اشلون اخلي الدجاج يركون بالقصب على البيض

[فصول]

السلام عليكم شخباركم
انا من هواة تربيه الماعز والدواجن
بس للاسف نجحت مع الماعز وفشلت مع الدجاج من حيث الانتاج
لاني امتلك مايقارب الثلاثين دجاجه والبيض وفير بس مايركون على البيض لوعو جبدي
اتمنى انه حد يرد علي بجواب واول كتكوت يظهر بسميه على اسمه لوووووووووول

[متوتان]

هلا فصول هلا انا ماعندي فكرة عن الدواجن بس شفت ابوي مرة كان ياخذ مجموعة من البيض ويختار دجاجة تعجبه :confused: ويخليها بداخل سلة ويغطيها وغصب عنها بترك مالها مفر والله وركت وفرخ
يلا عاد انطر اول صوص باسم متوتان :rolleyes:

[محبوب القمر]

أنا أقول لو تشيل أكقر من نصف البيض

إن شاء الله يبيضون زيادة شوي ويركون

وعلى فكرة بيضهم مرة مفيد للأكل

[زاجل]

السلام عليكم ..

يمكن المكان مو مناسب بحيث تخلي الدجاج يجلس على البيض

حاولي تهئ مكان امان الدجاج عشان تجلس وعندي لك اقتراح

دام البيض وفير اشتر لك فقاصه احسن لك

[فصول]

يعطيكم العافيه اخواني ومشكورين واول ثلاث فروخ على اساميكم

[الكندري]

السلام عليكم ورحمه الله وبركاته


اممممممممممممممم اخوي الدجاجه يبيلها 12 يوم تقريبا علشان تفكر ترك على البيض بس

وانا الصراحه استخدم الفقاصه . بس اعرف كثير ناس يستخدمون الرك في انتاج الفروخ
حاول تلقالك دجاجه ركاكه ولا تحط تحتها أكثر من 6.7 بيضات لان اذا اكثر من هالعدد مايستحمل الدجاج

[اسير الشوق1]

الدجاجه ما تجلس على البيض الا بعد ما يكتمل كامل

تجلس عليه مره وحده

عشان يفقس البيض مع بعض

[البدبخت]

كل اللي عليك انك ما اتشيل ولا اتحرك البيض من مكانه .. واهم راح يبيضون ويجمعونهم ومرة وحدةبتلاحظها نافشة ريشها وقاعده على البيض


وبلاتوفيق

[بو عفره]

هاه بشر

ركو دجاجك على البيض ولا بعدهن


انا عندي دجاج واسولهم حركه تعجبهم على طول يركون على البيض


العاده مكان بيضهم صندوق فيه رمل عشان البيض مايصقع في الخشب وينكسر

ولما بغيتهم يركون احطلهم بدال الرمل تبن او حشيش عشان يكون سريرهم راقي و ملكي واوزيه مكان علشان مايشوفونهم الدجاج الباقيين فهي تبيض لي اتخلص دورة الاباضه وبعدها باذن الله ترك

[بحراني]

اسمع حبيبي انا واحد عندي حاليا 7 دجاجات راكيين
كلهم من ديك واحد
انا اخلي ليهم مكان بيضهم كم بيضه واعلم عليهم بحيث ما اشيلهم واتضل مكان ركهم ومثل
ما قالوا ليك الاخوان المفروض اتخلي البيض عشان الدجاجه تقط ريشها واترك على البيض
وراح تسمعها تكاكي تبي ترك وتنف ريشها وتصير شوي عدوانيه بعد فترة .
وما في شيء بالغصب كل شيء بالفن والمساير
وان شاء الله يركون عندك دجاجك وتنتج خير خير ولا تنسانا من لفروخ هههه

اخوك بحراني

[فصول]

باركولي ركوا عندي ثلاث دجاجات
وحصلت دجاجه راكه في المخزن عندي مكان العلف هاي من كم فاقدها
تراهم بايضين هناك وانا غافل احم احم مافي طلعه مرة ثانيه اذا هاي شغلهم
يعطيكم العافيه

[بو عفره]

الله يعافيك


حاسب بس الباقيات ما يروحن يبييظن تحتها ها الوقت

واحسب كم بيضه تحتها 10 - 12 على حسب الدجاجه

وبالبركه

[فصول]

الله يبارك فيك بس البيض اللي تحتها يمكن 20 بيضه او اكثر

[بو عفره]

الصراحه ما اعرف شو اقولك لكن عشرين بيضه اعتقد انها كثييييييير بالنسبه للدجاج


الا اذا الدجاج اللي عندك اسم الله عليه

[بو سجى]

أخي العزيز الدجاج مثل الطير الأخر له وقت في البيض وله وقت في الرجان على البيض وعندما تبيض الدجاجة يكون في بطنها حوالي أربعين ألي خمسون بيضة تتكون كل يوم بيضة وتبيضهه وعندما تنتهي من البيض الذي في بطنها تقوم الدجاجة بأخراج صوت بأستمرار وهو صوت الطقطقه وتقوم بنفش الريش حيث يكون ريشها على طول منتفش وهذا يعني أنها تريد أن ترجن على البيض وأن كان لا يوجد بيض وعليك أن تحظر مايعادل عشر الي خمس عشر بيض وتضعها في مكان بحيث لا تصل اليها الدجاج الأخرى حتى لا تبيض عليها ثم تضع الدجاجه وأن شاء الله سوف تقوم بالرجان عليها وبعد واحد وعشرون يوم سوف تفقص

[فصول]

بوعفره
لا بس لانه الظاهر الدجاج امججمعين هالبيض وهي جات ركت على البيض
على شان جي وايد
ومشكور اخوي بوسجي صراحه اتحفتني بمعلوماتك القيمه مشكوور والف الف شكر لك

[سامح حمود]

مشكورين اخوتي الكرام

على التوضيح