لوبغينا نستورد طيور شوالحل؟؟

[تفاحه حمرا]

السلام عليكم
اخواني انا ابي اشتري طيوور من موطنهم الاصلي .. لانه اهني عندنا اسعارهم نار :(
وانا ابي اخذ اكثر من نوع.. مكاو انواع ثانية مش متوفره عندنا في الامارات ..
والكوكاتوو والرمادي ,,

المكاو الي ابيه مالقيته في الامارات
الكوكاتو مدرب على اليد ب6000 والي مش مدرب ب 4000
الكاسكو مدرب على اليد ب 2500
المكاو مثل الي عندي 20 الف درهم وفيه ب 25 الف ..
وانا ابي انواع ثانية مالقيتها يعني تقريبا نادره .. والنادره اكيد اغلى :(
مب معقووله بدفع اكثر من 40 الف حق 3 طيور بس !!

انا اليوم اتصلت وسألت هل حظر استيراد الطيور مازال موجود ولالا
قالولي ايه .. وباجر بتصل بسألهم متى بيلغونه .. بطفربهم لين مايلغونه :D

ابي اعرف هل في طريقة اني استورد فيهاا
لاني مابا اخذ من البلاد وخاصه انه اسعارهم غاليه واعمارهم كبيره

واعتقد هل حظر في اكثر دول الخليج ومب متاكدة كلهم ولااغلبهم ...

شوالحل الحين بشو تنصحوني ؟؟ :(

[مدرب الأفريقي]

خذ تصريح من الحياة الفطريه

[UAE_CONDOR]

والله صدقك اسعار الطيو مبالغ فيها كثير
بس وين موطن الكاكاتو والمكاو والامزون
سمعة انه بيلغو الحضر في الامارات تقربا بعد شهر

[تفاحه حمرا]

مدرب الأفريقي
هالتصريح يمكن ينفع في السعودية .. بس ماعرف عن الامارات .. وانا باجر بتصل وبستفسر اكثر

UAE_CONDOR
الكوكاتوو الي اباه من استرالياا و المكااو على حسب نوعه والامزون ماعندي فكرة لاني مابشتريه بس في الاغلب باخذهم كلهم من دوله وحده ..اخوي منو قالك بيلغون الحظر ..؟ لانه انا ماقالوا لي يوم اتصلت فيهم ....وباجر ان شاء الله باخذ الخبر اليقين منهم .. عاد لوطاعوا يخبرووني متى بيفجونه ..واتمنى انه كلااامك يكون صح

[مدرب الأفريقي]

.


الله يساعدك من عنده



.

[تفاحه حمرا]

امين يااارب :D

[broodes]

اذا انتي بتشترين من موقع معروف لا تخافين بتوصلك الطيور .... حنا بالسعوديه عندنا حظر استيراد الطيور بس الطيور اللي برى بتجي ومعها شهاده صحيه بخلوها من الامراض فلا تخافين انا بعطيك كذا موفع يبيع انواع واجد من الببغوات بس كيف لغتك الانجليزيه ؟؟؟

وما دام بيجي ومعه شهاده صحيه بخلوه من الامراض وش اللي يمنعه من الدخول ؟؟؟

ودمتم ســــــــالمين

[تفاحه حمرا]

broodesعطيني الموقع وبشووف .. بس ماقدر اجازف واطلب واخر شي يقولون انه مايدخلونها المطار.. لازم قبل اخذ الموافقه من الدولة وبعدين اطلب..

انا اول شي قلت نفس كلامك .. دام معاه شهادات صحية ليش يرفضونه !!
مع انه كل الحيوانات الي تدخل الدولة لازم مع اوراق تثبت انها خاليه من الامراض بس مازال الحظر موجود على الطيور فقط ... ولغتي الانجليزيه يعني امشي الحال فيها لوول مب مشكله عطيني بتفاهم معاهم وبخبركم بعدين شوصار ..:)
انا عندي اكثر من موقع يبيعون بس ماقدر اقول انه مظمون لاني ماعرفه عدل ..
وفيه حل ثاني اني اطلبه وانا في امريكا لاني بسافر ان شاء الله ..وااشتريه من هنااك
بس بعدني ماعرف هل يوم برجع بيرضون يدخلون الطيور ولالا ...

[تفاحه حمرا]

اليوم مالقيت فرصة اتصل فيهم .. ويوم الاحد بتصل وبشوف لانه الجمعة والسبت اجازة عندنا

[UAE_CONDOR]

اخوي اعتقد اي دوله فيها انفلونزه الطيور مستحيل يدخلو طيور منها للدوله

[ببغاء اخضر]

اذا بتسافرين امريكا افحصيها اهناك ويبي شهادات انها خاليه من الامراظ وانشالله بيدخلونه مب على كيفهم اعتقد لازم تذكره بعد

[ببغاء اخضر]

اذا بتسافرين امريكا افحصيها اهناك ويبي شهادات انها خاليه من الامراظ وانشالله بيدخلونه مب على كيفهم اعتقد لازم تذكره بعد مشكوره

[UAE_CONDOR]

اذا بتسافرين امريكا افحصيها اهناك ويبي شهادات انها خاليه من الامراظ وانشالله بيدخلونه مب على كيفهم اعتقد لازم تذكره بعد مشكوره
:confused:

[تفاحه حمرا]

UAE_CONDOR
يمكن صح كلامك .. بس حتى لوكان فيه تصريح؟؟ بحاول وان شاء الله خير


ببغاء اخضر
ياليت لوالسالفة جي سهله كنت سرت من باجر خخخ ..
بس ان شاء الله لوكانو يرضون بتصريح انه الطيور مافيها امرااض ..اكيد بدخلهم .. مش مهم كيف.. بس اهم شي يرضون يدخلونهم

[تفاحه حمرا]

اليوم إتصلت وللأسف قالو ممنوع الاستيراد الطيور حتى لوفيه اوراق صحية وغيره .. وقالو انه المشكلة عالمية ومافي وقت معين عشان يرفعون الحظر :( المشكلة اسعارنا وايد غاليه وانا ماعرف شوالحل وياهم لاني مابي اخذ من الامارات ابي من برا .. بس ان شاء الله يفتحون الحظر قريب اتمنى هالشي..

