد شوي بس شمس تصقع
روح اوقف بالشمس 20 دقيقه و شوف شصير فيك
انت مخلي الصغيره 40 دقيقه

[سمكه صغيره]

40 واجد بقوه
مسكينه الله يعوضك بالي احسن منها
انا اطلع زعفرانه يا الفجر يا العصر و اشوفها تتخبى بالظل تهرب من الشمس
من اشوفها كذا ارجعها الحوض مو غصب اشمسها هي ما تبي حرارة الشمس ولا النور
هي تبي فيتامين د من الشمس
زي الانسان يحتاجها بس ما في انسان بيقعد بالشمس فتره طويله
و غير كذا ما اقدر اخليها لحالها حتى اخاف عليها من الطيور ولا القطاوه

[jassim99]

تدروووووون شنو المشكله ؟؟؟؟
أنا ساكن بعماره السطح مالها بابه مقفوول و مكان شقتي ماتحوشه شمس فأظطر أني انزلهم معاي السياره و اروح جدام القهوه و أوقف السياره بمكان فيه شمس و اقعد بالقهوه شوي بعدين امشي
و ماحب انزلهم عشان الناس مايشوفونهم و يأذوني بالاساله
أتعذب لمن اشمسهم لان هم ماقدر اشيلهم كلهم مع بعظ
شكله الحل الوحيد لمبه يو في مع ان المحل الوحيد الي يبيعها نصاااااب درجه اولى و غااااليه وايد عنده
في احد مجربها يفيدنا فيها !!!!!

[الخيّال]

اللة يهديك البوا حيوان أستوائي يعني ما يتحمل الشمس والجفاف

والثعابين ما تحتاج لمبة لانها ليلية المعيشة وما تعتمد على الاشعة في اكتساب الطاقة

الان حاول تنظف الحوض بشكل جيد وتستخدم المعقمات مثل الديتول

ولا تنسى تطلع الثعابين برا الحوض حتى تتم ازالة المنظف والمعقمات

[jassim99]

تسلم يالخيال
كلامك يطيب الخاطر يعني اذا ماشمستهم مايظرهم !!! صح ؟

[|| PyTHoN ||]

مو كل الثعابين ليليه

الي عنده بوا كونستركتر

.
.

[jassim99]

بايثون شنو يعني كونستركتر ؟

انا الي عندي كولمبيه

[|| PyTHoN ||]

كولمبيه وصف
كونستركتر = بالعربي عاصره

انت الي عندك يسمونها البوا كونستركتر والي اهم يعتمدونها العاديه
البوات غير مو مثل البايثون

يعني هاذي التفريق لهم أسامي غير يعني الي عندك مو رد تيل بوا
رد تيل بوا اهي الي نقول عنها برازيليه

و في أكثر من شي مثلاً السلمون بوا و الكومن بوا ، و لو بتشوف بتقول
لا هذول كلهم رد تيل لكن فعلياً لا ^^"

[jassim99]

سوري قفلت !!!!
يعني في بوا مو عاصره ؟؟؟
انا الي اعرفه ان كلهم اسمهم البوا العاصره لكن في انواع و الي يميز بينهم اكثر شي الالوان

[|| PyTHoN ||]

لا لا كل البوات عاصره
بس يعني هالفصيله أسمها جذي
و هالفصيله منها أنواع

و أنواعها وايد ، و منهم تكون عاديه و هيت ألبينو و و و و و ...
العاديه ما أقصد الكونستركتر العاديه أقصد فئه منها

مثلاً كومن بوا ، في منها ألبينو بعد

و جذي ماشيه السالفه ..

أنواعهم وايد و يبيله واحد عارفلهم عدل حق هالسوالف

.
.

[الخيّال]

الانواع تختلف باختلاف المناطق والالوان فقط وتتشارك جميعها في الصفات وطريقة المعيشة

ولا يوجد فروق جذرية نهائيا

[jassim99]

تقريبا فهمت سالفة الالوان والانواع
بس على كلامك يا اخوي بايثون لازم يتشمسون

وعلى كلامك يالخيال مايحتاجون يتشمسون

طبعا انا دايما الجأ للحل السهل هههههه

بس مو على حساب الثعابين :P انا الصراحه ماودي اشمسهم بس بعرف هل يموتون اذا ماتشمسو ؟ او شنو الاعراض الي تحوشهم اذا ماتشمسو

طبعا كلامكم كان عن البوا... شلون بالنسبه للبرميس بايثون و الكنق سنيك ؟

[|| PyTHoN ||]

البورميس و الكنق و البوا كلهم نفس الشي ~

ان ما شمستهم تحوشهم أمراض إما بكتريا مادري تعفن ما فهمته عدل
و شي بعظمهم ، أكثر من شي شفته يا بفيديوات او صفحات الرعايه ..

لكن مثل ما قايلين لك قبل 10 دقايق و بس وقت البرد يا يكون الحوض دافي
و تخليه يم الشمس من داخل ، لأن لا يحوشها برد ، و الحر هم لا تخليها تخيس
و يفضل تحطها بماي و تخليها ، منها تسبحها و منها تشمسها ^^

.
.

[jassim99]

حلوه هالفكره
انزين اذا حطيتها بماي اقدر اخليها اكثر من ١٥ دقيقه مثلا !

[|| PyTHoN ||]

احنا شسمنا حاره حيل

تخليها 10 دقايق كاااااافي

اوكي بتخليها أكثر من ربع ساعه مادري يعني بس ليش بتطول !
10 دقايق و بس ليش لازم تطول ؟ -_-

.
.

[jassim99]

لان ماتسوى انزل على ١٠ دقايق لان ماقدر اشمسهم قريب من المكان الي أنا ساكن فيه لان فيناس وايد لازم ابعد شوي أوقف بمكان جدام قهوه اخلي السياره بالشمس و اقعد بالقهوه شوي على ماتتشمس الحيه ارجع
عشان جذي أقولك ماتسوى ال ١٠ دقايق

[|| PyTHoN ||]

يعني شلون الحيايه ما تطقهم الشمس ؟

المهم شوفلك حل عاد :D

تصعد بسطح العماره الي ساكن فيها ولا تروح توقف بالشارع و تشيلهم
و ترفع أيدك < ههههههه :D

المهم 10 دقايق و رجعهم ههههههههههههههه :D

[jassim99]

باب السطح مقفوووووول ههههههه شدعوه ماحاولت

[|| PyTHoN ||]

كلم الحارس @@

او الريسبشن لو كان في
قالو لا

نزل عليهم حيه @@

[jassim99]

كاااااااااااك ذبحتني من الضحك يا بايثون على طول تخيلت الموقف

ان شاءالله بكلم الرسبشن ههههه