؟؟؟؟؟؟ هل الدود في روث الثعبان طبيعي ؟؟؟؟؟؟

[jassim99]

السلام عليكم...

شباب عندي البرميس امس خليتها تسبج و وصخت بالماي و لاحضت ان مع الوصخ في شي طويل بس مادري هل اهو دوده ميته او هذا طبيعي

هذي الصوره بالماي و الي تلوع جبده لايطالعها

http://img98.imageshack.us/i/001kzp.jpg/

وهالصوره بعد ما طلعتها بره الماي

http://img27.imageshack.us/i/003yzl.jpg/

الي خلاني اشك انها دوده انها ماتتحرك عشان جذي مو متاكد

فيدوني بمعلومات عن هالشي

[سبونج بوب]

اخوي الدود يتحرك اذا لمسته بيتحرك
بس انا اتوقع انه هذا برازها؟؟؟

[|| PyTHoN ||]

الشكل يوحي بأنها دوده &&"
مادري ولله أخاف ماكله شي و ببطنه دوده مثلاً &&"

مادري :D

[jassim99]

ماتتحرك اذا لمستها

بايثون اول مره اشوف هالشي يعني مو دايما يصير و اهي وحده مو وايد

انا بعد نفسك الشكل يقول دوده بس اذا كانت فعلا دوده فهي ميته

اذا في احد عنده معلومات عن هالشي لا يبخل علينا

[|| PyTHoN ||]

زين متأكد طلعت منها &&" ؟

يمكن طاحت بالماي او شي يعني انت كنت مخليها بروحها ؟
ولا جدامك شفت ؟

[Octopus]

شكلها مثل دودة الارض

[سمكه صغيره]

جاسم انت تصير معاك شغلات تخوفني
وش الي دود؟؟؟؟؟
بعدين انا الي عندي ما توسخ كذا زي السماد

http://img98.imageshack.us/img98/7025/001kzp.jpg

وش تاكلها؟؟

[jassim99]

اول شي الحمدلله عالسلامه لك فتره مو مبينه بالمنتدى

بعدين الوسخ صاير بهالطريقه لانه بالماي ويتفتت اذا خليته فتره بس اول ماتوسخ طبيعي

و اخر وجبه كلتها كانت سمان او فري

[|| PyTHoN ||]

^

ألاحظ الي ياكلون طيور عامةً يكون جذي
و لما ياكلون شي من القوارض يكون عادي المدور

.
.

[سمكه صغيره]

الله يسلمك
جهازي اخترب و تعيجزت اصلحه بس هذا انا هنا ^_^
ما لكم فكه مني P:

ايه يمكن علشان الريش
لان انا ما اخليها توسخ بالحوض يوميا اسبحها علشان توسخ بالماء ما فيني اشيل الحوض و اغسله و انشفه و اجدد الخشب
بس وسخها ما يتفتت ابدا

بس دام تاكلها طيور الطيور تاكل دود فممكن اذا كانت دوده تكون من الطير مو من الثعبان
انا من رايي لا تشيل هم ما فيها الا العافيه

[|| PyTHoN ||]

الطير انهضم و الدوده لا ؟!

مو معقوله :D

[سمكه صغيره]

لما كنت ااكلها فيران اذانهم ما تنهضم ما اعرف وش السبب

و اول ما شريتها اتوقع انهم ماكلينها طيور
كان وسخها زي الاسهال كل شيء اشوفه

ريش و اشياء غريبه ممكن الدوده من الاشياء الي ما تنهضم

[jassim99]

هههههه ضحكتني والله بايثون كلامك سليم ١٠٠٪

سمكه دبحتيني من الضحك اكثر غريبه زعفرانه تهضم كل شي ماعدا الاذون قاعد أتخيل
شوفي هذي يمكن اشياء تشبه الاذون لان صعبه ماتهضم الاذون

[|| PyTHoN ||]

انا عندي الكل يهضم أكله كآمل -_-"
شنو أذون و هالخرابيط &&" ؟!

[سمكه صغيره]

اذن الفار بس الي ما ينهضم الهامسترات تنهضم كلها
والله هذا الي يصير مع زعفرانه اشوف الاذن تسبح بالماء لحالها ما عليها لا شعر ولا شيء شيء زي العدسات لونه لحمي
الله اعلم وش السبب

[الخيّال]

هذي فعلاً دودة وشكلها قريب من دودة الاسكارس والديدان عادتاً تعيش بأمعاء الكائن سواءا ثعبان أو حتى أنسان وتاكل من الطعام المهضوم ولا يمكن تكون داخل الطير الي أكلتة و ألا راح تنهضم بعصارة المعدة

[jassim99]

قواك الله يالخيال بس الي انا مستغرب منه هو ان حتى لو كان فعلا ببطنها دود الدود مايطلع مع الفضلات و اذا طلع هل يطلع ميت ؟؟؟؟؟؟ لانها ماتتحرك نهائيا ميته

[انجل مان]

رب ضارة نافعه !!

يمكن عقب ما اكلت الطير .. نظف لها بطنها من الدود !

