آرجو منكم المساعده

[jacob]

السلام عليكم
انا بشتري ان شاء الله اليوم جرو جرمين انثى عمرها شهر وشوي
وعندي كم سؤال

1- بهاذ العمر ايش شكل او نوع البيت المفضل لها مع العلم انه بيكون خارج المنزل يعني في الحوش بس في مكان صاد عن البرد اللي عندنا بالرياض

2- في اشياء معينه اشوفها فيها قبل اخذها مع اني قريت كثيييييير عن افضل موصفات الجرمين قبل يشتريه الشخص بس لو في اشيا اساسيه تقدرون تساعدوني فيها

3-انا مره احب الجيرمن بس انا مابيها تكون شرسه او للحراسه ابيها تكون هادييييه وتلعب عادي وابيها تتعلم انها ما تنبح كثير انا كان عندي قبل جيرمن ذكر بس لاني جبته كبير ماعرفت اعلمه على الطاعه وكان مزععجججج ينبح على اي شي


4- ابي لها بيت من شبك او خشب ويكون سهل للتنظيف غير اللي في المحلات وين القيها هاذي او افصلها وين

انا عارفه اسئلتي كثير بس معليش اعذروني

اخيرن لانها بتكون لسا صغيره ايش افضل شي لها لل آكل ؟؟

يارب احد يرد علي قبل بكره لاني انشاءالله بكره رايحه اخذها:shy::12:


ومشكورين مقدمآآ:)

[الليل]

مرحبتين اختي

بالنسبه للبيت ممكن انك تفصلينه عند النجارين يكون مترين في مترين
او انك تفصلين قواطع برضه مترين في مترين

بالنسبه للجرو ممكن انك تصورينه وتورينا صوره وعموما بالعمر هذا صعب الشخص يحدد لك اذا بيور ولالا
ممكن انك تشوفين الاب والام لتحديد مستواه اذا وجد

اما انك تبينه هادي وماينبح هذا على حسب تعليمك له من الصغر
والجيرمن بطبيعتة يحب يحرس ويحافظ على ممتلكات صاحبه صعب انك تغيرين جيناته
وعموما الجيرمن يحب اللعب كثير وهو جرو انا اقلقني من كثر اللعب ههههههه

وبالنسبه لتعليم الطاعه مو ممكن بالعمر هذا اختي لانه صغير
بداية تعليم الطاعه من عمر 4 شهور اما بعمره اللي بتشرينه فيه
فقط اهتمام بالتغذية والصحه والتطعيمات


عموما يتربى بعزك اختي والله الله بالتغذية السليمة
اي سؤال او استفسار بالخدمه :)

[كـش مـلك]

اختي والله اخووي الليل ما قصر انا بعطيك روابط تفيدك

اختيار كلب الجيرمن شبيرد البيور


http://www.2zoo.com/vb/showthread.php?t=153112


ألوان الجيرمن وتقاسيمه الجسديه وانواعه وتقييمه من حيث المعلومات


http://www.2zoo.com/vb/showthread.php?t=156829


اختيار الجراء


http://www.2zoo.com/vb/showthread.php?t=119316





سؤال عن التغذية الصحية
http://www.2zoo.com/vb/showthread.php?t=116287


http://www.2zoo.com/vb/showthread.php?t=127167


http://www.2zoo.com/vb/showthread.php?t=124552


تقبلي مروري

[jacob]

الله يسعدكم دنيا و اخره والله مشكورين ما قصرتوا مشالله عليكم
والله استفدت من ردودكم
بس في سوال باقي صغير لاني قريت مواضيع كثيره عن النباح اللي هو الانتي باركنق
اقدر القاه بالرياض او يبيله طلب ؟

واسففففه والله على كثر الاسئله :(

وجزاكم الله آلف خييرر و كل من في هذا المنتدى الرائع

[كـش مـلك]

اووك اختي اذا حابه تعرفي عن الانتي باركنق = Anti barking
الي هوه (( مكافحة نباح ))

والله انا بنسبه لي اقوولك تاخذين روابط تفيدك فيها صوور و زي كذا يعني




جهاز مانع نباح الكلب مع الصور


http://www.2zoo.com/vb/showthread.php?t=128909



مشكلة مع الجيران والسبب نباح الكلب


http://www.2zoo.com/vb/showthread.php?t=156033

[jacob]

الله يجزاك ألف خير انا قريت عنه و مره ابي اجيبه بس ماني عارفه وين ألقاه في الرياض
وسوري اني تعبتكم معاي

[كـش مـلك]

تعبڲ راحــه يا اختي
انا انشاء الله اجيبلڲ المڲان بسس مۊ الحين
يعني انا ابدۊر عليه انا ابغاه بعد

ۊبرسلڲ رساله خاصه عن المڲان

تقبلي مرۊري اختي الڲريمه

[jacob]

الله يوفقك يارب ويسعدك ..

