موت الببغاء

[fan]

السلام عليكم
توفى آخر ببغاء عندي يوم الأثنين كان معاه اسهال من يوم الجمعه وبصراحة ماكنت موجودة في المنزل بس يقولو ودوه البيطري على طول وفي نفس اليوم اللي مات فيه كان توه جاي من البيطري قبل ساعة ومات .
يعني الى الآن مات عندي 5 ببغاوات كاسيكو في أقل من سنتين.
ماأدري ليه هل هو موضوع نحاسة أو أحسد مادري تعبت كل ماأشتري واحد وأتعلق فيه فترة ويموت
هذا غير اللي طار هذا اللي حرق قلبي لأنه أكثر ببغاء تعلقت فيه(اللي صورته اخذت في الموقع أجمل صورة ببغاء).
بعد هذا اهلي قررو خلاص مستحيل يدخلو أي ببغاء البيت.
وطبعا أنا أكيد ابغي بس قلت مو الحين تقريبا بعد 4 شهور أكون اتخرجت من الجامعة علشان أنا اتفرغ لتربيتهم. بس في نفس الوقت مستحيل اربي ببغاء رمادي.
ومن الحين قاعدة افكر في نوع ببغاء ثاني علشان اشتريه فياريت تنصحوني
مو مهم يتكلم أهم شئ يكون يقلد حركات ومقاوم للأمراض.
ومشكورين لأني طولت عليكم

[ببغاء اخضر]

حرام مساكين

والله انصحج فالكووكاتو امره حليو وعااد كيفج

[تفاحه حمرا]

ولله اختي خوفتيني من زمان كنت متخوفه اخذ الرمادي لنفس السبب .. والحين ناويه اخذ رمادي ويوم شفت الموضوع احس اني ببدى افكر من اول هل مستعده اربيه ولالا .. لاني مابي اربي حيوان ويموت .. اممممم شوفي المكاو هو الانسب بنظري من ناحية الصحة لانه مثل ماكنت اذكر في مواضيع سابقه انه المكاو الافضل من ناحية قوة الجسم وحجمه الكبير يساعده في مقاومة الامراض .. ولكن يعيبه سعره الغالي و مايتكلم بطلاقه مثل الكاسكوو العنيد :D .. اما بخصوص الكوكاتو بصراحه ماعندي فكرة ..

[سماوي الجبه]

السلام عليكم ورحمه الله وبركاته

مساء الخير للكل،،

اول شي ليش يموت الطير الافريقي اكيد لاسباب معينه طبعا انا عندي بغبغاء افريقي والحمد لله اكثر من سبع سنين عندي والحمد لله ،، اختى طيورك لاتجد عنايه ،، واحتمال غيرك يهتم فيهم ويغير لهم ،، وعلى فكره بعض الخدم اذا تضايق من اهل المنزل يضع حرته في البغبغاء ويضع لطير بعض من البيوض الغسيل ،، هذه مجرد ملاحظه بسيطه،، وعليك الاهتمام بلبغباء نفس اهتمام الام با ابنائها،، ولكم جزيل الشكر والاحترام،،
ملاحظه ( اربي اكثر من نوع من البغباء ومن اكثر من 7 سنوات).

[فارس مجهول]

الله يعوضك باللي احسن منه
وأنصحك بالأمازوني

[كاسكو البحرين]

الله يعوضك الخير ان شاء الله

عموماً كلامك صحيح ان الكاسكو بما انه يمتلك القدرة في الكلام الكثير والتقليد الممتاز

ولكن هو ضعيف المناعة وطير حساس

ولكن ايضاً نقول اذا الطير لقى التوفير الصحي من كل النواحي وعدم الإهمال راح يطول عمره بإذن الله وهذه الاشياء قضاء وقدر

ويمكن مافي توفيق لكي اختي مع الكاسكو

فالله يعطي شي وياخذ شي من نعمه

انصحك بالأمزون :D

تحيتي

[kloverfun]

اختي .......السلام عليكم
بعد التحية الببغاء الأفريقي اكثر الببغاوات حساسية ومرهف الشعور
انا كان عندي ببغاء افريقي انتحر وهذا بعد ما قررت اني اغير نوع اكله.
فالله يعوضك ويعوضني.
وانصحك بالببغاء الكوكاتو فهو قوي

[fan]

أول شئ شكرا للجميع على الردود
وبعدين صحيح أنا في فترة غيابي الخدامة هي اللي تهتم فيهم وتنظف لهم وكل شئ
بس ماأتوقع انها تتعمد تموتهم لأنها والله يقولون أكثر وحدة بكت لما ماتت الببغاء.وعدين هي تهتم في تربية جميع الطيور اللي في المنزل(الكناري والبلابل والحسون)وماتموت الا الببغاء.
بصراحة انا هذا آخر ببغاء ماعجبني كثير من أول ماجى كان هدية من أول يوم وهو يجعر ولايسكت يعني تقريبا الى يوم اللي مات وهم يقولون يجعر.
وبخصوص النوع اللي انشاءالله راح أشتريه بيكون ألكاتوس أو كوكاتو أو أمزوني
ومستحيل يكون مكاو بصراحة شكله مايعجبني مرررررررة يخوف(أهلي كلهم نفسهم فيه الا أنا المعارضة الوحيدة لهذا النوع)
وانشاءالله بعد4 شهور علشان اكون متفرغة لتربية الببغاء الجديد.

[صاحبة وفا]

بصراحه الامزوني احلى واذكى ويتعلم بسرعة البرق !! لكنه واااايد غالي :(