ودي اشتريلي هامستر .... ؟؟ ممكن رايكم

[اسير الشوق1]

السلام عليكم

صراحه المنتدى رائع جداً ماشاء الله

واحلى ما فيه اعضاءة


:


الصراحه انا اول احب الارانب مووووت

وقد اشتريت اكثر من مره


لكن تغيرت فكرتي عنها

بعد ما سمعت عن الحيوان في الممنتدى " هامستر "

صراحه اول مره يمر علي هذا الاسم

وكنت اظن انها فيران :D

لكن بفضل الله ثم منتدااكم اخذت ملعومات كبيرة عن هذا الحيوان الراائع

وحبيييييييييييته حب عجييييييييييب




وإن شاء الله باقرب فرصه راح اشتري كم اوحد

لكن قبل لا اشتري حبيت اخذ نصايحكم


لو اشتريت اكثر من ذكر مع انااث .. هل ممكن يتضارربون ؟؟


وهل طبيعتهم مثل طبيعه الارانب

يعني يعيشون تحت التربه ويحبون التحفير في الارض ؟؟

وهل هي سررريعه في الجري ؟ او لا ؟؟

يعني مثل الارانب والفيران


وهل تسبب رائحة لو وضعتها في غرفتي

؟؟ :rolleyes:

[رعوود]

اول شي

يا الف مرحبا بك يا اسيرو بالمنتدى


وراح تستمتع معانا ان شاء الله



===================


بالنسبه لاسئلتك


من جهة يتضاربون هذا يعتمد على النوع الي راح تاخذه



والطبيعة الي يعيشون فيها لا مو مثل الارانب يكفي انه يكون عندهم قفص نظيف
وتفرش الارض بنشارة الخشب واكل وماي وجو ممتازز بدون تيارات هوائيه وما يتعرضون لاشعة الشمس




(عندي سوعال اذا ممكن : اسمك يبتدي بحرف الـ(س) وينتهي بالـ (د) لاني اعرف واحد ما يسجل بالنت الا بنك (اسير الشوق) فحبيت اتأكد اذا هو انت او لا ؟ )

[اسير الشوق1]

(عندي سوعال اذا ممكن : اسمك يبتدي بحرف الـ(س) وينتهي بالـ (د) لاني اعرف واحد ما يسجل بالنت الا بنك (اسير الشوق) فحبيت اتأكد اذا هو انت او لا ؟ )

ايه اناا سعد






هههه


امزح معك

لا والله لا اسمي بحرف السين ولا الدال غلطان

ومشكوور على المعلومات


وصدقني بدون مجاملة حبييييتك من كثر ما اشوفك في المواضيع

لي ساعه ادور فيها ودائماً القاك تساعد الاعضاء وتخدمهم

الله يبارك فيييك

ويجزاك خير


يالله سلام


والي عنده معلومات ياليت يفيدنا

واذا فيه حيوان احلى من الهامستر

قولولي عنه

[Withered Rose]

مرحبا فيك اسير الشوق1 في منتديات توزوو تنمنى لك وقت طيب .. :)
و إن شاء الله تتم على إجابة إستفساراتك و حياك الله بيننا ..

لو اشتريت اكثر من ذكر مع انااث .. هل ممكن يتضارربون ؟؟

الهامسترات السوريه ممكن يعيشون بسلام في الصغر و لكن يجب عزل كل هامستر لوحده بغض النظر عن جنسه لأنه غير إجتماعي و تجمعهم وقت الزواج كل 4 أيام ..
أما الهامستر الروسي .. ممكن تأخذ مجموعه و تأكد أنهم صغار السن و تضعهم مع بعض حتى لو كبروا ..

وهل طبيعتهم مثل طبيعه الارانب

يعني يعيشون تحت التربه ويحبون التحفير في الارض ؟؟

نعم يحبون الحفر لتخزين الطعام و بناء الأعشاش و لكن يجل عدم وضع التربه كفرش لهم لأنها خطرة عليهم .. ممكن وضع صحن به رمل يعوض عن التربة .. و له وظائف عدة ..

وهل هي سررريعه في الجري ؟ او لا ؟؟

في وقت النشاط و غالباً ما يكون بالليل نعم و لهذا يتم وضع العجله له كي يقوم بالجري و هي مهمة له جداً ..

