مساعدة بخصوص الببغاء

[جبال الهموم]

اخوي جاب لي ببغاء من اسبوع يقول انها ببغاء بحريني تتكلم بس الكلمة الوحيدة اللي تقولها متو وتقلد الأصوات اللي يسويها اخوي لها مثل الصفير والبوس بس المشكلة انه ماعندها ريش في بعض الأماكن مثل البطن والرقبة وديتها للبيطري قال لي نقص املاح وفيتامينات عطاني دوا واحد سائل لونة اسود والثاني بودرة اذا اخلية ويا الماي يصير لونة اصفر المشكلة مااعرف اعطيها الدوا بالأبرة تعض الأبرة ولاترضى تشرب شي واذا خليتة ويا الماي ماتشرب الماي تتباعد عنة ولاترضى توقف على ايدي اليوم تعذبت من كثر ماعضتني ولاعارفة شنو اسوي ليها

هاذي صورة لها

http://disk02.arb-up.com/i/00017/frdrc783z08h_t.jpg (http://arb-up.com/frdrc783z08h)


http://disk02.arb-up.com/i/00017/5rzdmkwyxncf_t.jpg (http://arb-up.com/5rzdmkwyxncf)


http://disk02.arb-up.com/i/00017/6pj4l5eyvcs2_t.jpg (http://arb-up.com/6pj4l5eyvcs2)

ابي اعرف كم عمرها وشنو نوعها وهل هي من النوع اللي يتكلم واذا ممكن ابغى دوا يطلع لها الريش

الببغاء في بعض الأوقات تقص الريش بمنقاره قبل يومين شالت ريش الذنبة نزل منها دم كثير خفت لايصير لها شي حتى صفر او حركة ماكانت تقدر تتحرك ا وساعات اشوفها تعض ايدها بدون سبب قالوا لي يمكن من كثر مو موجودة بالقفص ومن امس اطلعها منة والمغرب ادخلها بس للحين تعض في ايدها


ساعدوني رحم الله والديكم

[جبال الهموم]

ماحد يعرف

[كاسكو619]

للاسف ما اعرف الجواب:(

[حماني العوفي]

اخوي هاي اللي عرضوها في منتدى البحرين ومابتعرف اذا نثيه او ذكر اذا حول الرقبه منتف ويبها مدينه حمد انا بجيكها لك وبتوفيق

[جبال الهموم]

لا غيرها هاذي اعرفها نثية بكرة بروح اشتري لها دوا للريش
بس مو عارفة شلون الحل بكمل شهر مو راضية توقف على ايدي مع انة اخوي من تسمع صوتة بروحها تطلع من القفص تنتظرة على باب القفص وانا اللي اهتم فيها واعطيها اكل كل يوم مو راضية توقف على ايدي حتى اذا اتكلم بعلمها كم كلمة تصارخ انا اقول لها سلام وهي تصرخ

مو عارفة شنو الحل وياها

[elnoon]

اختي الطير دره مطوقه وتعاني من نتف الريش

عورت قلبي والله
عالجيها من نتف الريش اقري المواضيع في المنتدى وطرق العلاج لا تهملينها اختي ولج اجر علاجهاا ان شاء الله

الطير تعرض لصدمه اتوقع يعني كان صاحبه ريال وباعه .. تضايق الطير .. هالنوع وااايد يتعلق بصاحبه بجنون عشان جي تلاحظين تعلقها باخوج .. تتحراه صاحبها القديم او كان معاها طير صديق وفرقوهم بالبيع


المهم حبوبه .. جدامج هي نتفت ريشها ونزفت لااا تتاخرين عالجيها عن النتف اشتريلها صديق لو تقدررين
حطيلها العاب ,, عطيعا اغصان تعضهم

الدره الذكر حول رقبته خط اسود اما الانثى بدون خط

اتوقع طيرج الصوره مش واضحه بس كانه فيه خط اسود


اختي الاهمال وترك الطير يزيد الحاله سوووء وممكن ينتف كل الريش كلـــــــه
عالجيها واقري موضوع الاخت كاسكوكيه لعلاج هالحاله

واسالي خبراء الدره عن طرق علاج
بالتوفيق

[جبال الهموم]

ان شاء الله انا مهتمة فيها اليوم بروح اشتري لها دوا يطلع لها ريش الحين توقفت عن نتف الريش من قمت اطلعها برة القفص اخليها تمشي في البيت كامل راعيها اللي كانت عندة قبل حابسنها في القفص ولايدري عنها لااكل ولاشي من جذي جتها حالة نفسية تعض رجلها او تنف الريش

ان شاء الله بهتم فيها وبوريكم صورتها بعدين اذا تشافت

مشكورين جميعا

[علي111]

هذا دره كر على ما اضن
مشكلته الاغلب انها نفسيه لاني اناعندي دره وسوت نفس طريقة اللي عندك بس لحقت عليها بدري

كل يوم لازم تتروش بالشطاف لمدة اسبوع على الاقل حتى الراس
خوذي فيتامين قطره تحط بالمويه وبرضه بخاخ يقتل البكتريا اللي بالريش واستخدامهم خمسة ايام
واللي يخليها تبعد عنك الابره اللي زعلتها


تعلقها باخوك ان علاقته فيها يلعبها ويمشيها بس مو يعالجها
خليها دايم بالغرفه اللي فيها العيله ولاعبوها باستمرار ونادوها بين وقت وقت راح تتحسن



هذا والله اعلم