|| شوية أسئله ~

[|| PyTHoN ||]

السلام عليكم ~

في عندي جم سؤال ,,

1 ) عندي اوسكار و مضبط الحوض قبل على 25ْ ، مادري شصار فيها و صار فيها الوايت سبوتز رحت و شريت دوا و حطيته بعد جم يوم الا أشوفها صارت كلها بيضه :wao:
شلتها الا تتحرك :12:
حطيتها بحوض و نظفت ذاك الحوض و خليتها المهم أشوفها مافي عليها شي و رفعت درجة الحراره بـ 28ْ ، الحين صح جذي ولا شنو ؟ و شنو الي يسبب الوايت سبوتس ؟

2 ) الطحالب :angry: ، ما ادري ليش انا الوحيد يطلعون عندي هالطحالب ×_×" ، أكثر من حوض عندنا و انا حوضي أنظفهم حتى ، و مافيه الا الأوسكار بس بروحها ، كل مره يطلعون طحالب أنغثيت شريت زبالين و ماتو و هالطحالب ما ماتو كل مره فرشة الأسنان و أفرك :D
لي متى ؟ مافي حل ؟

3 ) بحط أوسكر ثاني وياها &&" ، قبل كانو 2 لكن ماشالله مصارعه بالحوض -،-" ، و البقاء للأقوى وحده ماتت ×_×" ، بحط 2 الحين شسوي ؟ آخذ وحده أكبر منها بشوي صح ؟

و يعطيكم العافيه مقدماً :D

[متدرب]

وعليكم السلام

1- بخصوص علاج الوايت سبوت .. انا مالي اسبوع مجربه , ونتائجه ولله الحمد ممتــازة

بس لازم تكون الطريقة سليمة وصحيحة .. واليك الخطوات

http://2zoo.com/vb/showpost.php?p=1936540&postcount=5




1- اول يوم , قومي بتغيير ثلث ماء الحوض , اضافة الدواء " نقطه لكل 1 لتر من الماء في الحوض "
رفـع درجة الحرارة 2 درجة مئوية , اطفـاء الفلتر " اطفـاء الاضـاءة كاملا ً , منع الطعـام .. فقط مضخة الهواء هي اللي شغاله
2- اليوم الثـاني , لا تقومي بفعـل شي
3- اليـوم الثالث , تقومي بتغيير ثلث مـاء الحوض , واضافة نفس الجرعه من الدواء اللي اضفتيها في اليوم الاول

وان شـاء الله , اليوم الرابع راح تلاحظي تحسن ملحوظ او اختفـاء كامل للنقـاط

وهذا عن تجربة

في اليوم الرابع ,, يمكنك تغيير ربع ماء الحوض , واضافة طعام " ربع الكمية اللي كنت ِ تضيفيها من قبل "

ثم تستمري ثلاث ايام متتالية بتغيير ربع ماء الحوض , دون اضافة الدواء للتخلص من اثره

ثم تدريجيا ً يتم انزال درجة الحرارة , وتشغيل اللفلتر


2- بالنسبة للطحالب , عادة تزيد وتنتشر إذا كانت الاضـاءة قوية او مدة الاضاءة طويله
فيجب ان تطفي الاضاءة لمدة لا تقل عن 10 سـاعات يوميا ً ,, ايضا الزبال ممتاز في هذه الحـالة كونه يتغذى على الطحالب



هذا والله اعلم

[|| PyTHoN ||]

^

أنا بيومين راح كل شي و روحها بغت تروح ×_×"
زين شنو أسبابه لحد الحين ما عرفت ، يقولون درجة الحراره لكن كانت 25
و هاذي مناسبه للأوسكار ~

و بالنسبه للطحالب عيل أتوقع لأني أشغل الليت مده + قبل كان UV فـ :D

و بخصوص إضافة أوسكار ثاني لها شلون ؟ مابي هواش مره ثانيه -_-

[متدرب]

أنا بيومين راح كل شي و روحها بغت تروح ×_×"

ما فهمت :)
..