[سمكه صغيره]

لا تحاتي الحين لما تشوفها صارت متينه كانها بلونه ذيك الساعه خاف

[jassim99]

الله يسمع منك انجل مان

سمكه من قالك أني خايف ماعاد اهتم نفس قبل لاحضت ان الشي اذا اهتميت فيه وايد مايتم بس اذا هملته يكون ١٠٠٪ هههه

[الخيّال]

قواك الله يالخيال بس الي انا مستغرب منه هو ان حتى لو كان فعلا ببطنها دود الدود مايطلع مع الفضلات و اذا طلع هل يطلع ميت ؟؟؟؟؟؟ لانها ماتتحرك نهائيا ميته

ممكن انها تكون ماتت داخل الثعبان وطلعت مع البراز وهذا هو التفسير الاقرب

[الخيّال]

الله يسمع منك انجل مان

سمكه من قالك أني خايف ماعاد اهتم نفس قبل لاحضت ان الشي اذا اهتميت فيه وايد مايتم بس اذا هملته يكون ١٠٠٪ هههه


على فكرة أنا في كثير من مشاركاتي وردودي على الاعضاء انصحهم بعدم المبالغة بالاهتمام لأنة ربما يؤدي الى تصرف خاطئ والاهمال ايضا خطأ الافضل المحافظة على الاساسيات فقط مثل درجة الحرارة والتغذية السليمة فقط وغير كذا لا تهتم .

وانا اتحمل مسؤلية كلامي


الاحظ الكثير يبالغون بالنصح بالاهمام الزائد وليس من خلال تجربة مجرد يقرأ من المواقع الاجنبية ويعيد الكلام .

[jassim99]

فعلا اخوي الخيال أنا اول ٣ ثعابين لي ماتو بسبه الاهتمام الزايد عن اللزوم

لكن الحمدلله الي بعدهم بس دفايه ورطوبه و اكل وساعات أطلعهم وساعات لا والحمدلله صحتهم ١٠٠٪

مانستغني من خبراتك يالخيال الله يعطيك العافيه

[hellboy]

مثل مـــا قال الخيال هي نوع من انواع الديدان الاسطوانيــــــــــه

وأجسام هذه الديدان اسطوانية الشكل ومدببة الطرفين , تعيش في المياه العذبة والمالحة ؛ وقسم كبير منها يعيش في التربة . كما يعيش بعض أنواعها متطفلاً على النباتات والحيوانات والإنسان حيث يسبب لها أمراضاً خطيرة.

تحتوي الديدان الإسطوانية على جهاز هضمي له فتحتان : فتحة يدخل منها الغذاء المهضوم, وفتحة شرج تخرج منها الفضلات.

من امثلتها: ديدان الإسكارس – الديدان الدبوسية – دودة الإنكلستوما – ديدان الفيلاريا.

واعراضهــــــا :

1. سعال أو نزلات شعبية عند مرور الدوده في الرئتين مخترقا الحويصلات ليصل إلى القصبة الهوائية.
2. ضعف عام وآلام في البطن وأعراض سوء الهضم.
3. أحيانا تشاهد وجود دودة كاملة في البراز.


بحث واعداد : الاستاذ مساعد الغامدي

[|| PyTHoN ||]

^

و العلاج ؟ :D

[hellboy]

العــــــــــــــــــــلاج :
1 . يكون الماء نظيـــــــــــــــف دائما
2 . وتاكد من صحـــــــة الوجبة يعني لاتكون مريظه او مسمومه وكذا..

[أريـsupeـج]

جاسم ياصاحبي انت تسير معاك اشياء غريبه

لكن الاقرب والاصح انها دوده طفيليه لو غير كدا
كان ماتت وانهضمت وهيا طلعت لانها مينه

اهتم فيهم تمام
والله يطمنك عليها يارب
ومافيها شر ان شاء الله

[jassim99]

اريج شنو يعني دوده طفيليه ؟

وتسلمين عالمعلومه

[سمكه صغيره]

يا جاسم ممكن ما تنهضم
لان حتى الانسان احيان في شغلات ما تنهضم على اختلاف الاشخاص
و في ضاهره جديده الكثير ما ينهضم معاهم الاندومي - قشر الفواكه- بعض انواع الخضار- الرز- اللحم شغلات تستغرب منها ان معدة الانسان ما يهضمها
-_-
لا تستغرب ان الدوده او اذن الفيران ما تهضمها معدة ثعبان
^_^

[|| PyTHoN ||]

ويييه درس الطفيليات خايس يع

المهم الدوده الطفيليه تعيش بمعدتها و تاكل من أكلها
تصير بالبني آدم بعد ~

[jassim99]

درس الطفيليات ؟ يهيه

الاحتمالين واردين وكلام سمكه هم ممكن يكون صح لان الثعابين ماتهظم الريش ولا الشعر

اما بالنسبه لاذون الفار الي تطفح كل ما اتخيل شكلها اضحك ههههههههههههه

[Anxion]

هاذي ما هي بدودة أرض لأنها تختلف عنها ببعض شغلات أهما انه السرج اللي يميز دود الأرض مو فيها وتاني شي دود الأرض سهل هضمه على جهاز الهضم الخاص بالأفاعي يعني مستحيل تكون دودة ارض

تأكد اذا ثعبانك مو مبين عليه اثار مرض بالدود مثل الجوع الزايد ونقصان الوزن فالدودة تكون من الطير اللي اكله

والله أعلم