المساعد الشخصي الرقمي

مشاهدة النسخة كاملة : فهمونا يا ناس

&&نواف&&
30-01-2011, 01:09 PM
السلام عليكم
يا اخوان كثرت هذه الايام جملة

(بشحنها لك عبر الخطوط)

الاخوان اذا بغوا يشترون وصاروا بعيدين عن بعض يقول بأوصل لك مثل (الببغاء) عبر الخطوط
في ناس كثير ما يعرفون هذي الامور ومنهم انا يعني يقولك بأوصلك (الببغاء) انا ما اعرف
عند مين اوصله ؟
من وين اخذ( الببغاء )؟
بكم الثمن؟
وزي هذي الامور
فأرجوا ان الاخوان يعلمونا كيف
انا ما اقول انهم ما يعلمون مرة بس يعني اكثر الاعضاء يعلم العضو الثاني اذا اشترا منه
وعلى الخاص فأرجوا انكم تعلمونا كيف الطريقة

واسف على الاطاله...
REKOOO
30-01-2011, 01:17 PM
انا مثلكـ

كيف يوصله الببغاء و الفلوس ؟؟؟؟؟؟
عبدالعزيز1
30-01-2011, 01:22 PM
حسب علمي بـ 150 ريال عن طريق الخطوط السعوديه ويوصل بنفس اليوم

لكن الحاله اللي يوصلك فيها الطير الله اعلم

هل في اهتمام من قبل الشحن الله اعلم

هل الشحن خاص للطيور والحيوانات الله اعلم

طائره خاصه للشحن لمثل هذي الامور الله اعلم
&&نواف&&
30-01-2011, 01:22 PM
وين الردود؟؟؟؟؟؟
&&نواف&&
30-01-2011, 01:24 PM
كيف تكتبون نشحن وانتم ماتعرفون!!!
هواوي كناري
30-01-2011, 01:24 PM
وش طلبك انا بالرياض
عاشق الأمازونات
30-01-2011, 01:28 PM
السلام عليكم

انا عندي خبرة كافية في هذا المجال
وسبق لي وانا شحنت عشرات المرات إلى المناطق التالية
جدة المدينة الطائف الرياض
طال عمركم السعر ثابت 150 ريال
ماعليك إلا تتصل على مكتب شحن الطيور في الخطوط السعودية في منطقتك ويكون عندك المعلومات جاهزة

اسمك ورقم جوالك
اسم المرسل إليه كامل ورقم جواله
وهم بيسئلونك عن المعلومات أعلاه بعد ذلك بيعطيك الايام المتوفرة فيها طيارات فيها اكسجين
وتختار اليوم المناسب .
وتقول لهم مع السلامة
تقوم انت تتصل بخويك وتقوله تم الحجز .
الخطوط السعودية قبل موعد الطيارة راح تتصل عليك انت يالمرسل وتأكد عليك الحجز
وبعد ذلك راح تتصل على المرسل إليه وتأكد معاه الحجز
لو رفض المرسل إليه راح ينلغي الحجز ويتوجب عليك تحجز مرة ثانية
لو وافق اتوكل على الله وخذ طيورك إلى المطار

ولازم تكون موجود قبل موعد الإقلاع بـ 3 ساعات

القفص لازم يكون خشبي مختلط بالحديد مافيه مشكلة
الباب يكون فيه مضبوط يتقفل صح

والطير لازم يكون فيه مرتاح يعني لو من الشكل القفص غير مريح الخطوط راح يرفضونه

إذا تم قبوله الموظف بيستلم من عندك الطيور وراح يآخد علىك 150 ريال مقابل القفص الواحد

يعني لو عندك طلبية شحن فيها اكثر من نوع من الطيور انصحك تشتري قفص خشبي مقسم
إلى ثلاثة أو أربعة اقسام في هذي الحالة التسعيرة راح تكون 150 ريال فقط

الحد الأعلى للوزن هو 22 كيلو

بعد هذا الوزن راح يحسبوا 5 ريال على كل كيلو

وتفضلو مثال

وزن القفص 20 كيلو التسعيرة راح تكون 150 ريال

وزن القفص 22 كيلو التسعيرة راح تكون 150 ريال

وزن القفص 23 كيلو التسعيرة راح تكون 155 ريال

وزن القفص 25 كيلو التسعيرة راح تكون 165 ريال .... وهكذا

بعد دفع المبلغ يجيك احد العمال بأخد القفص وراح يقول لك تعال معاي
راح ياخذك إلى رجل الأمن
رجل الأمن راح يلقي نظرة خفيفة على الطيور إذا حالتها الصحية اوكية راح يمشي الوضع لو فيها شيء تعبان راح يرفضها لإسباب أمنية
بعد الموافقة عليه العامل راح يقول لك اتوكل على الله وبيعطيك الفاتورة
وفيها في الأعلى رقم الحجز
اتصل على المرسل إليه واعطيه رقم الحجز عشان يستلم طيوره في منطقته


