الفزعه ياجماعة الخير

[Al-7non/305]

اولاً: بسم الله الرحمن الرحيم

ثانياً: اسعد الله صباحكم ومساكم

ثالثاً: انا عضو جديد وشاركت بالمنتدى لان حيل اسعدني مساعدتكم لبعض ماهي بمجامله هذا كلام الصدق لاهنتو

واخيراً:

ياجماعة الخير انا جتني قطوه شيرازيه هديه وغاليه علي حيل بصراحه
وعمرها شهر واسبوعين
اللحين هي فيها اسهال بسيط وانا محتار مادري شسوي احط لها روب (زبادي) ماتاكله
عطيتها بطاط وجزر مسلوق هم ماكلت بس تبي تاكل اكل المعلبات تكفون ابي اي احل
للإسهال
وسامحوني على الطواله
وتقبلو اصدق تحياتي

[الخالصي]

ا ن شاء الله يردون عليك الخبراء

انا اذا جاني اي مشكله على طول على الدكتور

[Al-7non/305]

ياهلا ومرحبابك اخوي تسلم على ردك لاهنت

[مس^^مس]

اشتري لها كابتين من الصيدليه البشريه

و

بيبي لايت ..


الكابتين جرعته 1 مل بالسرنحه بدون ابره مرتين باليوم ..

وبيبي لايت عادي حطيه مع موية الشرب عشان تعوضالسؤال اللي تفقدها مع الاسهال


وبالنسبه انها مو راضيه تاكل

ملعقه صغيره من المعلبات مع بطاطس مسلووقه مهروسه .. اخطليها سوا .. تتقبلها ان شاء الله وتاكل ..

حاولي تعوديها ع الدراي فوود لأنو افضل لها اطحنيه .. عشان تقدر تاكله وتتعود معدتها عليه ..

سلامتها

[genan]

ابعد عنها حاليا الحليب ومنتجات الالباان كلها والسمك لانه يزيد بالاسهال
وكثر لها مويه عشان تعوض الي يروح من جسمها واذا استمر فوق اليومين
وفيها سخوونه المس طرف اذنها ودها البيطري على طول الله يشفيها لك يارب
وكثر لها الدراي فوود والدجاج المسلوق وبطاطس حاول فيها

[genan]

معليش بس نسيت اقول شي بعد سويلها مهلبيه نشاء عشان يوقف الاسهال بدون سكر

[Al-7non/305]

تسلمين اختي مس مس لاهنتي ماقصرتي وتراني رجال والله يسلمج
ولاهنتي مره ثانيه واشكر مساعدتج لي واقتراحاتكم وابشري بشتري لها الادويه هذي

وتقبلي خالص احترامي وتحياتي

[Al-7non/305]

تسلمين اختي جنان ع الرد واشكر لكم تعاونكم معاي
وان شاءالله بسويلها كل اللي قلتو عنه
لاهنتو
تقبلي خالص احترامي وتحياتي*

[امل شاعر]

اعملها ارز مصري وقليل من النشاء وخليه يفور

ثما صفيه واعطيها الماء هدا يوقف الاسهال على طول

وماتشوف شر ان شاء الله