طريقة لتحديد الجنس يجهلها الكثير

[4ever-a-student]

بسم الله الرحمن الرحيم

اليوم بعرض عليكم طريقة فعالة 100% وغير قابلة للخطأ أبداً لتحديد جنس الفروخ, والطريقة ما تقدر تستعملها الا مع الأنواع الآتية: اللوتينو والسينامون والايزابيلا (تصير مع الانواع الثانية لكن مع هذي الأنواع نسبة صحة الطريقة 100%, لأنه الأنثى ما تقدر تحمل جينات هذه الأنواع, و بس تقدر تظهر على شكل النوع, يعني الأنثى مستحيل تكون حاملة لجين السينامون لكن ممكن تكون سينامون بينما الذكور ممكن تحمل جين السينامون وممكن تظهر على شكله).

الطريقة:

- أولاً: يجب أن يكون الزوج كالآتي: الذكر سينامون أو إيزابيلا أو لوتينو, ويجب أن يكون نوع الأنثى مختلف عن الذكر. (مثال: الذكر سينامون والأنثى وايتفيس) (مثال آخر: الذكر لوتينو الأنثى إيزابيلا).

- ثانياً: جميع الفروخ التي تحمل نوع الأب تكون أنثى (مثال: لو الأب كان سينامون والأم كانت وايتفيس), جميع الفروخ اللي بتكون سينامون يكون جنسها أنثى 100%, بينما باقي الفروخ راح تكون ذكور أو قد تحتمل الاحتمالين.

وفي الختام, ما ألوم أي شخص ما فهم أو أصيب بالصداع أثناء قراءة الموضوع, لأنه قد ما أحاول أشرح ما أقدر أجيب المعلومة بطريقة توصل المتلقين بسهولة, فسامحوني واللي عنده سؤال أو يبغيني أوضح نقطة راح أوضحله.

[محب الحيوانات الاليفه]

معلومات جميله وأشكركي على الموضوع

مع تحياتي

[coky]

ههههههههههههه وربي ترا مرررة ما فهمت يا اخوي شكلي كنت مصدع و انا اقرأ ههههههههههه

ارجو التوضيح الله يخليكك :)

[4ever-a-student]

ههههههههههههه وربي ترا مرررة ما فهمت يا اخوي شكلي كنت مصدع و انا اقرأ ههههههههههه

ارجو التوضيح الله يخليكك :)

شوف أخوي,

الفراخ تاخذ نوعها يا أما من الأب أو من الأم والأب معاً..

طيب كيف تاخذ نوعها؟ تاخذ نوعها يا أما من شكل الأم والأب أو من الجينات اللي يحملونها..

طيب طيب, لو خذت النوع من الأب فقط شو تكون؟ الله يسلمك لو خذت النوع من الأب فقط تكون انثى..

طيب لو خذت النوع من الأم والأب معاً؟ تكون أنثى أو ذكر.

وفكرة موضوعي تعتمد على النقطة اللي لونتها بالأحمر, يعني لو الأب سينامون والأم ايزابيلا والفراخ طلعت سينامون يعني جنس الفروخ السينامون راح يكون أنثى, لأنها أخذت نوع الأب فقط..

طيب لو طلعت الفراخ ايزابيلا؟ هذا يعني أنها ممكن تكون ذكر أو أنثى (يعني ما تقدر تحدد نوعها بهالطريقة) وهذا مش موضوعنا.

الحين قولي مو فاهم وراح اوقفك آخر الصف واخليك ترفع رجل وحدة ويدين :cool:..

[4ever-a-student]

أمثلة:

-الزوج: الذكر لوتينو والأنثى سينامون.

الفروخ اللوتينو: إناث
الفروخ الرمادية: ذكور
الفروخ الباقية(ما تظهر الا اذا كان عند الاب أو الام جينات مخفية): ممكن تكون ذكور أو إناث

-الزوج: الذكر سينامون والأنثى بايد.

الفروخ السينامون: إناث
الفروخ الرمادية: ذكور
الفروخ الباقية: احتمال ذكور أو إناث

- الزوج: الذكر إيزابيلا و الأنثى لوتينو.