بالنسبة لسبب الوايت سبوت .. هو نوع من الميكروب او البكتريا

ولكن كون المرض يظهر بسبب ..

تغيير في درجة حرارة الماء .. اجهاد الاسمـاك وغيره

فلإن في مثل هذه الحالات , تقـل مناعة السمكة وبالتالي تصـاب بهذا المرض

..

بالنسبة لسؤالك الثالث ,, اتركه لاهل الخبره



والله اعلم

[عاشق البحـار]

ضيف اوسكار بنفس الحجم

[انجل مان]

اهلا وسهلا بالاستاااذ بايثن .!!

شرفت ونورت القسم والله ..

ماشاء الله تربي اوسكار والله شي حلوو !

طيب بالنسبه لاسئلتك !

اولا سبب ظهور مرض الوايت سبوت هو انخفاض وارتفاع درجه الحراره المفاجئه !؟ تعرف احنا الحين بوقت الشتا ممكن درجه حراره الليل تفرق عن النهار !! وهذا السبب !

علاجه جد سهل !!

تعزل السمك بحوض او اي علبه بلاستيكيه اخرى !؟ وتضع لها مضخه هواء وسخان مثبت على 29 درجه لتسريع دورة الطفيل !؟

وبعدها تضع لها كم نقطه على حسب اللترات الموجوده بحوض العزل ! من علاج ( انتي وايت سبوت )

وبعد يوم او يومين تلاقي النقاط مختفيه تماما !! بأذن الله !

هذا خلصنا منه !

باقي عندنا اضافه اوسكار جديد بالحوض ! هذي المسأله تعتمد على المساحه عندك ؟! ابيك تعطيني مساحه الحوض

الطول × العرض × الارتفاع وحجم السمكه تقريبا ! وانا اقولك ! اذا بيمشي معها او لا !

[|| PyTHoN ||]

لا درجة الحراره نفسها ثابته و غرفتي أساساً دافيه < عارف ليش :D
حتى الهيتر ما أشوفه شغال الا شوي ، و كان 25 ، حالياً مخليه 28
و المرض صك الأوسكار مع الزبال مره وحده ×_×"

و الحوض الحين صغير :D

40 × 30 × 30

أدري لازم أكبر شوي ، و الأوسكار امممم تقريبا 8 سانتي ,,
بس أنا الي قاهرني بالمحل مافي أشياء مصابه عندهم &&"
و حوضهم صغير و فيه حوالي 14 وحده : \

و صارلي مده و انا أشوفهم ناطر شي فيهم يموت < أمحق :D
المهم راح يمشي الحال ؟ ، < انا راح أفصل حوض 120 × 60 × 50 مستقبلاً
و يمكن أضيف وياهم اروانا و أزيد الأوسكار بعد < طموح :D

بس حالياً عندي مشكله و الي اهي غرفتي زحمه و مافيها مكان

فـ آخذ الحين ؟ ، أهو ودي الحين لأن السالفه مطوله شوي ، بس لو انهم
بيتهاوشون فـ ما آخذ إلا لما أسوي ..

فـ :D ؟؟

____________

خارج الموضوع ;
أنا فضيت حوض و اخوي بيحط فيه فلور هورن صغير قياسات الحوض
60 × 30 × 30
و شرينا أغراض و كل شي الحين شغلنا الهيتر فيه شي غريب احنا
حاطينه 26 ، حطينا ايدنا بالماي فوق حآآآآر ، و متأكدين انه اكثر من 26 بوايد
بس أحط إيدي تحت آخر شي بارد حيل &&
شالسالفه ؟ :D

* أغلب الوقت شغال ><"

[انجل مان]

الحوض اللي عندك جدا صغير .. وما يكفي الا للاوسكار لوحده فقط !! وهذا سبب عدم عيش اي سمكه اخرى !

بالنسبه للهيتر .!؟ اللي تقول عنه !؟ ممكن انه من النوع اللي ما يفصل اذا وصل درجه الحراره مثلا 26 ؟! يضل شغااال .!

فتأكد من درجه الحراره بالتماام ! من قياسها وليس بالاحساس !؟ اضمن !

