ببغائي (مسعود) .. النوع تمنة .. صور

[جعفر السامرائي]

بسم الله الرحمن الرحيم
السلام عليكم ورحمة الله وبركاته
اسعد الله اوقاتكم
اليوم حبيت اعرض لكم صور ببغائي (مسعود)
سميته مسعود (واعلم ان الاسم طويل جدا بالنسبة للحيوانات) لكن لاني اشتريته من شخص مو مهتم فيه والان انا الحمد لله مو مقصر معاه مع اني عجزت عن ان اشفي حالته المرضية .. وهي لما يجعر تسمع خرخشة بصوته كأنه مدخن.
ولكن لحسن حظه ان اللي شراه ما يحب الطيور ويهتم فيهم سميته مسعود
نعرفكم عليه :
الإسم : مسعود
تاريخ المواليد : 2010 .. ما اعرف اي شهر :D .. يعني يطلع عمره بين 8 الى 13 شهر
الفصيلة : ببغاء
النوع : كاسكو
الشعبة : تمنة
:o


قولوا ما شاء الله ما اريد تصير فيه علل اكثر من علاته الحالية
:D

اخليكم مع الصور واعطوني رايكم
http://www.m5zn.com/uploads/2010/12/31/photo/123110121244cd6rjx38nk6opr.jpg
ما اعرف ليش لما شاف بيدي الموبايل واريد اصوره رأسا شال رجله !!
http://www.m5zn.com/uploads/2010/12/31/photo/123110121244s9om0jktxnhwdmk6t.jpg
ويظهر في هذه الصورة أن ذيله تعبان ، مخربط ومو مرتب ، عرضناه على بيطري قال لانه بعده صغير و ما مر بمرحلة تبديل الريش ، توة بدا يدخلها.
http://www.m5zn.com/uploads/2010/12/31/photo/123110121244cg2spv8hi3xxtb7d1.jpg

http://www.m5zn.com/uploads/2010/12/31/photo/12311012125920h0qd5b7f6.jpg
لما يكون خارج القفص ما ياكل من يدي .. داخل القفص ياكل من يدي .. لكن الى الان ما يقبل احد يخلي يده تحته او قريب من رجله ، ولا يقبل أحد يمسح على راسه وجسمه .. انا وصلت معاه قبل مدة مرحله احك له رقبته وخدوده بعد ما يطمأن وغالبا يخليني اسويها لما نكون لحالنا انا وهو ، ولكن غبت عنه مدة صار ما يخليني ابدا ، ولا يخلي اي احد يسويها ، لكن حاولت بشتى الطرق ان امسح على راسه واخليه يطلع على اليد ، عجزت ، مع أني متابع لمواضيع المنتدى .. ما الحل؟


سلامي

[يوفاوي الكويت]

ما شالله لون حلو وفرخ وعمره تقريبا اقل من سنه

انا انصحك تهتم بالطير من ناحيه الريش وانك تعطيه عظمة الحبار

او الكالسيوم وترويش بماي دافي وتنوع له بالاكل وان شالله تشوفه باحسن حال

[طير جديد]

الف الف مبروك
ربي يحفظه لك من كل شر

الطير واضح انه في خوف خله يتعود ع البيت وابدا معاه بالتدريب

بالتوفيق يالغالي

[alsindrella]

هو فعلا مسعود انك اشتريته لانك راح تهتم فيه
مبروك عليك الطير و مبروك عليه مربى فاضل ؛؛

[(أبو ريتال)]

ما شاء الله

[king of dragon]

مبروك اخوي علي الطير اهتم فيه زين ولاتبتعد عنه فترات طويله واصبر علي الطير
هو عنيد شوي في البدايه لكن شوية اهتمام حتشوف نتائج ترضيك
تقبل مروري

[جااكو]

ما شاء الله حلوو

يتربى بعزك ويخليه لك

تقبل تحيااتي..

