انتفاخ بسيط في بالعوم الكاسكو ارجو الدخول ضروري

[ماكسيموس]

السلام عليكم
اليوم لاحظت وجود انتفاخ في بلعوم الكاسكو
فهل هذا مرض ؟؟ واذا مرض كيف اعالجه ؟؟

وارجو تقولون لي هل هذا مرض خطير ولا عادي ؟؟
ارجو انكم تساعدوني وشكرا

[ماكسيموس]

يا شباب تكفه ساعدوني والله بديت اخاف عليه

[THELIONHEART]

صور الطير مشا يكون اوضح للاعضاء

اتمنى له الشفاء العاجل

[ماكسيموس]

والله الكاميرا الي عندي اختربت انزين بس قولولي هذا مرض طبيعي ولا شنو والله توهقت مع هذا الطير انا

[THELIONHEART]

صوره بجوال او اي شيء

وهل الطير ياكل

هل عنده اسهال؟؟

[ماكسيموس]

الاسهال راح منه والحين صار ماياكل وصار كله يبي ينام ومصكر عينه ما ادري اشفيه وبلعومه منتفخ

شنو سبب الانتفاخ ؟؟

تلفوني انا قديم في كاميرا بس مافيه بلوتوث

انزين الانتفاخ بالبلعوم شنو يعني ؟؟ ماتعرف ؟؟ اذا تعرف تكفه قولي

[لك عين تسحرني]

هلا خيو اي هذا مرض ولازم توديه للدكتور البيطري بسرعه علشان يعالجه ترا اذا تطول بالموضوع ببغائك بيروح منك بسررررررعه على الطبيب علشان يسويله عمليه طيري صارت فيه نفس السالفه سووله عمليه وطاب الحمدالله وترى كل ما تئخرت كلما صار ت الحاله اخطر

[ماكسيموس]

لازم عمليه ؟؟ !!!!!!!!!! انا بالكويت

مافي بيطري يسوي عمليه بالكويت !!!!!!!!!!!

منو يعرف بيطري يسوي عمليه الله يخليكم ؟؟ ؟؟؟؟؟؟؟؟؟؟؟؟؟؟

[THELIONHEART]

http://www3.0zz0.com/2010/05/10/19/104242398.jpg

اخوووووي الانتفاخ مثل اللي في الصوره ؟

[ماكسيموس]

مشكور عسا الله يوفقك يارب ويوفق كل الي تعزهم يارب
لالا مو مثل الي بالصوره بلعومه متفوخ لكن الريش مغطيه وبشكل غير هذا تقريبا يعني مافي الجلد غير ظاهر نهائيا

[THELIONHEART]

اهااا

اكيد الانتفاخ تحت زياده شوي ؟

والطير نافخ ريشه ؟ صح ؟

ورافع راسه لفوق شوي ؟

[ماكسيموس]

والانتفاخ صاير يعني بلعومه متفوخ ومافي جلد ظاهر ما ادري هذا طبيعي ولا لأ تكفا ساعدني تكفا

[ماكسيموس]

اي بالضبط مثل ما انت قلت بالضبط صح كلامك

[ماكسيموس]

اهااا

اكيد الانتفاخ تحت زياده شوي ؟

والطير نافخ ريشه ؟ صح ؟

ورافع راسه لفوق شوي ؟

اي اي هذا الي فيه صح مضبوط ماشاءالله عليك

طمني تكفا شنو هذا الي فيه ؟؟

[THELIONHEART]

الطير يبيله تدفأة شوي
مو تخلي المحل حار زياده
متوسط

وافضل طريقه تشغل دفايه في الغرفه اللي هو فيها وتخليها على بعد متر ونص

وتغطي القفص ببطانيه وتخلي بس جهة باب القفص مفتوح كامل
والطير يبيله غر

وان شاء الله اموره تمام

[ماكسيموس]

مشكور يالغالي
بس تكفه الله يخليك قولي شنو الي فيه هذا ؟؟

[THELIONHEART]

