مصيبة شباب

[PerFecT]

السلام عليكم
شباب انا عندي كاسكو عمره 7 شهوور و الي شهرين شاري ماشاالله في احسن صحة و عافية بس عندي اكمن مشكلة معا
اول مشكلة انو مرات بيغض و مرات ما يعض بس لما يعض ايشل اصبعي ويا شو الحل؟
ثاني مشكلة انا متعود علي بس لما اي حد ثاني يبا يلمسة الكاسكو يبا يهجم على شو الحل؟؟
ثالث مشكلة انا البغبغاء يخاف من كل شي يبتلة كرة صغيرة بدء يجعر و ينقز, اشتريتله شي يقعد علي عشان اظافره و منقاره بش يوم احطه في القفص يجعر و يتحول لمجنون و يخاف من كل شي ثاني الى القفص و الستاند شو الحل شباب؟
الله يجزيكم بل خير

[طير جديد]

هلا والله

اخوي يمكن ما افيدك بالشكل المطلوب لكن هذا الي عندي وممكن اني اقدمه لكـ

جميع الاشياء الي ذكرتها عن طيرك تعتبر من الحالة النفسية ....

الحل هو التدريج خل الطير يتعود ع الاشياء بالتدريج

اتمنى الاخوان يفيدونك اكثر تقبل مروري

[ام ماجد]

اخوي لما تجيب له شي جديد مب سيده تدخله عليه بالقفص
اول شي حطها بعيد عنه خليه يشوفها
بعدين قربها منه وابتسم امسك الشي مسحه علشان يحس انه مايخوف
بعدين قربه له اذا خاف بعده ونزله جنبه لين مايتعود

[جداااوي]

اول مشكلة انو مرات بيغض و مرات ما يعض بس لما يعض ايشل اصبعي ويا شو الحل؟

اخي العزيز تقول له شهرين عندك هادا يدل على انو جلوسك ولعبك مع الطير قليل جدا وليس بكافي وهو اعتقد انو ما يعض هو يحاول يلعب معاك بمنقاره

ثاني مشكلة انا متعود علي بس لما اي حد ثاني يبا يلمسة الكاسكو يبا يهجم على شو الحل؟؟

هادا دليل على انو مو متعود يشوف احد غيرك يقربه
اخوي حط الطير في مكان تتجمع فيه انت واهل البيت خليه يشوف الجميع و خلي الأهل يلعبو معاه

ثالث مشكلة انا البغبغاء يخاف من كل شي يبتلة كرة صغيرة بدء يجعر و ينقز, اشتريتله شي يقعد علي عشان اظافره و منقاره بش يوم احطه في القفص يجعر و يتحول لمجنون و يخاف من كل شي ثاني الى القفص و الستاند شو الحل شباب؟

والمشكله هادي بسيط امرها
انت جيب له الشي بس مو على طول ترميها عنده لازم تجيبها له بالتدريج انو تلعب معاه انت شوي وتبدأ تعطيه هي شوي شويه الى ان يلمسها بمنقاره و ان شاء الله يتعود عليها شويه شويه

موفق يا غالي
اهم شي الصبر