ساعدوني بترويض العنيد!!!!!!!!!!!!!!!

[AL'3asy]

السلام عليكم ورحمة الله وبركاته

بدخل بلموضوع
عندي كاسكو تمنه عينه بيضه
خواااااااااااف ويجاعر ويعض شق يدي خلاها كلها دم

حاولة طرق واييد ماعرفة الطير اليوم له ثالث يوم عندي

بس يغرد ويطقطق ويطلع اصوات

خوااااااااااااااااااااف حده بس مايجعر اذا لمست القفص او جلست جمبه بس اذا اجرب يدي جمبه ماياكل من اليد ولا شي

اذا يجاعر اسويله اششششششششششششش يسكت بعدين يرد يجاعر ويعض!

ابيه مايعض ومايجاعر ومايخاف
تصدقون يخاف مني خوف يرجف

ولاحد يقولي حط فيدك عسل ومادري شنو انه موبايعها!

وبعد من احاول معاه تدريب يقعد يتعلق علقفص

وانه ماعندي خبره كلش
ومشكورين:freind:

[نادر وجودي]

ثالث يوم؟؟ وليه مستعجل ع تدريبه
لازم في البدايه يحس الطيربالامان حتى يروح الخوف عنه
اول ماتجيب الطير عندك تخليه فتره من 3 ايام الى اسبوع ماتحاول تمسكه او تدخل يدك داخل القفص
بس تحطله اكله وشربه وتكلمه من بعيد وتصفر له
لازم يحس بحبك وحنانك وتتكلم معاه حتى لو مافهملك ولا تخليه بغرفه لحاله حتى مايحس بالوحده ويمل
اذا حسيت ان خوفه زال ابتدي تقرب منه وامسح على راسه بشويش ولا تستعجل في تدريبه
احيانا يكون الطير عنيد
وصدقني اذا حس باهتمامك بيولف عليك بسرعه
اتمنى اكون افدتك بلي اعرفه لانها هذي طريقتي في تدريب طيوري
وبالتوفيق

[خالد84]

السلام عليكم

دام قام يجعر لا تهمله كل ماتهمله كل مايزيد
افضل طريقه للدفاع الهجوم
اهجم عليه بفوطه ومهده بالفوطه وخل راسه بس الباين
امسح على راسه ليما يطخ وتحمل الجعره شوى
كرر هالحركه ثلاث مرات باليوم ولا تحطه بالقفص خله عالاستاند
راح تشوفه يطخ قصب موبكيفه
والتجربه مجربه وفعاله


مـــــــــــــــنـــــــــــــقـــــــــــــــــــــــول

انا شخصيا راح اجرب هالطريقه مع طيري لن قاعد اشوف اكثر من شخص استخدمها ومنهم الاخ سكر بالموضوع المثبت والله يوفق الجميع

[AL'3asy]

لين افتح له القفص يطلع يوقف شوي من اروح ينزل علارض

اهو يطقطق ويغرد بس احسه متملل جالس بلصاله معنى موفر له كل شي حتى دفاية حاط له من اجرب صوبه يعطيني ظهره

[عاشق الدجاج وسمن]

مع كلام نادر وجودي

[AL'3asy]

iهههههههههههه مستعجل بس احين بخليه مابكلمه ولا بلمسه ولاشي بس بنضف القفص
وببدل الاكل والماي لي مايتعود علي

[خالد84]

iهههههههههههه مستعجل بس احين بخليه مابكلمه ولا بلمسه ولاشي بس بنضف القفص
وببدل الاكل والماي لي مايتعود علي


اخوي انا وياك تقريبا اشترينى الطير بنفس الوقت ونفس النوع على حسب كلام الشباب والمشاهد الي شفتها باليوتوب ان حتى لو توعد عليك لازم تروضه بيصير عنييد على العموم انا غشيم واول طير يطيح بيدي ودي اطيح الخوف الي براس الطير وراح اجرب معاه من اليله لي يومين واقولك شنو صار معاي واذا قدرت انزلك مقطع فيديو يبين حالة الطير واذا ما نفع شي وصارت حالته اسواء بسوي طريقتك والله يوفق الجميع ;)

[AL'3asy]

اجل عندك تمنه بعد؟؟؟
مادري ليش في النت ذامينهم ذم وفي الطبيعه شحلاتهم
انه الي عندي كله يطقطق ويطلع اصوات ولين يجاعر اسوي له اششششششش يسكت
بس خواف حده اليوم رابع له بعطيه لي بكرا وبفرجييه هع

وعندي سؤال انه اعطي شوية عنب علتفاح علموز علحب شمسي اوك النظام حقه؟

[خالد84]

السلام عليكم

اخوي رجعتلك بعد اول يوم ترويض فاشل وربي مانمت وانا افكر بالحركه الي سواها الكاسكو مالي لابس قفاز وجاي امسكه بطلعه طبعا ماقدرت المهم هونت وقلت خلاص جيب وسكرت القفص والا الكاسكو انجن يبي ينتحر قام ومسك الاستاند الخشبي الي داخل القفص بمنقاره من تحت وقام يرفس برجوله من فوق يبي يقطع راسه وفرش جناحاته وقاط يطق بنفسه انا الصراحه استغربت والحين والله زاد الجعر اكثر من اول اول كان خفيف الحين لو شاف احد قام يجعر شكلي بعطيه لواحد يروضه ويجيبه لي مره ثانيه لن الصراحه خايف عليه لن الي عندي ماشاالله فرخ عمره 6 الى 7 اشهر وسوبر جامبو ومرشوش احمر كله ف مو مستعد اني اخسره وانصحك ياخوي خله اسبوع بس اكل وماي وخلك باليوم اتجابله جدام القفص واتكلمه كثر ما تقدر احسن ما يصير فيك الي صار فيني والله الموفق

