البورميز باثن عمياء؟؟؟

[سمكه صغيره]

عينها من 5 ايام كان لونها ازرق
الحين لونها ابيض
و احسها ما تشوف
تبي تهجم على اي شيء يلمسها
بس ما تاكل تعض و تترك
هل هي عمياء؟؟؟؟؟
او عمياء بسبب انها بتفسخ القشره؟؟؟؟
بس اول مره فسخت الجلد بعد يوم من صارت عينها زرقاء

اتمنى تعطوني الجواب الشافي
و شكرا
^_^

[jassim99]

صار معاي هالشي مع البرميس فعلا بفتره تبديل الجلد تعض اي شي وتتركه
أنا فسرتها انها تقريبا ماتشوف عدل من الطبقه الي على عينها وهذا يسببلها خوف فتهاجم<<<---- المحلل جاسم ههههه مو متأكد ترا....

[أريـsupeـج]

مو مشكله يااخويا

لاهيا عميه ولا شي
بس هيا كدا عشان رح تبدل جلدها اهم شي لاتضايقها وتمسكها لانها ممكن تعض


وهيا ماتاكل لانها مضايقه من الجلد اهم شي خليها براحتها

وعدل لها درجة الحراره والرطوبه

وبس تبدل جلدها تقدر تشيلها وتاكلها

وبالنسبه للوقت هذا يعتمد على درجه الحراره والرطوبه

يعني ممكن تبدل بسرعه وممكن تطول

واحيانا تروح العين الزرقا بس يبغا الجلد كاتم بعد كم يوم وتبدل جلدها

اهم شي اهم شي سيبها في حالها وعدل لها الجو


ياريت تحط صورتها نتعرف عليها;)

[|| PyTHoN ||]

^

مافي أي زياده على كلامها

رفعي الحراره لـ 29 و الرطوبه زيديها و سبحيها لو قدرتي تشيلينها
و لا توكلينها ، لما تفصخ اليلد ، نطري يومين او ثلاث بعدها وكلي زعفرانيتا :D

و لا تخافين عادي كل شي يرجع نفس أول ، أيام و تعدي ^^

.
.

[سمكه صغيره]

جاسم:
انا فسرت نفس تفسيرك
لان حتى لما تقعد في مكان ما تغيره

اريج:
اببببببببببببدا ما افكر احط صورتها
احط الصوره و تموت اليوم الثاني والله مو مستغنيه عنها

____________________________________________


لون عيونها صار اببببببببببيض مو ازرق
يعني شيء غريب
الحراره النهار 30و بالليل 25
و الرطوبه عاااااله مع حرارة الحوض و الماء الي فيه و برودة الغرفه الحوض رطوبته عاليه حتى مؤشر الرطوبه 100 يعني فوق الطبيعي اعتقد
غير اني اسبحها كل يوم

[|| PyTHoN ||]

دزيلي صوره لعينها عالخاص ~

[سمكه صغيره]

ارسلتها

[سمكه صغيره]

اليوم عينها عاديه و الاخلاق تمام التمام
بس ما بدلت جلدها
اتوقع نفس الي صار مع جاسم

بس ليه تسوي كذا؟؟؟؟؟؟

[|| PyTHoN ||]

عادي طبيغي

نفس الشي خلي الرطوبه عاليه
قرب اليوم اللي تفسخ فيه ^^

[jassim99]

ما أغلظ كلام اريج و بايثون لكن باكد على كلامي انها ماتشوف عدل من لون الغشاء الي على عينها

اليوم الكنق سنيك قلبت عينها زرقه و الي اعرفه عن الكنق سنيك انها انشط من الاصلات او البوات ورده فعلها اسرع
المهم اول مارفعت الكهف عنها وثبت بمكاني رفعه راسها وقامت تحرك لسانها حيل وتتلفت تدورني و اول ماحركت ايدي قريب من وجهها قامت تلحق ايدي وتقرب عليها واضح عليها انها ماتشوف عدل بعكس قبل ماتبدل جلدها كانت اول ما ارفع الكهف عنها تطالع ايدي والكهف وماتشيل عينها الا اذا طلعت ايدي من الحوض

أتمنى يكون شرحي واضح
واذا احد عنده تعليق عالموضوع ياريت يفيدنا وينورنا

[سمكه صغيره]

انا معاك يا جاسم ايه يصير على عينها غشاء ما تقدر تشوف او تشوف بس مو واضح

بس الغريب انه ليه تصير عينها زرقه و تطول على هالحال و بعدها ترجع عينها طبيعيه و كلشيء تمام التمام
الى لآن مو مقتنعه انها بتبدل جلدها
O_o

[سمكه صغيره]

بدلت جلدها الحمد لله

مشكوووووووورين

[jassim99]

عالبركه الثوب الجديد ههههههههه

سمعت شغله لكن مو متأكد منها

هل تغيير الثعبان لجلده يعتبر علامه نمو الثعبان ؟ ولا ماله شغل بالنمو ؟

[سمكه صغيره]

الله يبارك فيك
اتوقع ايه ان انا شفت الاقوانا لما يطيح القشر تكبر الحراشف
اتوقع نفس الشيء مع الثعابين