مساعدتكم في حوضي الجديد

[خالد999]

السلام عليكم
اخيرا قررت اشتري حوض سمك مقاسه 125 سم *50 سم*60سم
والحوض مثل ما هو موجود في الصورة فاضي وودي احط فيه اسماك بحرية ز هي شقائة النعمان (الكلاون فيش مع نباتاتها) مع العلم ان الحوض جاني فاضي بدون اي ادوات و عطاني صديق لي فلاتر و مضخات و اسلاك ماني عارف اركبها في الحوض , فهل هناك احد في الخبر او الدمام عنده هواية تنسيق الحوض إذا فيه احد يا ليت لو يساعدني و اكون مشكور له
http://up.7cc.com/get-3-2007-t9wc9nt7.jpg (http://up.7cc.com)

[بنت البحرين وكلي فخر]

ماشااالله الحوض عود وحلوو وانشالله اتضيف له بعض الصخور وبعض النباتات الصناعيه وتحط االاسماك وتحط الاضائه ويطلع فللللللله
مشكووور اخووي يعطيك العافيه
تحياتي لك
بنت البحرين,.,.,

[redshark]

ماشاء الله حجم الحوض ممتاز والاضاءه والغطا ممتازين 000 لكن اخي نصيحتي انك تطلع على المواضيع الخاصة بانشاء الحوض البحري وانواع الاسماك قبل البدء في عمل الحوض

وكمان اتمني انه يكون في حد من الاخوان في نفس البلد عندك حتى يتمكن من مساعدتك او نصيحه ممكن تجيب حد من محلات الاسماك يركب الادوات ويعملك الحوض

[انجل فش]

ما شاء الله مبرووووووووووووووك على الحوض بس نصيحة نصيحه و خر السماعه عن الحوض لا تخرب يجي عليها مويه و لا شي

[خالد999]

مشكورين على الردود
و باديه محمسه ;)
بس ما زلت انتظر مساعدة من اهل الشرقية

[sstootss]

انا من الشرقيه
بس الموضوع مش واضح عندي
ايش تبغى انت بضبط علشان ارد عليك
:rolleyes:

[خالد999]

هلا فيك اخوي
انا عندي حوض فاضي ما عندي ولا قطعه غير الحوض و قاعدته و اللمبات و محتاج مساعدتك في شراء اغراض الحوض و ارشادي للاماكن اللي تبيع الاغراض باسعار معقوله
يا ليت لو تقدر تخدمني اكون شاكر لك و هذا رقم جوالي 0558444222

[sstootss]

والله انا بصراحه اشتريت الاغراض
الاحجار من محل جدا رخيص من محل (بوريالين):)
والاكسوارت من محل ...مااعرف اسمه بس في حي قريب من حي الجلويه في الدمام وانا سمعت
انه الموزع للاسماك فيه حيوانات وفيه اسماك
اعطيني وقت واجيب لك اسمه

[خالد999]

اخوي المحل اللي تقصده اسمه مؤسسة العباد اللي في قسمه مائي و قسم طيور و زاواحف
بس للاسف المحل دايم زحمه و ما له خلق يعطيك وجهه

[sstootss]

بس بصراحه المحل رهيب
روح الجمعه الصبح بيكون هادئ جدا

[خالد999]

مشكور و ما تقصر و على فكره و للمعلوميه
تراه هو المحل الوحيد في الشرقيه اللي يجيب الاسماك البحريه و يوزعها على المحلات

[فيحان]

السلام عليكم أخي العزيز العباد إذا تبي حوضك يصير تمام وما فيه أمراض لا تشتري من عنده لأن سستمه كله أمراض وأنا راح أتواصل معاك عن طريق الجوال وراح أرسل لك رسالة وتى ما فظيت اليوم دق علي

["المرعب"]

خذ السمك من عنده قبل لاينزلهم في الحوض انا اكلم راعي المحل واطلب النوع إلي ابيه واخذهم اول مايجيبهم من المطار "الشحن"ويكونون صاحين مافيهم اي مرض

[خالد999]

اخوي فيحان مشكور على اتصالك و ما تقصر
اخوي المرعب شكرا على معلومتك المفيدة و نفس كلامك قالوا الاخوان اني احجز اول ما يجيب السمك

[scada]

السلام عليكم

انا من الشرقيه وعندي حوض بحري واشتريته من محل بالخبر وعنده كل اللي تحتاجه من معدات واسماك مع ان المحل صغير لكن اللي تبيه يجيبه لك بس مشكلته اسعاره غاليه شوي.

انا سمعت انه في محل في البحرين مره كويس توني اخذت الوصف بروح اشوفه وبرد عليكم.




تحياتي

[خالد999]

وش اسم المحل اللي بالخبر؟