وهل تسبب رائحة لو وضعتها في غرفتي

؟؟

عند الإهتمام به و تنظيف قفصه دائماً لا تظهر له رائحه و رأيي أن يتم تنظيف القفص كل يومين إلى 3 أيام للسوري و مره إسبوعيا للروسي .. كلهم نظاف و لكن بحكم الحجم ..

[رعوود]

خخخخخخخخخخخخ

مو سعد اصلا واحد ثاني


فيه عندك


سعود سعيد سعد ساعد وغيرهم ^_^

[smile eye]

والله أنا انصحك تشتريهم لانهم مرة يجننون

[اسير الشوق1]

الله يجزاك خير اخوي Withered Rose

معلومات كافيه ووافيه

[قطة الأحلام]

الله يوفقك في اختيار الهامستر وننتظر الصور
مياو

[aldanh]

بصراحة تربية الهمستر مسلية وحلوة

توكل على الله واشترلك همستر روسي

[sweety2007]

اي وانا بعد انصح بالهامستر الروسي.. لان تربيتهم ممتعة وماتتعب الشخص واهم شي انهم نظيفين ومايكلفون وايد..

[ميشوٍ جدهـ]

وآللـِه انا اشتريتـِ سوٍرٍيُ .خمسً انآث وذكرين ..؟
ومآفيً اي مشكله الى يومي هذا الحمد لله يعني تسير مضاربه بسيطه عآديه جدآ ..؟
بس مقسمهم على قفصين ^^"
فمآ آدرى الا يقولوا ويتكلمو عن السوري انه عدواني هل جربوا بنفسهم ..؟ ^__^

وشكرررن

[ميشوٍ جدهـ]

وللعلمً كلهم اعمآرهم تجآوزت الخمس شهور ولله الحمــُـد على حسب كلام البائع ^^"

[dr_mido]

انا انصكك بالروسي الونتر وايت لأنوا حلو وكيوت وصغير ونظيف ومسالم وانتبه :eek: انك توالف جوز يكون واحد من نوع الونتر وايت والثاني كامبس لأنوا يوجد نوعين من الروسي والتزويج بين النوعين يعطيك اطفال مشوهه :eek: او مريضه:( المهم بيجيك فيه علة او مرض يعني لازم توالف زوج يكون من نفس النوع:eek:
وانشاء الله تلقا الي يناسبك:D :D

[اسير الشوق1]

مشكوورين على المرور والافاادة

وياليت يا اخوان تفيدوني في الي بالصوره

http://www.arb-up.com/get-3-2007-zkxc6v2l.jpg

وش نوعه ؟

وهل ممكن القى زيه في الاسواق ؟

[رعوود]

اخوي الي بالصور نوعه

روبوروفسكي


وبالنسبه ما عمري شفت مثله بمحلات الرياض ابدا


مره وحده صديق لقى جوز واحد وسال المحل قالو ان شخص جابه قبل يومين يبيعه لانه راح يسافر

[اسير الشوق1]

مشكور على الافادة اخوي رعود ..




طيب بسالك الي في توقيعك وش نوعهم ؟

اشكالهم حلوه ماشاء الله :rolleyes:

كنهم ارانب صغيره .. :cool:

[رعوود]

اخوي اسير

الي بتوقيعي

فصيلتهم
ارانب قزمة


نوعهم
دوتش (واحد احمر وواحد رمادي)

[فارس مجهول]

مشكووور ه ويذر ماقصرت
تربيه ممتعه إن شاء الله

[اسير الشوق1]

طيب الروسي .. هل ممكن القى لونه بني ؟

ولا بس " رمادي " ..

لإني دايم ما اشوفها في الصور الا رماديه ..



فيه الوان ثانيه ولا ؟ :rolleyes:

تخبرون الالوان الرماديه شكلها يصير كنها فيران ..:D

[رعوود]

اخوي الروسي فيه الوان وايد


بيج بني ابيض رمادي اسود ودرجاتهم وفيه يصير لونين ابيض مع لون ثاني

[Miss lexus girl]

http://www.tl3b.com/uploads/02-23-07~Yallah7ayyoham.gif

.+[ مثــل ما قالو

الأحلى والمتوفر بالأسواق الخليجية بشكل عام.. الروسي القزم، الونتر والكامبلس

خسارة ياريت عندنا روبو يخبلووون والله = ( ]+.

http://www.tl3b.com/uploads/02-23-07~Ya6fa__6komAllah.gif