الحقوني فروخي اختفوا

[عاشقة الببغا]

:confused:السلام عليكم الفروخ اختفت ولا ادري وينها عندي عش فيه ثلاثه فروخ عمرهم خمس ايام واليوم تفاجئت انهم اختفو بس لقيت واحد في العش ميت ويابس و2اختفوا مافيه اي اثر في العش بس لقيت جزء بسيط جدا جدا جدا :eek:يمكن بعد انه من الفروخ صراحه ماني متاكده كبر حبة ارز ولي محيرني ممكن الام او الذكر اكلهم بس لاتقولون لي حشرات او فار اواي شي ثاني لاانهم عندي في البيت وفي غرفه انا عاطول فيها وانضفها ابي اعرف وين راحو ساعدوني

[مـحـمـاس الـمـنـحـاس]

عاشقه
خيتوو انتي حاطه عند الطيور مواد تعشيش(خيوط )
لأنه حصلت لي قبل كذا وحصلت البيض والفروخ مدفونه تحت الخيوط
لأنه يصير الجوز يحط فوقهم خيوط لين يندفنوو تحت ويموتو بدون تدرين

[عاشقة الببغا]

لامحطيت غير الي موجود وانا طلعت لخيوط ودورت مالقيت لهم اثر ميصير كلوهم

[Dr Khaled]

و عليكم السلام و رحمة الله و بركاته
الأبوين لا يأكلوا فراخهم بل يرميهم من عن العش للأسفل
لكن إحتمال وجود قارض أو زاحف قام بهذه الفعلة

[عاشقة الببغا]

والله يادكتور خالد انا متاكده انه مفيه شي لاانهم عندي داخل البيت ومستحيل يكون فيه شي الااذا حاجه ماقدر اشوفها كبر الذره مثل او نمل صغير مره ميبين بالعين ممكن والله يعطيك العافيه

[badgy111]

مافيه غير حل واحد فيه شخص اخذهم ,,اذا كان الاب والام موجودين والفراخ مو موجوده معناه احد اخذهم

[hassn1402]

الزوج ما ياكل لحوم
احتمال احد الزواحف مثل الوزغ

[عاشقة الببغا]

والله العالم وين وشنهى السالفه بس انا اليوم غيرت الزوج وجبت زوج جديد لاانهم عندي من رمضان وصراحه احس انهم تعبو من كثر الانتاج بس الانثه حت ريشها كله وصارت تخرع طلع الجلد مخذاه راعي المحل وجبت ازواج جديده الحمد الله انا كل فتره ابدل الازواج المحل الي اتعامل معه طيب ويبدل بس ابي اعرف يااخ حسن شنهو الوزغ هو ياكل لفروخ وبعدين من وين يطلع انا اربي لطيور داخل البيت ولا فيه شي

[عاشق الطيور.]

اخوي الوزغ هي (البصاق) بس ماادري هو ياكل الفروخ ولا لا

هو يجي من عند الجدار

[عاشق الطيور.]

***اختي

[سيف الحرب]

الله يعينك اختي واذا تكررت هذه الحاله او تفقدين بيض او مثل ذالك

حاولي وضع كاميرا للمراقبه والله يعينك

تحياتي

[عاشقة الببغا]

مشكور اخوي عاشق الطيور واخوي سيف الحرب وهذا الوزغ شكلي عرفته بس احنى نسميه اسم ثاني بس مستحيل يدخل البيت مسكره الدرايش بس ممكن دخل وانا منتبهت عالعموم اشكركم كلكم على مساعدتكم

[عاشق الطيور.]

انا اقلك يمكن في وزغ ( البصاق )

في الغرفة انت دورية ويمكن تلقينه البصاق

[جلو11]

اختي لابد من وضع عظمه السيبيا ( املاح) عشان الطيور تعوض نقص الاملاح بالذات الانثى وكذلك تنويع الطعام وبمجرد ان تضع الانثى أول بيضه ازيلي مواد التعشيش لكي لاتدفن الطيور بيضها ووفري ليهم الامان ودرجه حراره 28 مئويه

[shinigami]

انا مستغرب لية انتي تبدلين طيورك كل فترة ؟؟