رجاء عاجل لمن لديه حل لكاسكو

[سيف العباس]

لدي كاسكو هولندي محجل اليف وجميل وذكي ومرح جدا
لكن المشكلة رفضه من ان كان عندي مدة شهرين تقريبا هو عدم بقاءه داخل القفص
ينام فقط اعلى القفص وهو مفتوح او يدخل للاكل لكن اغلب وقته خارج القفص
ويدخل كل غرف البيت ويلعب مع الاطفال لكن خرب لدي وايرات شاحن الابتوب وواير الدش
والعفش كذلك وسخ الدنيا
المهم كلما ادخله القفص يحفر طول الوقت ولا ياكل فقط يحفر برجله خمس ست ساعات يحفر بدون كلل او تعب هههههههههههههه

اخاف عليه من الجوع لان عظمة صدره تبرز فاطلعه مباشرة
رغم اني حاط له قفص جميل وملىء بالالعاب والاغصان
عطوني حل ولكم مني الدعاء...

[محبـه الكوكاتيـل]

هي حرركه الحفر يعني يبي يطلع او يلعــب
خليه يطلع فوق القفص بس حطي تحت القفص شي
عشان اذا وسخ يوسخ على الـشي الي بتحطه تحت القفص
ولا يوسخ على الارض

[(أبو ريتال)]

غير مكان القفص

[سيف العباس]

كل الشكر لكم أحبتي
لكن انا القفص عندي مفتوح لو رجعته اغلقته عليه راح يزعل ويحفر ولا يأكل حتى لو غيرت المكان نفس الشىء
لذلك مخليه في غرفة خاصة به لكن عفس كل شىء فيها وما اشعر بمتعة لانه يفسد علينا كل شىء ويطب علينا وسط الطعام واحنا نتغذى
وهم يهجم على الفرن اثناء الطبخ مشاغب كثير لانه حركي ولو دخل القفص برتاح منه كثير بس مشكلته ما يقبل
ابدااااااااااااا
وانا خايف بصراحة ا اخليه ا بالقفص ويمرض ويموت
مشكورين جميعا

[shabeen]

غير مكان القفص
او غير القفص

وحاول تلعب معاه او تكلمه ، واول مايسوي هذي الحركة ( الحفر ) امشي وخليه .

وارجع ونفس الشيء

حتى يحس ان تصرفه خطاء ويتركه

[eaglesa38]

عزيزي كل عادة نريد القضاء عليها نحتاج وقت وجهد
خليه داخل القفص اربع ساعات وطلعه ربع ساعة ياكل وبعدين رجعه داخل القفص
وهو داخل القفص حط له اكل لربما يبدأ ياكل
ايضا لا تخليه فترة طويله بدون احد يقرب عنده ويلاعبه وهو داخل القفص
لازم تكسر عادته بان تغير عليه الجو
مثلا دخل يدك وامسح عليه
تكلم معاه
اي شيء تقدر تسويه له وهو داخل القفص لا تتردد
استمر على هذه الطريقة وان شاء الله يتغير

تقبل تقديري

[سيف العباس]

كل الشكر لكم أحبتي ، حقيقة وقتي لا يسمح لي بالبقاء معه طول الوقت لذلك هو حر طليق وهو مأمون

على الاولاد يلعب كثير ويحبوه لكن ام الاولاد تكرهه بقوة ههههه

لانه ما خلا ولا بقى بس يلا يخفف الامر أنه يتكلم وينادي بالاسماء مسوي جو وان كان متعب
لكثرة ما يلتقط من امور يتلفها

على العموم رحم الله والديكم جميعا

[king of dragon]

حركة رجول الطير وسواته زي الثور الهايج معناه خرجني واذا كان يحب الجلسه فوق القفص لبسه حلق بحبل في رجله عشان يخرج ويطلع فوق القفص براحته
والله انا عندي مفلوت وماتصدق انو يلحق وراي زي الطفل انزل الدور الاول ينزل وراي وانا عندي نفس المشكله امي ماتبغاه وهو الا يجلس تحت
فلا خرجت ربطته عشان ماينزل ويخرج برا القفص ويبرم بس نزول مايقدر بنزل

[سيف العباس]

عجبتني الفكرة تلبيسه حلقة برجله وكنت اريد اسويها وشريت له سلسلة بس لقيتها صعب تركب برجله او في الحجل

فكرت اربط فيه حبل أو خيط لكن خفت يتلوت عليه تلتف عليه وتاذيه ، مشكلتي معه بصراحة هو يحب يركب على كتفي ويجلس يعضض في اذني وانا صراحة اتحسس منه بقوة هههههههههههههه

احاول باي طريقة اشيله وهو يصر على الجلسة على كتفي وراسي

مشكلة الطير غفيف وال اهو حباب وحركي وحنون

[ابو التواريخ]

سهلة إن شاء الله

أنت تقول إن طيرك هولندي

يعني الطير محجل

بما إن الطير محجل

روح أقرب محل طيور وخذ لك

سلسلة خاصة تركب في الحجل

وخذ لك استاند وخله يوقف عليه

وكل ماتمر عليه ألعب معاه وأمسح على راسه

وبكذا تنتهي مشكلتك إن شاء الله

لـكـ

أجمل تحية