يستحسن وضع الاكل الكافي في القفص ووضع علب صغيرة مربوطة جيدا للماء

كل الأعضاء إللي استلموا طيروهم مني اتصلوا وابلغوني عن سلامة الوصول


هذه الطريقة وأي استفسار انا حاضر

تحياتي
ابو عبدالله
عبدالعزيز1
30-01-2011, 01:34 PM
لو تفيدنا بصوره اذا امكن لشكل القفص اللي تقول عليه

لاني فهمت من كلامك انهم مايشحنون الاقفاص المعتاده !!بعدين لو توضحلي معليش

(( الخطوط السعودية قبل موعد الطيارة راح تتصل عليك انت يالمرسل وتأكد عليك الحجز
وبعد ذلك راح تتصل على المرسل إليه وتأكد معاه الحجز

لو رفض المرسل إليه راح ينلغي الحجز ويتوجب عليك تحجز مرة ثانية
لو وافق اتوكل على الله ))

من اللي يتصل عليه انا او الخطوط ؟؟؟

لو رفض المرسل سواء باتصالي عليه او باتصال الخطوط ليه احجز مره ثانيه دامه رفض ؟؟

امر آخر احتاج لتوضيح بارك الله فيك واستحملني معليش

(( وخذ طيورك إلى المطار ))

مكان معروف بالمطار او اصف سرا مع المسافرين :)
&&نواف&&
30-01-2011, 01:36 PM
مشكوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووور
&&نواف&&
30-01-2011, 01:40 PM
مافي مكان او مكتب اعطيهم الطير وهم يوصلونه لأن المطار بعيد جدا
المطار بلحاله سفر بعيد
&&نواف&&
30-01-2011, 01:41 PM
طيب الفلوس كيف توصلي وكيف اضمن ان المرسل اليه بيعطيني الفلوس؟؟
عاشق الأمازونات
30-01-2011, 01:50 PM
السلام عليكم


لو تفيدنا بصوره اذا امكن لشكل القفص اللي تقول عليه

بالنسبة للقفص اي قفص قوي ويتحمل ماعندهم مشكلة راح يقبلونه

(( الخطوط السعودية قبل موعد الطيارة راح تتصل عليك انت يالمرسل وتأكد عليك الحجز
وبعد ذلك راح تتصل على المرسل إليه وتأكد معاه الحجز
لو رفض المرسل إليه راح ينلغي الحجز ويتوجب عليك تحجز مرة ثانية
لو وافق اتوكل على الله ))
من اللي يتصل عليه انا او الخطوط ؟؟؟

سؤال حلو

انت يالمُرسل الطيور راح تكلم الخطوط السعودية اقصد المطار في المنطقة الموجود انت فيها
وراح يسألونك بعض الأسئلة منها اسمك ورقم جوالك واسم المرسل إليه ورقم جواله
وبعدين راح يعطيك عدة أيام تقدر ترسل فيها
انت تختار الوقت إللي يناسبك ويناسب خويك عشان الاستلام
لإنه فيه رحلات صباحية مبكرة وفيه رحلات متأخرة في منتصف الليل
وفيه رحلات في الظهر والعصر

بمجرد تختار اليوم والوقت موظف الخطوط السعودية راح يقولك بنرسل طلب عشان الموافقة
يعني انت من الرياض ودك تشحن طيور إلى جدة
الخطوط السعودية في الرياض يرسلون طلب إلى الخطوط السعودية في جدة بالموافقة على الشحن

تقوم الخطوط السعودية في جدة تتصل على الشخص المرسل إليه في جدة وتأكد معاه الحجز ويقولون له خلي جوالك مفتوح بعد ذلك يرسلون الموافقة إلى الخطوط السعودية في الرياض

بعد ذلك الخطوط السعودية في الرياض قبل الرحلة بيوم راح يتصلون عليك لتأكيد الحجز وترد عليهم بالتأكيد .


