انا ابشري خيل

[ابرق]

السلام عليكم ورحمة الله وبركاته ياشباب انا ابشري خيل لي سنتين للركوب والمشي وعندي مكان بس المشكلة اني حدي 2500 3000 واشوف مافي بهل اقيام الا فيه وتر وضعيف تتوقعون بالقصيم يجي بهل القيمة سليم وتتوقعون لو اروح للمزادات احسن من الاسطبلات ولي فيه وتر يؤثر على الجري الخفيف وانا ابي اي نوع ارجو انكم تفيدوني جزاكم الله خير

[الخبراء]

وعليكم السلام ورحمه الله وبركاته

با النسبه للمبلغ من 2500 ريال الى 3000 ريال ممكن تلاقيلك ليه لا و على مزاجك بعد بس لا تستعجل

با النسبه للمزدات اكيد تبي تلاقاء و با ااسطبلات تبي تلاقاء و المزدات تبي تلاقاء اكثر و يصير العرض اكثر و السعر اقل

و اضن انك مريت مزاد البدائع ( عيد الضحيه ) وشفت على كم توصل الحصن

لكن انا اقول انك تشوف لك 2000 ريال زود و تدور لك حصان واهو با 5000 او 6000 ريال
يبي يجي واحد يقولي ليه 5000 وهو واهو ارد عليه و اقول هذا مستوى متوسط او اقل من المتوسط يعني مثله مثل الي بدون اوراق بس يجيب فلوسك اذا جيت تبيع با اذن الله طبعا

برئي ان 3000 تجيب لك حصان على مزاجك بس يبيلك تدور برواقه ولا عليك من الي يقولون ما تجيب
مدام الافراس تباع با 6 و 7 الى 10 ( لقاح ) وممكن تتعداء شوي

والله يوفقك ان شاء الله

[خيال العروبه]

اوافق اخوي الخبراء كلام سليم 100%


ماقصر معك الله يعطيه العافيه

[ابرق]

يعني القى بهل اسعار سليم وبالقصيم مشكور وماقصرت اخوي الخبراء والله يوفك بدنيا واخره

[مون فيس]

يمكن يكون فيه بس صعععععععععععععععععععععععععععععععععععب

انا دورت الين هلكت اقل شي 4 الاف

والي خذيته انا ب 6 الاف

اقل من كذا احس مره صعب ..

بس انا اتكلم بالشرقيه ..

دورت لي مهره بهالسعر ممالقيت كلهم ففوووووووووق على 15 و 18

مالقيت الا هالخيل ب 6 الاف

[ابرق]

اخوي مون فيس والله ما ادري بس سالت واحد من اهل البدايع يقول جاء بالمزاد حصان 2500 سليم عاد ما ادري هو صادق ولا لا بس اتوقع انه صادق عشان المزاد يطلع قيمة الخيل بالضبط
اما اذا رحت لاسطبل بعض الملاك و جيت لمه وانت ماتعرف تقول بكم ذا الحصان يقول 5000 وهو تلقاه كديش وما يسواله 2000 وفيه بعض الناس الي طاف يشريه وهو على وجهه

[خيال العروبه]

يالغاالي المهرات اقل شي ويمكن 5000 ريال ويمكن بعد

لاكن الحصان تلقى بهالقيمه من 2500 وطاالع بس يبيلك تدور وتصبر

(( الصبر مفتااح الفرج ))

[ابرق]

ياشباب سالت واحد رايح لمزاد ببريدة يقول انباعت خيل 1500 و2000 ويقول بعضها حقت سباق اخوي الخبراء ان كانك من القصيم فانك تعرف المزاد حق ابو عدنان تتوقع انه صادق

[الخبراء]

اكيد صادق و هذي اقيام الحصن

و مزاذ ابو عدنان مريته مره وحده ادور لي فرس ولقيت 90 با الميه من المعروض حصن و مشيت

و با النسبه 1500 و 2000 معقوله بس اتوقع مصابات يا موتر او جايه مشكله
لكن ما يمنع انه سليم بس راعيه مل منه


بس انصحك تروح للمزاد الجاي يمكن تلاقالك شي يصلحلك

و با ارسلك رقم ابو عدنان
و دق عليه وشف متا المزاد الجاي
و عطنا خبر

[ابو عبدالله21]

اكيد صادق و هذي اقيام الحصن

و مزاذ ابو عدنان مريته مره وحده ادور لي فرس ولقيت 90 با الميه من المعروض حصن و مشيت

و با النسبه 1500 و 2000 معقوله بس اتوقع مصابات يا موتر او جايه مشكله
لكن ما يمنع انه سليم بس راعيه مل منه


بس انصحك تروح للمزاد الجاي يمكن تلاقالك شي يصلحلك

و با ارسلك رقم ابو عدنان
و دق عليه وشف متا المزاد الجاي
و عطنا خبر

نعم مزاد ابو عدنان رخيص شراء واحد من الاصدقاء حصانين ب 4500 ريال

[ابرق]

مشكور وماقصرت اخوي الخبراء والله يعطيك العافية يا ابو عبدالله21

[ابرق]

ياشباب اشري فحل ولا خصي ابيه انا للمبتدئين

[ابو عبدالله21]

ماعندك مشكله خصي ولا فحل

وانا اقلك فحل عشان اذا جيت تبيعه يجيب قيمه

[ابرق]

انا سمعت ان الفحل تجيه حاله يرفس ويعض يبي فرس

[ابرق]

اخوي الخبراء وابو عبد الله وين تنصحونن وين ادور بالقصيم وابي ناس ثقة

[ابو عبدالله21]

ونا خوك بجيبلك رقم بو عدنان ولا عطني رقمك

[الخبراء]

اخوي الخبراء وابو عبد الله وين تنصحونن وين ادور بالقصيم وابي ناس ثقة

ما اعرف احد عنده حصان للبيع با الوقت هذا

با النسبه وين تدور با المزادات افضل لك من الاسطبلات

[ابرق]

اخوي ابو عبدالله دقيت على ابو عدنان يقول عندي حصان شاريه 2000 واببيعه 4000 تبيه تعال شله واقوله كم اقيام المزاد يقول مافيه 2000 الا متعور والله ما ادري عنه

[ابو عبدالله21]

اذ سليم خذه

لنه الي في المزاد فيها اصبات قديمه

[عاشق الدجاج وسمن]

2000 ريال تحصل لكن مو مسجل

[الخبراء]

عزيزي ابرق

لا تشتري با الوقت هذا اصبر انا سامع ان به مزادات خلال الشهر هذا

بس اتاكد اعطيك خبر با المواقع با اذن الله

[ابرق]

مشكرين وما قصرتوا على نصايحكم ومروركم

[ابرق]

واحد كاتب بوقع في مزاد لاسطبل ابوعدنان يوم الثلاثاء ببريدة وفي موقع ثاني كاتب واحد في مزاد لاسطبل ابو عبيد بالرياض تجي مزادين بيوم واحد ولا يمكن واحد غلطان بس ما اتوقع مزاد ابو عدنان يوم الثلاثاء ارجو اي واحد يعرف عن المزاد شي يفيدن الله يجزاكم خير

[شرقــــاوي]

اغـلـق الـمـوضـوع لأكـتـفـاء الإجـابـات لـسـؤال الـمـطـلـوب..!