[الجااارح]

تفاحة حمراء
الله هداك بس
فرحتني وايد وتحمست معاك وطلعتني فوق فوق فوق فووووووووووق وهم رديتني بعد تحت بكلمة
"ممنوع" آآآآآآآآآآخ يالقهر :(
لكن يقولك "المرغوب ممنوع "
وحاول ولا تيأس :)
فلا حياة مع اليأس ولا يأس مع الحياة;)
o.k
والله وياك يالغالي

[تفاحه حمرا]

الجاارح ولله كنا نتمنى يفكون الحظر باقرب وقت مب بس إنت :( والمشكله ان شاء الله تنحل بأقرب وقت مع اني ماشوف اي شي يدل على هالشي.. وانا يوم حطيت الموضوع كنت اتمنى مثلك الاقي حلول بس قدر الله ماشاء فعل ...

[THE END]

للاسف هوالوضع عندنا في السعوديه....
فاذا كنت ستاتي بطير من الخارج تحمله هيئه حمايه الحياه الفطريه انواع المشاق بالمعاملات والدفع لها....وووو الخ

الله يهديهم بس ...
كنت على وشك الاستيراد لكن...وما ادراك ما لكن

مع التحيه...

[تفاحه حمرا]

the blood حسب مافهمته منهم انها مشكلة عالمية يعني الكل يعاني منها .. الله يعين :(

[المميز1000000]

الجواب الشافي:

ممنوع الاستيراد نحن في ازمة عالمية صحية ويجب الا نساهم في اي شيء يمكن ان يسبب

انشار المرض واحد يقول طيب كشف طبي!!!

لالالا ما ينفع هذا الكلام لان الفايروس ما زال يوجد به معلومات كثير ناقصه

ما ذا يجب في هذا الحالة؟

يجب ان تتعاون مع منظمات حماية البيئة لان الاساس في هذه الامور

اما عن سالفة الاخ the blood حق الدفع وما شابه لالالا هذا سايق كان ممكن الان

مستحيل تدخل من المطار هذا اذا قدرة تخرج الطير من بلده


يا اخوان هذي حالة عالمية يجب فيه التعاون الشديد مع الجهات المختصه

[تفاحه حمرا]

اخوي المميز محد قال انه بنخترق هالحظر وبنروح نشتري غصب.. كل الموضوع كان استفسار اكثر عن الموضوع واكيد لورضوا يدخلونه الدوله مابيدخلونه من غير فحوصات طبيه وغيره يعني بيكون خالي من الامراض.. عالعموم شكراً على الرد :) ..

[ببغاء اخضر]

هلا شباب
انا بستورد استرالي بعدشهر تقريبا وانشالله يوافقون يطلعونه من استراليا وبدون اي مشاكل وانشالله يدخلونه الامارات ولا بنشوف بسوي واسطه الواسطه تغلب القانون ولا القانون لا يحمل المغفلين خخخخخ
مشكورين وانشالله بخبركم باقرب وقت ممكن اذا استورديت الطير

[المميز1000000]

اخوي المميز محد قال انه بنخترق هالحظر وبنروح نشتري غصب.. كل الموضوع كان استفسار اكثر عن الموضوع واكيد لورضوا يدخلونه الدوله مابيدخلونه من غير فحوصات طبيه وغيره يعني بيكون خالي من الامراض.. عالعموم شكراً على الرد :) ..

والله انك فاهم خطاء انا ما كان قصدي انك انتي تخترق الحظر ولا يمكن اساس اختراقه

وانا كنت اتكلم من خبرتي انا من استوراد طيور وليس فقط ببغاوات واذا كان في اي سؤال تفضلي

وخصوص اذا كان في الانتاج


الاخ الي يقول واسطه اذا كان على الواسطه انا اول واحد ولكن انا اقول انه حاليا لا يجوز ذلك تحت

اي ظرف

اعذروني

[تفاحه حمرا]

ببغاء اخضرلوول صح الواسطة تغلب القانون بس ماعتقد انك بتقدر تسوي شي.. مع انه الموضوع هو احياناً يكون موضوع واسطات وياما سمعت قصص بهالخصوص بس عالعموم بالتوفيق لك. وشكرا علرد

المميز1000000
لوتراجع ردك في الموضوع بتعرف ليش انا رديت بهالطريقة عالعموم نبقى اخوان في هالمنتدى وغايتنا وحدة الاستفادة ونفيد غيرنا... سوري لوفهمت غلط :)

[أبو العيناء]

وفقك الباري ( تفاحة خضراء او واا وا اسف حمراء هههههههه )
وان شاء الله بيرفعون الحظر قريبا وارجو بأن ما تكون اشاعة

[تفاحه حمرا]

أبو العيناء
الله يوفق الجميع ان شاء الله اخويه.. وعن الغلط نكي تفاحه حمرا مب خضراء لوول
واحد الاخوان ذكر لي انه رفع الحظر بيكون قريب مثل ماذكرت إنت وان شاء الله يكون كلامكم صح وتنتهي معاناتنا :)