لكن انتبه تضع السمك فيه !. دامك تحس بحرارتها !. وجسم الانسان حرارته الطبيعيه 36 فأكيد اكثر !؟

[|| PyTHoN ||]

^

أمم قلت يمكن يصير أحبه :D

__

عموماً انا أقولك حار بمعنى الكلمه &&"
يعني شفت لي بغيت تغسل إيدك بعد الغدا شلون تحط ماي حار جذي :D
يعني نحط فيه شي يصير مفيوح :D

مو مشكله بنرجعه هالهيتر و ناخذ غيره و الله يعين ~

[Dr Khaled]

مرحبا باثيون شو مشان الحفلة إللي صايرة معك طيب حبيبي أقرأ قبل ما تربي :) لا ما عندك هيك قاعدة
حوض قياس 40*30*30
الحجم 36 لتر
الفلتر المطلوب 350-400 لتر بالساعة
السخان قوة 50 واط
حصى طبيعية
الإضاءة لمبة واحدة تكفي أضغر قياس
السعة
6 أسماك قياس دون الخمس سمنتيمترات
2 سمكتين قياس 5-8سم فقط هذا للمسالم أما الشرس فلا أتوقع أكثر من سمكة واحدة واحدة

حوض قياس 60*30*30
يصلح لزوجين فلاور هورن فقط
الحجم 54 لتر
الفلتر المطلوب 540-550 لتر بالساعة
السخان 100واط و بزيادة و أيضاً سخان 50واط يفي بالغرض
الإضاءة أصغر لمبة موجودة

أما العلاج فإتبع تعليمات أخونا أنجل و موفق

كما يجب عليك وضع ميزان حرارة داخل الحوض لتعرف ماهية درجة حرارة الماء و لا تعتمد مقياس الإحساس لدينا بالماء و يوضع الميزان في الجهة المقابلة الوسطية للسخان

أما بقياس الحوض الذي تنوي أن تفصله
120*60*50
الحجم 360لتر
سماكة الزجاج لا تقل عن 1سم
الفلتر المطلوب هو بقدرة 3600 لتر بالساعة و هذه تعد فلاتر خارجية
الإضاءة لمبتين بطول 1متر
السخان هما إثنين واحد قياس 300 واط و الأخر 100 واط يثبتوا مقابل بعضهم
صخور و حصى طبيعية ليست ملونة الأساس في الحوض إذا من هواة الشرس كما يجب أن تكون الصخور على هيئة كهوف
سعة الحوض للسماك الشرسة هي 18 سمكة فقط بغض النظر عن طول السمكة إلا إذا كانت طول الأسماك فوق ال 15سم فتصبح 9 أسماك و إن كانوا فوق ال 23سم تصبح 5 فقط

كما أنه من المفضل أن تقرأ أسليب العناية بالأحواض من مواعيد تشغيل الإنارة و التنظيف الجزئي و الكلي للحوض
أما قاعدة أحضر و ربي فهي خاطئة تماماً فهذه مخلوقات تحاسب عليها إقرأ قبل التربية

[|| PyTHoN ||]

^

يعطيك العافيه اخوي

سالفه الحوض الي 60 الهيتر شكله خربان اصلاً
و انا ما قلت أحدد الحراره بالإحساس &&" ، هذاك الهيتر فيه ترمومتر يحسب
فمو مشكله ، انا الي أقصده الي بالحوض الي الهيتر ماله خربان

ما يحتاج حتى ترمومتر ، بإيدك بتحس انها أعلى من 35 !!

حآر حيل يعني أحط ترمومتر ليش و انا متأكد انها أعلى بوآآآيد ~

و عن التفصال بكون سمكه سانتيين و نص < لأن بعدها أحتمال أحط فيه أشياء ثانيه

و بخصوص الحوض الحالي ، الفلتر مو بذاك الزود مادري أصلاً كم قوته مو مكتوب
عندي حوض الي يكون الفلتر منه و فيه ، لكن شي بديهي بكون المفروض مناسب
يعني مخصص له و يكون مو مضبوط مثلاً ؟ &&

و أنا فارش الحوض حالياً بـ زرع صناعي < خربها راعي الحيايه ههههههههههه :D
هاذي صوره للحوض < الله يستر :D

http://img339.imageshack.us/img339/7122/20110102982.jpg

الصخر سوالي مشاكل و كرهته شلته -،-
و حبيت أخلي ستايل الأحواض بغرفتي واحد فـ سويت جذي :D

.
.