[كـش مـلك]

اي خدمه ثانيه اانا واخواني الخبراء في الخدمه
في عالم الجيرمن اسأليني وانا اجيبك بأذن الله
والله انا ما احط نسبتي في الخبره بنيبت اخواني الخبراء في منتدانا

[الـــــــرازم]

>> يعطيك العافيه اخي كش ملك

:)

[كـش مـلك]

الله يعافيك اخووي ابو خليفه
والله هذا شرف لي انك تثني علي
بسس يا ليت تنقل الموضوع للــ قسم السؤال والجواب
لكي يستفاد منه

[الـــــــرازم]

ابشر بعزك

[كـش مـلك]

يعافيك ربي
بسس افيدنا وانا اخووك في استخدام هذا الجهاز
والله ما اعرف له

.._____^

[jacob]

والله اهنيكم على هذا المنتدى مساعدين الناس في كل شي الله يوفقكم جميعاآ

[كـش مـلك]

والله الشرف لنا يا اختي بــ الرد على ـأإ موضوع زي موضوعك
وهني نفسك بــ الاول لانك عضو من اعضاء المنتدى ـأإ وخبيره في عالم الكلاب مستقبلاً إنشاء الله

[الـــــــرازم]

بخصوص الجهاز يستخدم فقط للكلاب البالغه التي اجتاز عمرها السنه واكثر

ويتم استخدامه بأحتراف متقن

;)

اي عمل ووتسرع في وضعه على كلب جروو لم يبلغ

راح يكسر شخصيه الكلب ويدمر قوه الكلب من الصغر

ولاتنسون مرحله التأسيس تكون صعبة

الجراء تحتاج الى وقت وصبر ومتابعه

ولاتنسون ايضا ان النباح غريزه فالانريد منعها من غريزتها

ولكن نحاول ان نغطي الامور هذه باحتراف اثناء حصرها

في بيوت مخصصه لها وعدم تركها لوقت فرااغ غير مستفاد

منه لكي لاتزعج الآخرين

[jacob]

الله يعطيك العافيه انا ماعرف احد جربه بس اني اشوف باليوتيوب انو بعض الكلابه الصغيره يحطونها لها بس الله اعلم بالظبط كم اعمارهم عالعموم الله يجزاكم خيرا جميعاآ بس بس شي صغير لان هي لسا صغيره ماني عارفه العبها و هي ما تنبح الحين بس كآنها تنووي او تون اٌغلب الوقت ولا ادري وش فيها :( احاول العبها تلعب شوي ويرجع نفس الشي مع اني كاشفه عليها سليمه هي مافي شي يعورها او كذا

والمشكله باللييل كمان مره مسكينه بس تووووووون مدري وش احطلها عشان اسليها :(
مع انو بيتها كويس وعندها شي تنام عليه و مو بالبرد بس تووون تبي احد عندها فكرت اشغل راديو عشان تسمع الصوت بس للحين مدري وش اسوي صوتها ينرحم :(:(:(:(:(:(
هي باين انها طفشانه وتبي تلعب او احد عندها بس بهذا العمر للي هو 42 يوم ايش افضل الالعاب او في اشياء اقدر اعملها لها ؟

والله تفشلت منكم من كثر ما اسآل *ــــ*

[Musab Pro]

بالنسبه للعب فالكلاب تختلف

مستوياتها وعلى حسب راحتها النفسيه

يعني اذا هذا اول يوم او اسبوع .. الكلب يحتاج وقت اطول

تقضينه معاه وراح يثق فيك ويلعب معك .

فيه نصايح اخرى ودي اعطيك اياها عشان تتفنين باللعب معه

لازم ما يلعب مع اي كلب ثاني .

استخدمي نبرة صوووت لطيفه وامدحيه وامسحي عليه بينبسط

ممكن تبنين عنده حب اللعب بالاكل .. يعني ما تعطينه القطعه

على طول .. تحركينه يمين ويسار وهو يلحقها لين يصيدها

بس انتبهي على يدك لانه ممكن يتحمس شوي :D

جيبي له كرة تنس .. ولما يوصل 4 اشهر ويغير اسنانه غيري كرة التنس

لانها مضره للاسنان . او تق (tug ) زي هذي .

http://www.fordogtrainers.com/ProductImages/pictures/bite-tugs/leather-dog-bite-tug-dog-bite-tag/leather-dog-bite-tug-dog-bite-tag/many-dog-bite-leather-tug-dog-bite-leather-tag.jpg

انا شخصيا ما لقيتها بالمحلات اللي حولي فسويت له ثنتين وحده من خيشة قهوه

والثانيه من جلد :) ... طبعا هذي اللعبه هي الافضل للكلاب اللي ستحرس بالمستقبل

او الكره هذي (ربل) فيها حبل .. وكثير من المدربين ذوي الخبره

يقولون قصي الدبابيس الصغيره اللي فيها وهي ممتازه جدا

وفيها من تحت فتحه صغيره .. ممكن تنضفينها زيين وتحطين فيها

زبدة الفول السوداني او جبن عشان يتعلق فيها اكثر .

http://www.schutzhund-training-store.com/images/large/Dog-Rubber-Ball-string-dog-training-toys-Dogs_LRG.jpg

العبي معه 5 دقايق او 10 وبعدين شيلي الالعاب معك و اتركيه في بيته

عشان يهتم حييييل باللعب زي ما انتي تبغين .

اما بالنسبه للاصوات اللي يطلعها هذي طبيعيه جدا لانه يفتقد امه واخوانه

فالافضل تغطين البيت عشان ما يشوف مساحه كبيره فاضيه

تحطين جنبه راديو اذا تقدرين .. او تحطين له شي يشغله لساعات

مثلا عضم غنم او حاشي .. يكون عضم كبير

وافضل انواع العضام اللي تباع في محلات الكلاب مصنوعه من جلد

هذي تلين شوي ومافيه اي خطر لو ابتلع جزء منها .

انصحك اقضي مع كلبك وقت اطوول وكوني انتي فقط

اللي توكلينه وتشربينه وتمشطين له وتمسحين عليه

وتلعبينه وكل شي بعالمه ... وراح يكون لك ذخر باذن الله .

تقبلي مروري .

[jacob]

الله يسعدك و يرزقك و يوفقك يارب مشكووور ما تقصر وانشاءالله بسوي الاشياء اللي قلتها من بكره:12:
يعطيكم الف عافيه