بلييز للخبير في الببغاء الرمادي ابو ذيل احمر يلحقني

[دلوعة ماما]

السلام عليكم

حابه نجدتكم يامحبين الكاسكو
:(ببغائي صارلو يومين لاحس ولاخبر ولايصفر ولايعمل حاجه
كانو حزين عن جد كتير مزعلني شكلو :(
صارلو شهر تقريبا وكم اسبوع عندي
كان متل العسل ولايشكي من حاجه ولا عندنا اطفال وكل العايلة تحبو
ونشجعو وندلعو
بس صارلو يومين بس ينتف في ريشو واخلاقو قافله احاول اعمل حاجه حتى يجغر او يطلع اي صوت وماش مانفع معاه بالمره مسالم
وديتو لعياده بيطريه بالرياض من 3 اسابيع وجلس عندهم 4 ايام ياخد مضادات حيويه
الاكل \
فول سوداني الي بقشرو وبذور الشمس ومره بس اكلتو تفاح يمكن من قبل 4 ايام ولا اديتو بعدها
المكان \
احطو بوسط الصاله على جنب بحيث يشوفنا ومايكون معزول وقفصو مفتوح يطلع وينزل براحتو
الاعراض\
اشوفو بس ينتف في ريشو واحسو متل المقروص مع انو اعملو شور بمويه بس عن طريق بخاخ
واحس صدرو بارز من كتر مانتف فيه :(

امانه ايش الحل والله كتير حزنانه عليه والمشكله البيطريه اليوم مقفله بما انو جمعه
ياربي هدا وهوا مدلع ينتف ريشو ايش السبب وكيف اسيبو يبطل تنتيف بس بدون ماالمسو لانو يعض :(

[..{ Ė๓ǻ]

حبيبتي يمكـن احد الاطفآل ضربـه آو صآرخ عليه وآنتي مآتــدرين ؟!
قلبي جيبي له العآب خشب وحطيهآ له بالقفص وحآولي تلعبيه وتهتمي فيه اكثــر
وحآولي تنسيه انه ينتف ريشه كل مآشفتيه ينتف ريشه روحي العبي معآهـ واذا تقدري تطلعيه من القفص طلعيه والعبي معآهـ وشغلي له باليوتيوب مقآطـع ببغآوآت كآسكو تصفر وتلعـب

[دلوعة ماما]

:(المشكله ماعندنا اطفال والله
ينتف ريشو وماينطق بحرف:(

[..{ Ė๓ǻ]

طيب حبيبتي يمكـن طيب احد من الكبـآر ضربه او صآرخ عليـه

سوي الي قلت لك عليه وبآذن الله يتحسن

[ابو محمــد]

ممكن صورة للطائر .

[king of dragon]

ممكن احد عمل معاه موقف زعله خرجه برات القفص واتاكد انو مافي شي في ريشه من الطفليات او تكون عندو حساسيه بالجلد
اما تركب له حلق علي رقبته عشان ماينتف
او تحط له زيت زيتون مر في المكان اللي ينتف فيه
وحاول انك تلاعب الطير عشان ماينتف وتسليه
وياريت صور قريبه لجلد الطير

[مس^^مس]

روحي اقرب محل للطيور واشتري له العاب ..

روحي المكتبه واشتري له خيوووط ملووونه وخرز .. وسوي له احلى العاب ,,,

ممكن يخاف منها ف البدايه .. بس حاولي تقريبها له بالتدريج ..

ببغائي كان عنده العاب وجات فتره ينتف ريشه بس اللي لاحظته لأنو كنت حاطه الكروانه عنده ..

ممكن غيره والله اعلم من يوم شلتها .. ماشاء الله تبارك الله ماعاد ينتف ريشه ..

اشتري له مصاص تلاقيها ملووونه وجمعيها ع بعض وتربطيها له في القفص بينبسط عليها ..

http://www.f5amah.com/shop/prod_images/FILES/643225ca69889d29e5a0358902526441.JPG

الله يشفيه لك ..