آلسلحفآه آلبريه ~

[آحزان قلبي لآتزول]

بسم الله آلرحمن آلرحيم


آخباركم عسآكم بخير ~


عندي كذآ سؤآل من فضلكم ’,

:12:

آليوم شريت سلحفآه بريه .. وخآطري آعرف بعض الآشياء ~

مثل :

شنو آعطيهآ من الآكل ؟!

وآبي معلومآت تفيدني في تربيتهآ ؟!

لآني بصرآحه مآعرف عن تربيتهآ ولآ شي تقريباً !!

ويآليت تقولون لي كيف آعرف آنها مريضه مثلاً ؟!

وهل ينفع آربيها دآخل آلغرفه ؟!

وهل آحط لهآ رمل ؟!

وهل آحط لهآ مآي ؟!

آنتظركم ~

:12:

وآلسلآم عليكم ورحمة الله وبركآته

[عاشق الدجاج وسمن]

خست اتوقع

[|| PyTHoN ||]

اقري مواضيع عن تربيتهم بالقسم و تقدرين تدورينهم
المواضيع بالقسم و بالنت عموماً

و لي ما تعرفينه أسأليه ~

لكن حالياً اهم شي وكليها خس و حطيها بحوض دافي
درجة الحراره فيه تكون 27 ، و فيه كهف و هالسوالف
و ماعون ماي كبير لكن مو عميق

بعد ما تقرين عنها كل شي ما اتوقع بتحتاجين انج تسألين ^^

[مهووس الحيوانات]

أنا أأيد الأخ بايثون لكن مافي مانع نجاوب على كم سؤال :p

لكن عليك يا صاحب الموضوع انك تاخذ من وقت شووي و تقرأ ردي كامل ^^

=-=

شنو آعطيهآ من الآكل ؟!

بشكل عام تقدر تعطيها أي نوع من الفواكه و الخضروات الي ناكلها ، بس أحسن شي الخس و الخيار ، و احتمال تلاقي سلحفاتك ماتاكل الا خس

لكن لو لقيت انها تاكل أشياء غير ، فالأفضل انك تنوع لها :)

و طبعًا لازم يكون الخضار و الفواكه المقدمة نظيفة و طازجة كأنك انتي الي بتاكلينها

---

وآبي معلومآت تفيدني في تربيتهآ ؟!

نخلي هذا السؤال آخر شي :D

---

ويآليت تقولون لي كيف آعرف آنها مريضه مثلاً ؟!

أكثر شي يوضحلك هو العيون ، بتلاحظ انها ممكن تكون داخلة لجوا شوي ، أو لونها متغير لأخضر أو أحمر

و ممكن تلاحظ ان عندها إسهال أو إمساك

و بعد الإصابات ممكن تلاحظها في الصدفة من كسور و خدوش و ضربات و هذا كله لازم تتجنبه لأن أي إصابة تتسبب بعد فترة في موت السلحفاة

---

وهل ينفع آربيها دآخل آلغرفه ؟!

اي ينفع ليش لا ، بس لازم توفر لها نور الشمس ، يعني خل القفص جنب الدريشة و تكون الستارة مفتوحة عليها عشان يدخل نور الشمس لأنه ضرووري ، و لازم تتأكد ان النور يجيها ولا شالفايدة

و إذا ماقدرت الله يعينك اما تشمسها يوميًا 10 دقايق في الصباح أو العصر ، و هذا ممكن يتسبب في مشاكل مع الوقت

أو انك تريح نفسك و تشتري لمبة الـ UV المخصصة للزواحف

---

وهل آحط لهآ رمل ؟!

بكيفك تقدر تحطلها رمل و كويس بعد ، بس لازم يكون نظيف تمامًا

---

وهل آحط لهآ مآي ؟!

(( و جعلنا من الماء كل شيء حي ))

:D

أكيد لازم تحطلها موية و تكون في صحن وسيع شوي و مسطح و تقدر السلحفاة تدخل فيه بنفسها عشان تشرب و تتسبح و تبرد

لكن لو ماقدرت ممكن تسوي حركة حلوة ، تاخذ السلحفاة كل يوم أو يومين بالكثير ، و تسويلها فترة سباحة ، تحطها في طاسة أو صحن كبير و تحط فيه موية يكون مستواها تحت وجه السلحفاة عشان ماتغرق ، و تخليها فيها لمدة 5 دقائق تشرب و تسبح و تبرد

و لاتنسى تنشفها بس بدون ماتلفها و تقلبها يعني بهدوء و ببساطة .

=-=

نرجع للسؤال الثاني ^^

هو طبعًا في كم شغلة لازم تنتبه لها مثل :

- القفص لازم كون كبير كفاية و تقدر السلحفاة تتمشى فيه بحرية .

- الأرضية تكون اما رمل نظيف أو تراب نظيف أو تربة مخصصة للزواحف و حاول ماتعطيها نشارة خشب لأنها سيئة و تسبب مشاكل في التنفس و تنشب في حلق السلحفاة لأنها ممكن تاكل منها بالغلط .

- الأكل لازم يكون له صحن مخصص في القفص و يكون مسطح طبعًا .

- لا تمسك السلحفاة كثير و لا تلوح بها و لا تشيلها بارتفاع عالي بالنسبة لها ، ولا تقلبها أو تلفها أو تشيلها بسرعة ، و لا تسوي فيها طيارة :D
و لا تخلي الصغار يمكسونها أبدًا أبدًا ، و حاول قد ماتقدر تكون حركتك قدامها هادية و مو سريعة لأنها ممكن تسبب تشتت لها .

- انتبه كل الانتباه من الضربات و السقوط و الإصابات لأنها مثل ماقلت تتسبب في موت السلحفاة .

- يفضل جدًّا انك تحط لها بيت بسيط صغير تدخل فيه عشان يكون مثل الغرفة المظلمة و بتلاحظ انها تحب تدخلها .

- لو ربيت أكثر من سلحفاة لا تربي سلحفاة كبيرة مع سلحفاة صغيرة و حاول قد ماتقدر يكون أحجامهم متشابهة ، لأن السلاحف عادة ماتعتدي على السلاحف الي أصغر منها حتى لو كان الفرق بسيط .

- لاتربي مع السلحفاة أي نوع ثاني من الحيوانات .

* حاول قد ماتقدر تجرب تعطيها الأكل بيدك عشان تتعود عليك و تستانس انت لما توكلها :) .

* ممكن تعود السلحفاة عليك لكنها تاخذ وقت طويل حتى تتعود عليك .

=-=

بالتوفيق و أتمنى اني أفدتك