[AL'3asy]

ههههه انه لين يخاف يدور في القفص بس مايجعر
وينفش ريشه

انه عندي طفره ازرق خفيف جناحه من الداخل مو واضح عدل
احنه ماعندنه يروضون فلبحرين

[خالد84]

السلام عليكم

اخوي شلونك شخبارك ؟ وديته امس لواحد يروضه لي بس طلع العيب مني مو من الطير ههههه اول ما حطيت القفص عنده جاء الرجال ماشالله عليه حط ايده لطير وجعر وقاله اصعد الطير عضه عضتين وصعد على ايد الرجال قام يمسح عليه ولا كانه طيري الي مسوي فيها عنتر علي المهم قام يمسح على راسه والطير مستانس انا استغربت قالي طيرك اليف ومافي الا العافيه بس خايف شوي ويومين ويتعود عليك بس كل يوم احطله ايدك ولازم اتوري الطير انك مو خايف منه ويصير وياك اوكي وهو الطير عنده الحين قاعد يدربه على امور ثانيه ........ ( بيني وبينك امس تمنيت انى عندي شوية خبره كان مادفعت فلوس للمدرب او المروض طلع طيري حبوووب ) الصراحه شفت عنده طيور الله لا يواريك متوحشه يقولي هذول من الكامرون من الغابه لي عنده لترويض ولا ايد الرجال مشرحه من العض والتشمخ حسيت انه جزار مو مدرب لوول .

[AL'3asy]

هع عيل الطيور الي عنده نفس طيري ويدي مو شمرحه صاير عظمة فخذ عنز اقولك مره عظني عظه كوكاتو شوي ويبتر صبعي كان عمري 6سنوات
وتعقدت منهم احين يوم وصلت 17 قلت لازم اثئر هع وشريت لي ذي..

وبسئلك يابوخالد كم خذله الطير عندك وليه مايعض انه الي عندي يعض :@:@

[HTM]

السلام عليكم

اخوي شلونك شخبارك ؟ وديته امس لواحد يروضه لي بس طلع العيب مني مو من الطير ههههه اول ما حطيت القفص عنده جاء الرجال ماشالله عليه حط ايده لطير وجعر وقاله اصعد الطير عضه عضتين وصعد على ايد الرجال قام يمسح عليه ولا كانه طيري الي مسوي فيها عنتر علي المهم قام يمسح على راسه والطير مستانس انا استغربت قالي طيرك اليف ومافي الا العافيه بس خايف شوي ويومين ويتعود عليك بس كل يوم احطله ايدك ولازم اتوري الطير انك مو خايف منه ويصير وياك اوكي وهو الطير عنده الحين قاعد يدربه على امور ثانيه ........ ( بيني وبينك امس تمنيت انى عندي شوية خبره كان مادفعت فلوس للمدرب او المروض طلع طيري حبوووب ) الصراحه شفت عنده طيور الله لا يواريك متوحشه يقولي هذول من الكامرون من الغابه لي عنده لترويض ولا ايد الرجال مشرحه من العض والتشمخ حسيت انه جزار مو مدرب لوول .


وينه الجزار ذا قصدي المروض :88:
عنده محل والا معرفه

[سعود9]

انا نفس شي بس مو عضض

[elnoon]

السلام عليكم ورحمة الله وبركاته

بدخل بلموضوع
عندي كاسكو تمنه عينه بيضه

عينه بيضا يعني عمره كبير .. مش اقل عن ثلاث او اربع وطير بهالعمر يبيله صبر
خواااااااااااف ويجاعر ويعض شق يدي خلاها كلها دم

كل طير يحس بالخوف بيدافع عن نفسه :D

حاولة طرق واييد ماعرفة الطير اليوم له ثالث يوم عندي

ثالث يوم ,, انا اعتبره ضيف عندك ,, ما لحق يستوعب هو وين فيه بالضبط :cool:
بس يغرد ويطقطق ويطلع اصوات

خوااااااااااااااااااااف حده بس مايجعر اذا لمست القفص او جلست جمبه بس اذا اجرب يدي جمبه ماياكل من اليد ولا شي

اذا يجاعر اسويله اششششششششششششش يسكت بعدين يرد يجاعر ويعض!

ابيه مايعض ومايجاعر ومايخاف
تصدقون يخاف مني خوف يرجف

ولاحد يقولي حط فيدك عسل ومادري شنو انه موبايعها!

وبعد من احاول معاه تدريب يقعد يتعلق علقفص

وانه ماعندي خبره كلش
ومشكورين:freind:


اصبر على الطير خله في حاله اسبووع ,, بس تعطيه الاكل وتروح عنه
المهم انه يتعود على البيئة الجديده له

بالتوفيق ^^

[AL'3asy]

مشكور اخوي elnoon

بس طيري عمره سنه وشهر عينه بيضه يعني بين 12-18شهر :)

اليوم سابع له

بعطيه لي يوم الخميس وانشاله خير ومشكورين شبااب كل الي ساعدوني