ساعدووني تعبت معااه

[ثامر الفني]

السلام عليكم ورحمه الله وبركاته

يا اخوان انا اشتريت كاسكو من 8 اشهر تعبت معاه وانا احاول اروضه صار يتكلم يقول يا واد ويا بابا بس لازال خايف وخف جيعره قليل وكل يوم اعطيه من وقتي ساعه اجلس معاه امسح على راسه بس الي الان خايف ويجعر قليل وغير كذا صاير على الصامت ما يصفر او يتكلم الا قليل ولما اكله بيدي ياخذ الفصفص من يدي ويرميها بعد ما ياخذها
ايش الحل معاه ؟

[يوفاوي الكويت]

في احد مزعله بالبيت او مسبب له الخوف

انا انصحك ترفع الطير عن الارض متر

وتقعد تمسح علي الطير بالساعات وتكلمه

وشوي شوي راح يهداء اهم شي الصبر والتكرار

[ثامر الفني]

هو اصلا مو على الارض على الاستاند حاليا

[يوفاوي الكويت]

اكيد الاطفال مسوين له ازعاج بالبيت

انا انصحك تمسك علي الطير اكثر وقت ممكن

وانك تخلي الطير بعيد عن الاطفال لما يترك الخوف

[ثامر الفني]

تصدق ما عندي اطفال في البيت هع
بس شكرا لك راح اجلس معاه بالساعات واكثر جلوسي معاه
مره ثانيه شكرا لك يا اخي الكريم يوفاوي الكويت

[يوفاوي الكويت]

الله يرزقك ان شالله بالاطفال

انصحك تمسح علي راس الطير اكثر وقت ممكن

والطير يحتاج للنوم انصحك تحطه بغرفه بعد الساعه 9 وتطفي النور وتخليه ينام

[صاحب رأي]

الكاسكو بطبعه حذر جدا

كل ما تحتاجه هو أن يثق فيك ويعرف أنك لن تؤذيه مطلقا

ويتأكد من ذلك .

جرب معه الطعام الذي يحب مثل الفول السوداني

واجعله من خلال الأطعام باليد وفيها شي ء من اللعب

من خلال الشد والجذب بينك وبينه

وأثناء مكوثك معه أجعله قريب جدا منك حتى يعتاد

عليك في البداية سوف تجد كل حركة منك له ردة فعل

عليه وبعد ذلك سوف يعتاد عليك ويعرف أنك لا تشكل خطرا عليه

و أن حركات جسمك ليس موجهة لإيذاءه وأن جلوسه معك ممتع

له

وأخيرا أهنئك على المرحلة التي وصلت لها مع طائرك .

ولم يتبقى عليك الكثير سوى مرحلة زرع الثقة

[kha6ab]

وعليكم السلام

8 شهور وماتروووض !!
واضح انك ماتجلس معاه كثيــر
شوف
اقعد العب معاه وحك راسه كل يوم ساعتين
واذا كنت مثلا تتفرج تلفزيون ولا قاعد عالكمبيوتر . خليه جنبك
وحطله العاب ولا اي شي يتسلى فيه
والله يوفقك