[جعفر السامرائي]

شكرا لكم جميعا على المرور
الطير صارله حوالي شهر عندي بالبيت
بس انا بالنسبة للابتعاد مضطر
اروح ادرس في محافظة ثانية ، والبيت والاهل في محافظة اخرى
بس ان شاء الله قريب آخذهم كلهم هناك عندي :d
طيب وهذي حالة خرخشة الصوت شنو اسويلها ؟

بالنسبة للترويش اعتقد الطير ما يحب الترويش بالشتاء لو انا غلطان ؟

[ahmadbarki]

مبروك على الطائر الجميل لكن سؤالي من اين اشتريته من السوق وهل هناك طيور اخرى
اخوك هم من العراق

[جعفر السامرائي]

هلا عزيزي لا انا ما اشتريته من سوق الغزل
اشتريته من محل بالكرادة بعد بحث وعناء
كل الطيور في سوق الغزل كبيرة بالعمر ولا تنفع
ونادرا ما تحصل على طير صغير
وحقيقة انا شكرت الله على اني حصلته لاني تعبت
وانصحك اذا عندك معارف او صديق يروح للشمال خلي يجيبلك مناك ارخص نوعما وانظف
وتوجد بالشمال انواع بما فيها الامزونيات .. كما سمعت
واذا عندك صديق يشتغل على خط بغداد عمان ويقدر يهرب طيور خلي يجيبلك من الاردن افضل

سلامي

[جعفر السامرائي]

هلا عزيزي لا انا ما اشتريته من سوق الغزل
اشتريته من محل بالكرادة بعد بحث وعناء
كل الطيور في سوق الغزل كبيرة بالعمر ولا تنفع
ونادرا ما تحصل على طير صغير
وحقيقة انا شكرت الله على اني حصلته لاني تعبت
وانصحك اذا عندك معارف او صديق يروح للشمال خلي يجيبلك مناك ارخص نوعما وانظف
وتوجد بالشمال انواع بما فيها الامزونيات .. كما سمعت
واذا عندك صديق يشتغل على خط بغداد عمان ويقدر يهرب طيور خلي يجيبلك من الاردن افضل

سلامي

[ahmadbarki]

هلا عزيزي لا انا ما اشتريته من سوق الغزل
اشتريته من محل بالكرادة بعد بحث وعناء
كل الطيور في سوق الغزل كبيرة بالعمر ولا تنفع
ونادرا ما تحصل على طير صغير
وحقيقة انا شكرت الله على اني حصلته لاني تعبت
وانصحك اذا عندك معارف او صديق يروح للشمال خلي يجيبلك مناك ارخص نوعما وانظف
وتوجد بالشمال انواع بما فيها الامزونيات .. كما سمعت
واذا عندك صديق يشتغل على خط بغداد عمان ويقدر يهرب طيور خلي يجيبلك من الاردن افضل

سلامي

الف شكر اخوي جعفر اني هم طيري اخذته من السليمانية لكن مابها اعمار صغيرة لازم بالصدف عود مالتي اصغر شي كان عمره تقريبا سنة ونص

ابو الكرادة هذا المحل على السدة لو غيره

[جعفر السامرائي]

لالا مو على السدة
بشارع مثلجان ديمة
واذا تريده الان هو عنده ببغاء نيبالي اليف جدا وعلى حسب كلامه عنده 4 كلمات .. وسعره قريب 600 الف دينار
اذا تحب حتى اوديك تشوفه :)

سلامي

[ابو محمــد]

ماشاء الله مسعود مبين علية صحته ممتازه

والتمنه افضل الطيور المتكلمة من تجربة شخصية

وبالنسبة لريش الذيل ما اشوف فية شيء ووقت تبديل ريش

في شهر فبراير ومارس وما يحتاج تنتف الريش بعدين يأخذ موقف منك

الطير يحتاج وقت وشهرين يعتبر جديد على البيت وعمره ماشاء الله صغير

وقابل للتعلم بشكل كبير اتوقع عمره اقل من 8 شهور لون العين توه فاك من الرمادي

على فكره التمنه مناعته قويه افضل من الافريقي الكاسكو وحاول ما تروشه في البرد

وبالنسبة للصوت ما فهمت عليك بالضبط .

[جعفر السامرائي]

الاخ الكريم ابو محمد
اشكرك على مرورك وتواجدك هنا معي
القصد من الصوت لما يجعر تسمع خرخشة بين البسيطة والمتوسطة في الصدر
ولكن لما يكون ساكت ما تسمع خرخشة في صدره
علما انه الان تطور في الولافة
وصار شوي شوي يطلع على يدي ويخليني احك له رقبته وياكل من يدي سواء داخل او خارج من القفص .. وشوي شوي بدأ يترك عادة العض :)
اما بالنسبة للذيل
مو انا اللي انتفه ، اوديه لبيطري ينتفه
لكن انا بين حيرة ، اوديه ينتفه ، لو ابقيه ، لان صراحه شكل الذيل ابدا مو منظم بل مشوه
يعني جمالية الطير نصفها في ذيله ، والمسكين ذيله تعبان ومشوه

اشكرك على حضورك مرة ثانية

سلامي