سلحفات سقطت من مكان مرتفع !! اتمنى المساعدة

[مهمهمه]

السلام عليكم ..

سلحفاتي سقطت من مكان مرتفع و مصابة ..
فيه شرخ في الصدفة و انتفاخ في جسمها ..
و تبصق قليل من الدم ..

شو الحل ؟
اتمنى المساعدة يا خبراء !!

[مهمهمه]

انتظر مساعدة
python وينك ياخوي ؟

[أريـsupeـج]

ياعمري عليها

قلبي وربي معاك

استنا الاخ python

او ادخل على موضوع مشابه ان شاء الله تجد اللي يفيدك ويطمنك عن عنها

لا تتاخر يا pythoooooooooooooooooooon

[محب الحياة البرية]

يلا ياpython تعااال


وين الاسعااااف ؟؟

[مهمهمه]

السلحفاة برمائية نهرية

متوسطة الحجم

!!

[سعودي هاوي]

طيب ماوديتها لطبيب بيطري او شيئ ؟

يمكن يقدر يعالجها

[|| PyTHoN ||]

يا الله :D

بالأصح أختصاصي مو السلاحف لكن لي خبره بتربيتهم
لكن علاجهم ما عندي خبره فيه ^^"

الشرخ عميق حيل يعني ؟ و الجسم اي صوب منتفخ
أم عن بصق الدم ، بكون شي طبيعي بعد سقوط من مكان
مرتفع ، اذا الحاله سيئه جداً يعني ، شوف أي طبيب بيطري
بس انت شوفها بالأول تاكل او لا ؟

ارفع درجة الحراره و حافظ على نظافة الماي و لو كل يوم تبدل الماي يكون احسن
و لو تاكل انشالله بتتحسن ، بس لو لا ، بتواجه شوية مشاكل لحد ما تتعالج

.

.

لو تحط صور يكون احسن

[مهمهمه]

هي تعبانة ..
في عندها انتفاخ في الجسم بسيط ..
و الشرخ يادوب بسيط محل السقوط ..
هي في حالة جيدة ..
تسبح و لكنها تتم طافية على السطح ..
مرتخية ..
و انا أغير لها الماي على طول ..
ممكن حل ؟

[|| PyTHoN ||]

اهي الحين تاكل ولا لا ؟

و حوضها شلون مضبوطه درجة الحراره فيه ؟
و فيه أشياء توقف عليهم ..

بالأصح الحوض مناسب ؟؟

[ميااوو]

ما تشوف شر ولا تقطع

[Dr Khaled]

والله أتمنى أن لا يكون لدى السلحفاة نزيف داخلي مما أدى للإنتفاخ و خروج الدم من فمها

[jassim99]

تفائل بالخير وان شاءالله الانتفاخ رضه والنزيف حالها حال الانسان تنزف

لكن اخوي الي فهمته من كلامك انها طافيه معناته انت مو حاطلها شي توقف عليه

الي اعرفه المفروض يكون حوضك مكون من ٣ مستويات الاول يغطيها الماي والثاني يغطي نصها الماي والثالث ما يحوشها ماي اقرب مثال تصويري شاطئ البحر

و انشاءالله تاكل مثل ماقال اخوي بايثون وتتحسن

[مهمهمه]

بالنسبة للحوض ..
ملائم تماماً .. كبير و فيه ماي ..
و فيه قطعة حجر تستطيع تطلع عليها ..
عندي 4 سلاحف أخرى ..
لكن هذه ..
سقطت من مكان عالي ..
و صار لها الي قلته قبل ..
ما تاكل الا بالغصب و ما ادري اذا أكلت ولا لا ..
احاول احط الاكل في فمها يوم تفتحه ..
هي تتم طافية على السطح مب بإرادتها ..
يبدو من الانتفاخ ..
اتمنى حل اخوي بايثون ..
انا حاط السلحفاة في حوض صغير لوحدها ..
خوفاً من أي شيء قد يؤذيها ..
أنتظرك أخوي بايثون ..

[|| PyTHoN ||]

حطها بحوض ثاني مناسب لها من درجة حرارة و كل شي
يعني بالعربي 100%

و خلها يوم بعدها عطها أكل و خلها بروحها و شوف تاكل ولا لا

[مهمهمه]

أحط الأكل بالغصب في فمها ..
و لين الحين أخف شوي بس نفس الشيء ..
انتفاخ بسيط في الجسم ..
و تطفو على الماي ..
و تحسها مرتخية كل أطرافها و راسها مرتخي ..
أتمنى الحل منك اخوي بايثون ..

[|| PyTHoN ||]

اوك تحط الأكل غصب ، بس إهي بلعت الأكل ؟

يعني الأكل دخل ببطنها ؟ ولا تحطه بحلجها و اهي تطلعه ؟

[لؤلؤه المحيط]

الله يشفيهااا اخي

[مهووس الحيوانات]

هههههههههه أحرجتووو بايثون

هو مب بيطري أصلاً هو و كثير من الخبراء في المنتدى مايهتمون بالأمراض و هذي مشكلة

و بالنسبة لي و خبرتي البسيطة ، قريت كل شي عن الحرباء ماعدا الأمراض ما قريت الا شوي

و كل الي ممكن نعرفه هو مسببات الأمراض و كيفية الوقاية أما العلاج نادر ما تلقاه

و السبب مو إهمال لهالنقطة السبب انه العلاج صعب و خاصة في الزواحف ، و معظم الأمراض تحتاج أدوية و ماعندنا هالأدوية في الدول العربية الا قليل جدًا

=-=

و بالنسبة للسلحفاة المفروض ماتتعرض للحركة الكثيرة و الحمل بشكل مستمر فكيف بالسقوط من مكان مرتفع