ابي اشتري ببغاء بس محتار انصحوني <<

[دار الهوا]

بسم الله الرحمن الرحيم

ياغالين انا قررت اشتري ببغاء

املك 1000 ريال سعودي فقط

فما تنصحوني فيه

انا محتار ابي افريقي بس ماتوقع الفلوسي تكفي

ويمكن اشتري الدرة بس مايمدحون << شاف اكثر الردود عنه

ابيكم تنصحوني اشتري

كم عمره وش نوعه وكم سعرهـ ووش الجنس ذكر ام اثنى

ويعطيكم العافيه على الموقع الاكثر من رائع

مشعل العنزي
رياض

[SILVER LOVER]

اولا الجنس لا يؤثر بشيء الا بسن الـ بلوغ فقط

ثانيا 1000 ريال تججيبلك كاسكو بالراحه بس انت دور زين

[هوى روحي]

1000 ريال ان شاء الله تجيب لك كاسكو افريقي عيونه رمادية تحصله في قسم البيع والشرا اخوي
ولو حبيت اساعدك ابشر بسعدك
كاسكو افريقي عيونه رمادية

[دار الهوا]

يعطيك العافيه ياغالي

بس كم القفص للكاسكو كم سعر

[خالد الحربي]

بما انك ساكن بالرياض
انصحك تروح سوق الحمام امتداد شارع البطحاء وخذلك لفه والافريقي اللي
ريشه نظيف وتحس انه يبيك تاخذه توكل على الله واشتريه

[جعفر السامرائي]

السلام عليكم
في هالمواضيع تحصل كاسكو فرخ ، الكاسكو نوعين ، تمنة و عادي :)

http://www.2zoo.com/vb/showthread.php?t=193770

http://www.2zoo.com/vb/showthread.php?t=193425

وان شاء الله الشباب يكونوا متساهلين ومتعاونين معاك ;)

سلامي

[هوى روحي]

سعر القفص
في العادي صغير سعره 50 ريال
وفي ب 150

[طير جديد]

يالغالي الكاسيكو الافريقي اوكي بنسبه لميزانيتك
وتحصل طير نظيف ومرتب انشاء الله واذا انت توك مبتدا انصحك
بطير هادى وصغير بالعمر

بالتووووفيق

[كاسكووووو]

خذلك غيني تحصل متكلم وأليف بسعرك

[دار الهوا]

اخر سؤال وش المميزات بين الغيني والهولندي

لان فيه فرق بين اسعارها

[صاحب رأي]

كأنك تقول أش الفرق بين المصيود والهولندي لأن الأثنين متشابيهين

أما الغيني حجمه أصغر ولون منقاره ليس أسود يميل إلى الزهري

الكاسكو أو الرمادي الهولندي أو المصيود

أهم الفروق بينهم الشكل واحد ولكن الهولندي يكون أليف في معظم الأحيان

لأنه تفريخ وتربية مزارع وفيه مثل الخاتم في رجله ومناعته ضعيفة

أما الكاسكو المصيود فيكون مناعته قوية نسبيا وغير أليف وقيمته نصف قيمة الهولندي

تقريبا

وأخيرا الهولندي تتوفر منه طيور أعمارها صغيرة بكثرة أما المصيود فالأعمار دون الستة أشهر

قليلة نسبيا

أما الغيني أو ما يطلق عليه التمنة هو نوع مختلف عنهما لأنه أصغر في الحجم

وعنيد نسبيا وقيمته نصف قيمة المصيود وأقل من نصف القيمة ولكنه في نفس ذكاءهما

الهولندي تقريبا 1800ريال والمصيود 1000 ريال والتمنة اوالغيني 400 ريال

وهذه أسعار تقربيه تزيد وتنقص بحسب الطائر

[fawzi]

اخوي الغيني والهولندي على كلام الناس كلهم بغبغاوات من نفس الفصيله وكلهم من افريقيا بس الفرق في الحجم واللون ودرجه الصوت وكلهم اذكياء وانا انصحك اذا انت مبتديء وماعندك خبره في الافريقي خذلك غيني متحدث وكبير وصحته ممتازه بسعر 1000ريال ان شاء الله تحصل

[دار الهوا]

يعني

اخذ لي غيني يتكلم واليف ويطلع على اليد

احسن من اني اخذ لي كاسكو صيد

ويعطيكم الف الف عافيه ياخوان

هل فيه مميزات ابحث عنها الغيني ولا بس اليف ويتكلم

واخر سؤال لي وهو مهم جدا الببغاء كيف يقضي حاجته بالقفص ولا خارج القفص

وشكرا

[الكحلي]

يقضي حاجته في القفص وانت نضف القفص كل يوم ولا يومين واذا طلعته برا القفص في الارض الله يعينك تنضف وراه ههههههه

[جعفر السامرائي]

اذا حصلته اليف ويطلع على اليد ويتكلم .. الباقيات تشوفهن كلها موجودة تلقائيا
الغيني من مميزاته انه لعوب اكثر من باقي انواع الكاسكو ، ويحب ان يستكشف ما حوله
الببغاء انت وخبرتك ان كيف تعلمه أين يقضي حاجته .. وحاله من حال باقي الطيور ، وين ما كان يقضي حاجته :)
سلامي