محتااار مررررة

[أتعبني غلاها]

السلام عليكم كيفكم يا اخواني

عساكم بخير

اخواني انا طلبتكم وابي العلم منكم

وداري انو المحل مو محل الموضوع بس ويش نسوي هذا افضل منتدى عندي

ومني مسجل في غيرة

انا محتار بين سيارتين ومني قادر استوعب

مخير بين لومينا اس وحده فل كامل مديل 2011

و

أوريون رياضي فل كاامل مديل 2011

فمحتار بينهم بليز ابي العلم من مجربين السيارتين ذي

وايت الافضل والاحسن

[جموح انثى!!]

استخيري
والله معك

[لدغه عنكبوت]

صح انا مع الاخت خوله الاستخاره قبل كل شيء

ولكن

انت بالخيار عندك كا قوة و عزم وسرعه الاثنين قويات

و عندك الداخليه افضل اللومينا ما ادري احس اورين كانها لعبه من داخل

من ناحيت صرفية بنزين الاورين افضل

من ناحيت سلامه لومينا تتفوق الهيكل تبعها قوي

في البيع الاورين افضل

تصنيع اذكر ان لومينا تغيرت في تجميع القطع وبرضو لكن من ناحيت التويوتا ما ادري اذا كانت للحين محافظه على التجميع الياباني لان عندهم تجميع تايلندي واندنوسي وماليزي اظاهر لكن لومينا استرالي يعني امريكا استراليا تقريبا مو فرق كبير

بالخط دائما اعترف بالسيرات الامريكيه اكثر من الياباني يفضل الياباني قي المدينه اكثر فـ شف انت اذاك راعي خطوط خلك على الامريكي

طبعا من ناحيت قطع الغيار نقول التويوتا على ما قالوا تحصل قطعها في البقالات

اذاك من النوع الي يحافظ على السياره خذ لك لومينا و اذا غيره خلك على الاورين افضل


بنهايه اذا تحب النطل والبيبان اورين واذا دريفت وطرب مكينه لومينا


وعلى فكره انا اكتب لك النصايح ومني قادر اشوف الاب توب ((( ابي اناااااااام)) اذا في شطحات اعذرني وان شاء الله اذا صحصحت افيدك اكثر :D




ومبروووووووووك مقدما

[kha6ab]

اخوي
ياكثر المنتديات السيارات
اسئلهم وهم يفيدونك بكل شي
اما هنا
ماعندك احد :D

[أتعبني غلاها]

اشكر كل من قام بالرد
وبصراحة ما تجننت اخذ اوريون =>أخت الكامري المعفنه
وان شاء الله لومينا

[khaled1133]

اخي اتعبني ليش ماتطلع من الاريون والومينا انتبه تاهذ لومينا شينه قوه وامريكيه
شاور بالافلون 2011 يقولون انها سياره لاني ادور لكزس ونصحوني بالافلون يقولون انها قريبه للكزس
وانت اسأل يالذيب اولاتنسى تستخير

[اخت مساعد]

ياحلوكم في هالمنتدا تردون على كل شي الله يسعدكم

[golden]

االي اعرفه انه الشفر ابو الخرابات

يعني جدامي كابرس اس اس داس بخط بنهايته يوم بياخذ فوق تحت طفت السياره

وهم صاحبي نفس السالفه داس جان تطق المكينه

[ناصـر]

صراحة ً حنا عائلتنا متعاقده معا
الكاديلاك ، مافيه نوع الا واقف بـ " الكراج "

يعني خبرتي بـ الومينا والاوريون
ماتسمح لي اطرح لك رأي مضمون : /

لكن بالنسبة لي أكره سيارات
تايوتا ، ما أطيقها نهائياً .!

اروح بـ تاكسي كل يوم
ولا أمتلك سيارة تايوتا ههه : )

لأن صار لي مواقف منها .!
كرهتني فيها وباليابان بكبرها

لكن نرجع بنظرتي المشكوك فيها
أن اللومينا أطيب وأوسع وأظرف .!

ولو تقدر تزود المبلغ من البابا .!
وتروح تاخذ لك دينالي أو تاهو قصير

جداً ظريف وجنتل وتبع شباب .!
وتبع عائلة وسفر وبر وكل شيء


أحس اني ما أفدتك نهائياً
لكن حقك عليّ : $

..

[كاليبسو]

السلام عليكم
الاخ لدغة عنكبوت ما قصر فى الوصف
بس اناا مع الاخ نااصر فى انى ما اطيق التايوتا
يا اخى معااملة الوكاله لك مهمه برضوو
واناا امتلك لومينا 2004 بس ال اس
ولا حطيت فيها شى غير الحاجات الاساسيه
والاستهلاكيه فقط واجور على السياره جوور ما يجووره احد
الى درجة انى ما اغير زيت الا بعد عشره الااف واكثر
واتمنى انك تااخذ لومينااا

[الكنق]

اوريون اقوى عزم

ونظره بنت ......؟!

[3obd]

خلك عاللومينا انا اشوف انها افضل واحسن
وتقبل مروري

[m.@.s]

اخوي اللومينا سياره حلوه والامان فيها عالي وهيكلها قوي

الوكيل حق التويوتا طبعا ملفق السيارات الاوريون والافالون الشاشه الاصليه فيها مفكوكه ومركب بدالها شاشه صينيه بس انها في البيع تجيب سعر اعلى من اللومينا

انا شخصيا اصوت للومينا وعندك خيارات افضل
سوبارو ليجاسي - هوندا اكورد - مازدا سته فل كامل مواصفاتها عاليه - هيونداي ازيرا

واللي افضل من هذولي كلهم الفورد توروس شوفها ماراح تخسر شي

والله يكتب لك اللي فيه الخير