[|| PyTHoN ||]

^

ماشي الحال ولا أغير ؟

[انجل مان]

ماشاء الله ..

رووعه تصميمك بالعكس الارضيه زرع . والفكارات . مرة شي حلوو ..

على العمووم كويس انك منتبه للاشياء هذي وتسأل قبل الاستعجال .! وموفق بأذن الله ..

[eyad_5000]

يعطيكم العافية
بنسبه للوايت سبت كلام الشباب في منه
بس انت شغلت الحوض حسب الاصول يعني دوره البكتيريا خذت مداها؟؟؟؟؟؟
على كلا الاسكر قويه وبلعادة بتنجو اذا لحقتها ارفع الحرارة لثلاثين وزيد ملح طعام قدر كاسة شاي لكل 100 لتر لاتغير المي وذا غيرتها لاتغسل الحجار و الفلتر:freind:
بنسبه لطحالب انت ما بينت شو لونها الي عرف اجاوبك 100% بس على كلا مشكلتك بالاضاءة
اذا الحوض بتظربه الشمس اكيد رح يطحلب اذا لون الطحالب خضرى طبيعي وما بضر اذا بني بكون عندك مشكلة لازم تحلها:freind:

[eyad_5000]

اخوي السكلايد وعراسه الاسكر ما بلزمه زرع لا طبيعي ولا صناعي
بستثناء بعض اسماك الامزون طبعا زي الدسكس مثلا
والاسكر 6سانتي اليوم ورح اتزيد اكثر من 2سانتي كل شهر لمتا رح يسعها الحوض
طبعا هي والفيرهورن حقت اخوك
لاتنسا انك دايما بتقدر تشتري سمكة بس صعب تتخلا عنها
هاذي نصيحة من اخوك:freind:

[|| PyTHoN ||]

^

أممم انا عندي أشياء ثانيه أهم :D

انا الزرع مجرد ديكور حاطه أحلى من بدون شي -_-"
و ما لاحظت عليه كبر ولا شي و الطحالب اي لونهم اخضر
الشمس ما توصل الحوض اصلاً &&"

و بالنسبه للفلورهورن لا حوضها كافي و زود بعد ^^
و بدلنا الهيتر و الحمدلله كل شي تمام ،

.
.

[انجل مان]

اذا عندك بلاكستوماكس ( الزبال ) !!

ترى ينظف لك الطحالب اذا مضايقتك !؟

[|| PyTHoN ||]

حطيت 2 و أثنينتهم ماتو &&"
واحد مات جريح بعد هجوم الأوسكار ، و الثاني طُرح أرضاً من دوا الوايت سبوتس &&"
< متعوب على هالسطر :D
في كائنات ثانيه تاكل هالطحالب ؟ &&"

[t_rexsa]

يعطيكم العافية
بنسبه للوايت سبت كلام الشباب في منه
بس انت شغلت الحوض حسب الاصول يعني دوره البكتيريا خذت مداها؟؟؟؟؟؟
على كلا الاسكر قويه وبلعادة بتنجو اذا لحقتها ارفع الحرارة لثلاثين وزيد ملح طعام قدر كاسة شاي لكل 100 لتر لاتغير المي وذا غيرتها لاتغسل الحجار و الفلتر
بنسبه لطحالب انت ما بينت شو لونها الي عرف اجاوبك 100% بس على كلا مشكلتك بالاضاءة
اذا الحوض بتظربه الشمس اكيد رح يطحلب اذا لون الطحالب خضرى طبيعي وما بضر اذا بني بكون عندك مشكلة لازم تحلها


ملح طعام لا

ملح طبيعي اللي يجي خشن مو ملح المائدة