الرجاء لا تبخلو ...ادخلو وساعدوني

[مربي طيور الحب]

بسمه تعالى اخواني كما قلت سابقا انا عندي دجاجتين وديك
الحمد لله الدجاج باض وصار عندي 12 بيضه من الاثنين طبعا يوميا بيضه اخواني اريد اسئلكم كم سؤال :
1_ كم بيضه وترجن الدجاجه؟
2_هل الترجين في الشتاء عادي ام لا؟
اذا كان نعم فهل يصح ان ارجن الدجاجه بالحديقه ؟ام لازم ارجن الدجاجه في غرفه في البيت؟:confused:

ارجوكم لاتبخلو بالمعلومات اذا كان عندكم اخبروني ما لديكم :freind:
ولو اطول بس انا ابي منكم شوي معلومات اذا ممكن
اسف على الاطاله

[سحابة خير]

1_ كم بيضه وترجن الدجاجه؟


على حسب الدجاجه ممكن 15 بيضه وممكن أكثر ممكن أقل


كانت عندي دجاجه رجنت على بيضتين

وثانية على 8 بيضات

وأخرى على 15 بيضه

و وأخرى 18 بيضة


لكن نصيحتي لا تخلي البيض يزيد عدده عن 15 بيضه

يعني إذا شفت الدجاجه ما رجنت على البيض خله مكانه

ونقص العدد كل يوم بيضه بحيث يثبت عندك عدد 15

لأن الدجاجه إذا رجنت على أكثر من هذا العدد ممكن يسبب برود البيض ومن ثم يخترب عليك



ويقولون إن الدجاجه لما يخلص عناقيد البيض الي في بطنها راح ترجن عليه

حسب ما قريت من الأعضاء



2_هل الترجين في الشتاء عادي ام لا؟

بكل تأكيد عادي

أنا دجاجتي رجنت في الشتاء

بل أفضل وقت للرجن هو الشتاء لأن البيض ما يخترب

عكس الصيف الحرارة الزايدة تخرب البيض وتتعب الدجاجه

اذا كان نعم فهل يصح ان ارجن الدجاجه بالحديقه ؟ام لازم ارجن الدجاجه في غرفه في البيت؟

في أي مكان عادي

لكن لازم تكون الدجاجه وبيضها محميه من القطط

يعني لازم تكون في قفص حتى إذا فقص البيض البيض وخرج الكتكوت

ما يروح تعبك وانتظارك وتأكل القطط الفروخ وبعدها ما استفدت شي

إلا توفير الطعام للقطط :)

[فرّي]

مثل ما قال لك اخوي مو شرط عدد البيض لكن لا يتجاوز 15 بيضة وانا عن نفسي

قلصت عدد البيض إلى 9 بيضات لاني مابي صيصان واجد خخخخ

المهم سؤالك عن مكان الرجن خلها ترجن في المكان اللي تبيض فيه يعني ما تشيلها منه خلها على البيض ولا تدخلها جوا البييت لانها تفقد الديك

وتطلع تقول / بقيييييييييييييييييق >> لانها تفقد الديك وتدوره

لذلك لا تغير مكان البيض واذا رجنت عليه خلها في نفس مكانها دون تحريكها و هي في هذه الفترة راح تصير عدوانية ضد الدجاج

[مربي طيور الحب]

الف شكر اخوتي والله افدتوني

[black cock 2]

اخي الدجاجة ترجن براحتها بس في بعض الدجاج معروف بكثرة جلوسه على البيض

ونعم تستطيع الدجاجة ان ترجن في الشتاء


ونعم تقدر تخلي الدجاجة اذا رجنت برا البيت بس لازم تحطها هي والبيض في صندوق او قفص وحدهم يكون افضل