الشحن الى السعودية

[الغسالة]

السلام عليكم و رحمة الله وبركاته

اما بعد ,,,,
بسبب عدم وجود الاعداد الكافية و اللازمة من كلاب الزينة في السعودية قررت اجيب من برا . لا يروح فكركم بعيد ابي اجيب من الكويت!! سؤالي: احم احم
اذا كان عنطريق الجو:
1/هل يدخلونه للسعودية عنطريق الخظوظ الكويتية في مطار الدمام ؟؟
2/ماهي الاجراءات اللي لازم تصير لدخول الكلب ؟؟
3/ وكيف استلمه؟؟

اذا كان عنطريق البر :
1/هل يدخلونه للسعودية؟
2/ماهي الاجراءات اللي لازم تصير لدخول الكلب ؟؟

اتمنى شرحكم الكامل لاني اول مرة اجيب من برا
واتمنى اللي جرب من قبل يقولي الاجراءات بالكامل
وشكرا

[carven]

انا ما جربتش استورد كلاب قبل كده

[بو راشد]

............................


والله انا شحنت كلب للسعوديه من فتره بسيطه

في اجرائات تسويها في السعوديه موافقه من جهات معينه ما اذكرها بالضبط بس اذكر ان وحده من الجهات هي اداره الثروه الحيوانيه ... انت ممكن تتصل فيهم وبيعلمونك

بس من جهه المرسل .. كان لازم اخذ اوراق التطعيم والكلب واروح فيهم للمحجر الصحي عندنا .. واخذ ورقه تصدير بعد الموافقه (مكتوب في الورقه نوع الكلب وان الكلب مطعم وجهه الشحن والطريقه وغيره ومختومه وموقعه من البيطري المناوب) وبعدها رحت لوزاره الخارجيه البحرينيه وصادقت على الورقه انها اصليه والاختام صحيحه وحطو عليها ختمهم وطوابع !! وبعدين بسرعه رحت للسفاره السعوديه سلمتهم الورقه وبعد 4 ساعات ختموها بختم يقول ان جميع الاختام في الورقه صحيحه وتم التصديق عليها !! وبعدين مطار البحرين يتصل في مطار السعوديه الي بدوره يتصل فيك ويتاكد انك فاضي وموافق على استلام الكلب في الرحله والساعه الفلانيه ! وبعدين يرد خبر للبايع عن طريق مطار البحرين بالموافقه فيقبلون الكلب مني !!

وبس :D

والله الشحن للسعوديه صعب ها ! ههههه :p احنا ما يطلبون الا ورقه البيطري هههه

الله يعينك اخوي :)

[yasser455]

هلا اخوي الغسالة بلنسبه عن طريق البر اسهلك واجد انت تروح الكويت ويخلص لك البائع اوراق الكلب وكل مستلزماته وفي الورق ما ينكتب انه داخل الى السعوديه الى اي منطقه غير السعوديه مثلاً الى البحرين ولازم الي يدخلهم واحد من الكويت لان ممنوع يدخل اي كلب الى السعوديه من دوله اخرى وانت تستلمهم من عنده بعد جمارك السعوديه وانشاءالله بلتوفيق.

[الغسالة]

شكرا لكم والله افدتوني كثير

[هشام صقر]

والله يا اخي انصحك من الاصل بعدم التعامل في كلاب الزينة لانها كلاب عديمة الفائدة تعرف اكيد قصدي لانه غير مسموح لينا نحن المسلمين غير التعامل في كلاب الحراسة فقط

[الغسالة]

اولا : انا >اختك < مو >اخوك<
ثانيا مين قالك ان كلاب الزينة عديمة الفائدة ؟؟ فهي تصلح كلاب حراسة مثل اي كلاب ثانية بس عيبها انها ما تقدر تقضي على اللص مثل باقي الانواع
وانا عشان ما عندي وقت ومساحة لتربية كلب كبير الحجم قررت اجيب صغير لانه اسهل في العناية و ارخص سعرا...
وانا عندي زوار كثيييييييير ناس داخلين ناس طالعين صعب اني اربط الكلب كل شوي....

المهم شكرا على الرد وعلى نصيحتك

[BAHRAIN]

هلا اخوي انا اصدر الكلاب من الكويت الى البحرين الخطوات الي اسويه

1/ شهادت التطعيم
2/ ورقه من الثروه الحيوانيه
3/تخليص جمركي (الجمرك البري)

وعن طريق الجو اسهل
1/ قفص على حجم الكلب
2/ شهادت التطعيم
3/ دفع رسوم الشحن ( الوزن & حجم القفص )

بس انا اايد عن طرق الجو لانه اسهل من البر لانه الصراحه حدود الخفجي مايتفاهمون :D

انشالله فتدك اخوي واي استفسار راسلني على الخاص :)

[Jameel2006]

هلا فيكي اختي الغسالة
بالنسبة لكلاب الزينةكمااطلقتي عليها
ترى جميع الكلاب الصغيرة الحجم وكلب الزينة غير مسموح استيرادها
وهي موضوعة على البلاك لست في الجمارك ووزارة الزراعة
هي وبعض انواع الكلاب
اما عن كيفية عمل الاوراق الخاصة باالاستيرد
فيجب اخذ اذن استيراد مسبق من وزارة الزراعة
تحدد عليه نوعية الكلب مع تعهد بانه اذا كان غير النوعية المذكورة يتم
اعادته على حساب المستورد او يتم اعدامه
وبامكانك شراء الكلب من الداخل مع العلم بانه توجد نوعيات كثيرة متوفرة بالسوق المحلي
في مدينة جدة
ارجو ان اكون افدتك

[ولد بوجعفر]

انا ماعندي زياده على ماقالو الشباب
لكني انتفعت باراء الجميع

[hatem138]

اختي الغسالة

التقدم بطلب خطي موقع من صاحب الطلب يحدد به عدد وانواع الكلاب المراد استيرادها والغرض من الاستيراد مع تحديد منفذ الدخول، مرفق معه نسخة من ترخيص سلطات الحياة الفطرية (مكتب سايتس) في دولة المنشأ ولا تعتبر دولة العبور دولة مصدرة او منشأ، وصورة لهوية صاحب الطلب، والعنوان البريدي لصاحب الطلب ورقم هاتفه، والعنوان البريدي للمصدر ورقم هاتفه. ثم تمنح الهيئة موافقة مبدئية على الاستيراد لتقديمها لمكتب «سايتس» في الدولة المصدرة التي بموجبها يمنح الترخيص النهائي بالتصدير والذي بموجبه تمنح الهيئة الترخيص النهائي بالموافقة على الاستيراد. اضافة الى انه يتعين تزويد الهيئة بنسخة من السجل التجاري للراغبين في استيراد الكلاب لاغراض تجارية والذي يتم بموجبه ممارسة هذا النشاط.
الكلاب عدا كلاب الصيد والحراسة وكلاب تتبع الاثر (الدليل) لكفيفي البصر مصحوبة بشهادة صادرة عن الجهة المختصة في بلد التصدير ومصدقة حسب الأصول من السفارة السعودية المعنية على ان يذكر فيها ان الكلب المطلوب ادخاله هو للاغراض المنصوص عليها آنفا ثم يؤتى به الى المحجر البيطري.

اتمنى اني افدتكم بهذا الخصوص
ابوحنين

[الغسالة]

شكرا اخوي على الرد والمعلومات