استفسار

[فراوله بالعسل]

هل لمس البيض يفسده؟
أنا بيض دجاجي على الرمل هل يتسبب الرمل في فساده؟
عندي دجاجه عمرها 8 شهور وحتى الان ما بيضت هل هذا شيء طبيعي ؟
وما أسباب فساد البيض المخصب؟

[صمت الأمل]

أهلا وسهلا .. :)


لا اختي العزيزهـ .. لمس البيض بيدكـ مايفسدهـ أبدا ..;)


اللي يفسد البيضهـ هو هز البيضهـ بقوهـ ..


والرمل مايتسبب بفساد البيض ,, لكن ضعي عند الدجاج صندوق بيبيضو فيهـ ومايكون البيض متناثر بكل مكان .:rolleyes:


وبالنسبهـ لدجاجتكـ اللي عمرها 8 شهور وماباضت طبيعي اذا كانت بصحهـ ممتازهـ ..


أحيانا تكون على وشكـ البلوغ والتبييض .. أو احيانا فصل الشتاء يقلل فرصة الإنتاج .:o


عموما اذا مافيها مرض أو كذا .. ان شاء اللهـ راح تنتج قريبا .:)


لاتستعجلي عليهم .:)


بالتوفيق .:o

[فراوله بالعسل]

شكراً لكِ

[mustaf]

الرمل ما يفسد البيض ولا لمسه واذا ما في ديك يكون فاسد او اذا هز ايضا بخرب والدجاجة اللي عمرها 8 شهور انشاء الله خلال الشهر المقبل بتكون بدأت بوضع البيض

[فراوله بالعسل]

مشكور أخوي
اليوم صباح بيضت أم 8 شهو ر أول بيضه
وسوت مكان للبيض و جمعت فيه برسيم وضبطته بصراحه أول مره أشوف دجاجه كذا ربيت الدجاج وأنا صغيره وهالحين مربيته لي سنه وما مرت علي دجاجه تضبط مكان البيض مثل هالدجاجه وجلست يمكن ساعتين وهي تجمع برسيم ومن القش اللي عندها حتى ضبطت مكان البيض

[صمت الأمل]

مشكور أخوي
اليوم صباح بيضت أم 8 شهو ر أول بيضه
وسوت مكان للبيض و جمعت فيه برسيم وضبطته بصراحه أول مره أشوف دجاجه كذا ربيت الدجاج وأنا صغيره وهالحين مربيته لي سنه وما مرت علي دجاجه تضبط مكان البيض مثل هالدجاجه وجلست يمكن ساعتين وهي تجمع برسيم ومن القش اللي عندها حتى ضبطت مكان البيض



ماشاء اللهـ تباركـ اللهـ ..


ألف ألف مبروكـ على البيضهـ .. ان شاء اللهـ يجي أكثر .


بالنسبهـ للدجاجهـ ان شاء اللهـ تكون حنونهـ ومهتمهـ ببيضها . :)


الدجاج اذا شاف ان المكان مناسب للتعشيش راح يعشش ويحضن بيضهـ . ;)


هل عندكـ ديكـ عشان يكون البيض مخصب ؟؟


اللهـ يهنيكـ فيهم وماتشوفين منهم الا كل الخير .. بالتوفيق .

[فراوله بالعسل]

الله يبارك فيكِ
عندي ديكين واحدعمره 8 شهور و14 يوم
والثاني أخو الدجاجه اللي عمرها 8 شهور عمره 8 شهور
كلهم يلقحونها لان هي تروح مع أخوها دائم
والكبير مسيطر على الوضع والأماره للكبير متى ما أراد ماعليه منها ولا من أخوها
والديك الثالث 3 شهور
عالفكره أمها ترجن بسرعه يعني بعد 11 بيضه وبعد 16بيضه إن صارت مثل أمها في الرجون فهي كويسه
وعندي دجاجتين عمرهم 3شهور
وعندي أمها وكان عندي دجاج بس ما يرجن بسرعه وبعته
وكانت عندي دجاجه جميله مره وجسمها كبير وماتت ولدها زي شكلها الديك اللي عمره 8 شهور و14 يوم بس مادري عياله يطلعون مثله أو لا ودي يصيرون مثله
وبعض دجاجي سرقوه عيال جيراني الصغار عسى ما يجاورك مثلهم لصوص صغيرين ومحترفين بالسرق