الفروخ الايزابيلا: إناث
الفروخ الرمادية: ذكور
باقي الفروخ: احتمال ذكور أو إناث


أنواع إذا ظهرت الفروخ بها لا يمكن تحديد نوعها حتى البلوغ(يعني مستحيل تحدد نوعها وهي فروخ):

-البايد
-الوايتفيس

إن شاء الله وضحت الصورة؟

[moad17]

تسلم على المعلومات

[الطائــر الغامــض]

..:: ماشــاءاللهـ ,, معلوومــاات قيمــهـ صــرااحهـ ,, وبالنسبــهـ لــي أنــاا أظــن أنهــاا غيــرر صحيحــهـ 100% !! ::..

..:: مــاا أدرريــ بــس أظــن كــذاا ,, واللهـ أعلــمـ وأدررى ,, وأنــاا مثــلاً عنــدي أنثــى سينامــوون وذكــرر رمــاادي وجاابــووا فــررخ نووعــهـ ع الأب ( رمــاادي ) وطلــع ذكــرر !! ::..

..:: أنــت تقــول ينفــع أكثــرر شــيء فــي السينامــوون والايزابيــل واللوتينــوو ,, يعنــي عنــدي غالبــااً مــاا تنطبــق هالعمليــهـ ,, عالعمــوومـ ,, اللهـ يجــزاكـ خيــرر عالمعلــوومــاات ::..

..:: تحيـــــــــــــــــــااتيــ .. لكــ ::..

[محبة الطبيعه]

هالطريقه للفروخ بس صح؟

[4ever-a-student]

..:: ماشــاءاللهـ ,, معلوومــاات قيمــهـ صــرااحهـ ,, وبالنسبــهـ لــي أنــاا أظــن أنهــاا غيــرر صحيحــهـ 100% !! ::..

..:: مــاا أدرريــ بــس أظــن كــذاا ,, واللهـ أعلــمـ وأدررى ,, وأنــاا مثــلاً عنــدي أنثــى سينامــوون وذكــرر رمــاادي وجاابــووا فــررخ نووعــهـ ع الأب ( رمــاادي ) وطلــع ذكــرر !! ::..

..:: أنــت تقــول ينفــع أكثــرر شــيء فــي السينامــوون والايزابيــل واللوتينــوو ,, يعنــي عنــدي غالبــااً مــاا تنطبــق هالعمليــهـ ,, عالعمــوومـ ,, اللهـ يجــزاكـ خيــرر عالمعلــوومــاات ::..

..:: تحيـــــــــــــــــــااتيــ .. لكــ ::..

لو تلاحظ أنا كتبت تصير مع الانواع الثانية لكن مع هذي الأنواع نسبة صحة الطريقة 100%

يعني فقط مع اللوتينو والسينامون والايزابيلا نسبة الصحة 100% اما الباقي فما تقدر تحكم على اعتبار انها ممكن تحمل جينات مخفية..

أشكرك وأشكر الاخوان على الرد..

محبة الطبيعة, للطيور البالغة في طرق أخرى أسهل, أما الفروخ فيصعب تحديد جنسها على اعتبار انها تأخذ شكل الأنثى الى مرحلة القلش.

[kha6ab]

يعطيك الف الف عافيه

بس ياخوي انا عندي انثى لوتينو

والحين ابي اجيبلها زوج عشان يجيبو فروخ

وش احسن شي اجيبلها ؟

واذا جابو فروخ ابي اعرف ايات منهم الذكر وايات منهم الانثى

انا اهم شي ابي اجيب فروخ ذكر


وهل طريقتك متاكد انها مضمونه ؟؟

يعطيك العافيه

[4ever-a-student]

يعطيك الف الف عافيه

بس ياخوي انا عندي انثى لوتينو

والحين ابي اجيبلها زوج عشان يجيبو فروخ

وش احسن شي اجيبلها ؟

واذا جابو فروخ ابي اعرف ايات منهم الذكر وايات منهم الانثى

انا اهم شي ابي اجيب فروخ ذكر


وهل طريقتك متاكد انها مضمونه ؟؟

يعطيك العافيه

شوف لو جبت للأنثى ذكر سينامون مثلاً, الاناث راح تطلع سينامون وبالتالي الفروخ الرمادية راح تكون ذكور 100%..

أهم شي انك ما تجيب لها ذكر لوتينو لأنه لوتينو + لوتينو مرات ينتج فروخ عندها "صلع" أو خفة الريش عند بعض المناطق..