لو رفض المرسل سواء باتصالي عليه او باتصال الخطوط ليه احجز مره ثانيه دامه رفض ؟؟

أي رفض يتم إلغاء الحجز
عاشق الأمازونات
30-01-2011, 01:52 PM
مافي مكان او مكتب اعطيهم الطير وهم يوصلونه لأن المطار بعيد جدا
المطار بلحاله سفر بعيد

حاليا لا أعتقد بوجود مكاتب لكن تقدر تستفسر من مكاتب الخدمات العامة
عاشق الأمازونات
30-01-2011, 01:53 PM
طيب الفلوس كيف توصلي وكيف اضمن ان المرسل اليه بيعطيني الفلوس؟؟

حسب الإتفاق بين الطرفين والمصداقية

وعندي زبائن ارسل لهم طيور من غير فلوس
وإذا وصلت ارسل لي طبعا هذولا معروفين

وبعض الزبائن الجدد اطلب منهم تحويل كامل المبلغ على حسابي
وبعد وصول المبلغ اقوم بالحجز
عاشق الأمازونات
30-01-2011, 01:56 PM
امر آخر احتاج لتوضيح بارك الله فيك واستحملني معليش

(( وخذ طيورك إلى المطار ))

مكان معروف بالمطار او اصف سرا مع المسافرين

عادة اماكن شحن الطيور في المطار مالها أي علاقة بالمسافرين
مثلا في مطار الدمام
مكان شحن الطيور في الخدمات الشمالية وتبعد عن المطار يعني تحتاج سيارة عشان تروح لقسم المسافرين
احد عنده استفسار ... انا حاضر
عبدالعزيز1
30-01-2011, 02:00 PM
جزاك الله خير

وفيت وكفيت
MR.MAJED
30-01-2011, 02:03 PM
الله يجزاك خير يا عاشق الامازونات ما قصرت ..
عاشق الأمازونات
30-01-2011, 02:04 PM
جزاك الله خير

وفيت وكفيت

حاضرين لك حبيبنا
عاشق الأمازونات
30-01-2011, 02:06 PM
الله يجزاك خير يا عاشق الامازونات ما قصرت ..

حاضرين لك وهذا واجبنا

وأنا من مؤيدين استعمال هذه الخاصية في الخطوط عشان على الأقل ينظرون لها بنظرة ويطورونها أكثر وأكثر
لإنها مع الأسف إلى حد الآن غير منتشرة

وكل هذي المعلومات من أجتهادي الشخصي الواقع من تجارب

يعني عطيناكم الزبدة
&&نواف&&
30-01-2011, 02:07 PM
مشكورييييييين كلكم
sada
30-01-2011, 02:33 PM
يا ليت لو تعطوننا رقم الشحن الخاص بالرياض
legend Boss
30-01-2011, 02:45 PM
يعطيك الف عافيه عاشق الامزونات

ما قصرت
Corvette Man
30-01-2011, 04:20 PM
يعطيك العافيه يا عاشق الامزونيات
بس انا عندي سؤال مهم
ينقلوا اي طير حتى لو ماهو محجل ولا مسجل؟
وغير الطيور ينقلوا حيونات ثانيه زي ثعابين او اسود او فهود؟
واسفين على ازعاجك
سارونا1
30-01-2011, 04:41 PM
بصراحه معلومااااااااااات مفيده

شكرا لك يا صاحب الموضوع وشكرا لكل من جاوب على الموضوع وخصوصا عاشق الامزونات كفى وفى
tooop
30-01-2011, 05:10 PM
الله يعطيكم العافيه

على المعلومات المفيده
عاشق الأمازونات
30-01-2011, 05:26 PM
يعطيك العافيه يا عاشق الامزونيات
بس انا عندي سؤال مهم
ينقلوا اي طير حتى لو ماهو محجل ولا مسجل؟
وغير الطيور ينقلوا حيونات ثانيه زي ثعابين او اسود او فهود؟
واسفين على ازعاجك


اي شيء في بالك ينقلوه مافيه مشكلة

بس اهم شيء الصحة

محجل او غير محجل مافيه مشكلة

حاضرين يالغالي مافيه اي ازعاج
$ هدب $
30-01-2011, 05:36 PM
قيمة الشحن من الرياض لجده = 145

واذا لاسمح الله حصل شي للطير او مات تتحمله الخطوط السعوديه

سبق واحد الأعضا أرسل طير يلوناب قيمته 35 ألف ومات في الطياره وتحملته الخطوط السعوديه
خالد المحمدي
05-02-2011, 07:52 PM
معلومات مفيدة