فالعادة راح يكون فالانتاج ذكور واناث نادر ما يطلع انتاج فيه ذكور بس او اناث بس, يعني مب مشكلة أي ذكر بينتجلك ذكور وإناث إن شاء الله..

الطريقة مضمونة ياخوي مع الشروط اللي ذكرتها, الا وهي:

1- الذكر يكون: لوتينو أو سينامون أو ايزابيلا
2- الأنثى تكون نوع مختلف عن الذكر وما تكون من النوع الرمادي العادي.

النتاج راح يكون:
-اناث تشبه الاب
-ذكور رمادية
- انواع اخرى مجهولة الجنس (احتمال وليس شرط)

[لؤلؤه المحيط]

يعطيك العافيه على المعلوماتتت

[kha6ab]

شوف لو جبت للأنثى ذكر سينامون مثلاً, الاناث راح تطلع سينامون وبالتالي الفروخ الرمادية راح تكون ذكور 100%..

أهم شي انك ما تجيب لها ذكر لوتينو لأنه لوتينو + لوتينو مرات ينتج فروخ عندها "صلع" أو خفة الريش عند بعض المناطق..

فالعادة راح يكون فالانتاج ذكور واناث نادر ما يطلع انتاج فيه ذكور بس او اناث بس, يعني مب مشكلة أي ذكر بينتجلك ذكور وإناث إن شاء الله..

الطريقة مضمونة ياخوي مع الشروط اللي ذكرتها, الا وهي:

1- الذكر يكون: لوتينو أو سينامون أو ايزابيلا
2- الأنثى تكون نوع مختلف عن الذكر وما تكون من النوع الرمادي العادي.

النتاج راح يكون:
-اناث تشبه الاب
-ذكور رمادية
- انواع اخرى مجهولة الجنس (احتمال وليس شرط)

طيب انا كوكاتيلي اصلع :D

هل ايضا الفروخ تطلع صلعه ؟

وجزاك الله خير
الصراحه من جد افدتني
كنت بنزل موضوع واستفسر عن هالشي بس سبحان الله
الله جابك :D

مشكووور ..~

[Dark.Love]

ألف شكر لك َ على الطريقه
وآصل ابدآعك
لك َ
. اجمل تحيـهـ .

[4ever-a-student]

طيب انا كوكاتيلي اصلع :D

هل ايضا الفروخ تطلع صلعه ؟

وجزاك الله خير
الصراحه من جد افدتني
كنت بنزل موضوع واستفسر عن هالشي بس سبحان الله
الله جابك :D

مشكووور ..~

أنا اللي اعرفه أنه تزويج لوتينو بلوتينو ينتج الصلع, لكن لو زوجت اللوتينو الاصلع اللي عندك بذكر سليم من نوع غير اللوتينو وريشه فوق الراس كثيف, الفروخ ان شاء الله تطلع 100%.. وينصح بتزويج الكوكاتيل الاصلع بكوكاتيل من النوع "بايد", لانه البايد عادةً يكون تاجه جميل وريشه كثيف فالفروخ تطلع سليمة ان شاء الله.

ونصيحة عامة لجميع الاخوان لا يحطون زوج من نفس النوع شو ما كان بالذات البينو + البينو أو لوتينو + لوتينو لانه يأدي الى الصلع وضعف الفروخ (لكن مب دائماً أحياناً تطلع الفروخ سليمة) بس مثل ما يقولون درهم وقاية خير من قنطار علاج.

[™LodA™]

مشكووووووووووووووور يا أخى على التوضيح :88::88::88::88:

:):):)

[الكروان الصغير]

مشكور.اخوي على المعلومه

[الكروان الصغير]

ماشاء الله
طريقه رايعه

[dark evil]

تسلم على المعلومات

[mo3ad17]

تسلم على المعلومات

[عبدالمحسن جان]

تحليل منطقي وسليم

[جــود]

طيب انا عندي ذكر مصبع ايزابيل لوتينـــو

والانثى رمادي

وش يجيبون اناث ووش يجيبون ذكور

وشكرا لك

[زعيم الخيال]

جزاك الله خير ... معلومات قيمه
........................................

[HNS]

شكرا على المعلومة الجديدة:88:

[بلبل حساوي]

طيب لو واحد شاريه ولا قال اذا ذكر أو انثى