هذا طبيعي اخوي كل الطيور فيهم
هذي حتى انت فيك لو تلاحظ خخخ
بس لانه نافخ ريشه ومدخل راسه جوا صايره بارزه زياده

وغر الطير 3 مرات باليوم

[محبه القلوب]

واخير ياليت اخوي اذا سويت هذا تقول اخبار ابغي استفيد لاني مبتدى وخايفه يصير كذا لي ببغاتي بعد شر للكل

[ماكسيموس]

اولا اخوي محبة القلوب مشكوووور وعسا الله يوفقك

ثانيا اخوي يا ذاليونيرت الله يوفقك يارب مشكور فعلا توني شغلت الدفايه ولقيته ارتاح وبدا يستجيب

انا حاط عداد حراره بالغرفه ودرجة الحراره عندي 27 يعني جم لازم تصير تتوقع ؟؟

[THELIONHEART]

طبعا خليها على بعد متر ونصف

والحرارة يعني انت اذا دخلت الغرفه تعرف حر ولا الجو معتدل ولا بارد

وطبعا في الليل اذا بتنام غطيه ببطانيه وخلي الواجه الامامية للقفص بس مو مغطيه

ولا تنسى تغره 3 مرات باليوم

ولا شكر على واجب اخوي
تحياتي

[ماكسيموس]

مشكووووووووووور الله يوفقك ويرحم والديك ويوفقك كل شخص اتعرفه انت وكل شخص ساعدني محبة القلوب وكلكم واحد واحد

بس ماقلت لي شنو هذا المرض ومن شنو يجيه ؟؟

[Animal-5-Lover]

| أخوي قبل أي خطوة ، وديه بيطري "خبير"

مجرد يكشف عليه ..

ثاني شي عملت لك قآئمة بالادوية وطريقة استعمالها

إتفضل هنآ (http://www.4shared.com/document/y9zMijil/__online.html)

وإن شاء الله تفيدكْ ، ..
.

[ماكسيموس]

مشكوووووووور يالغالي عسا الله يوفقك يارب وما انسى لك هالخدمه

[محبه القلوب]

اولا اخوي محبة القلوب مشكوووور وعسا الله يوفقك

ثانيا اخوي يا ذاليونيرت الله يوفقك يارب مشكور فعلا توني شغلت الدفايه ولقيته ارتاح وبدا يستجيب

انا حاط عداد حراره بالغرفه ودرجة الحراره عندي 27 يعني جم لازم تصير تتوقع ؟؟

انا بنت قول اختي مو اخوي وشكرا وعفوا اهم شي ببغاء ارتاح :rolleyes:

[ماكسيموس]

مشكوره اختي ولا يهمج :) واشكر كل شخص ساعدني وعسا الله يوفقكم

[محبه القلوب]

كيف حال ببغاءك الحين

[ماكسيموس]

الانتفاخ راح ولله الحمد لكن للحين الطير حده تعبان وكله مغمض عينه ونايم

انشاءالله يصحى يارب

الظاهر للحين تعبان مجرد تعب بس

الله كريم
ومشكوره اختي ماقصرتي

[محبه القلوب]

العفوا اخوي انا ماسويت شي

[THELIONHEART]

اخوي اذا تحسه تعبان روح الى بيطري جيد

يمكن في بطنه دود او انه يبيله مضاد حيوي او فيتامينات ينشطه
لكن اذا قالك لازم ابره لا توااافق قوله بس ابي الادوية

تحياتي

[ماكسيموس]

يالغالي احنا بالكويت
وللاسف البيطري عندنا يبيله واحد يعالج مخه
وماعندنا ادويه كل ماتروح للبيطري ماعنده الا علبتين دواء تقطرهم بالماء هههههههه
لو شنو فيه طيرك يعطيك هالعلبتين ماعنده غيرهم
والبيطري الي جمبه توه فاتح جديد صارله جم سنه
وبس فالحين بالابر مايمديهم يعطون الابره للطير الا يموت على طول
عموما مشكور يالغالي
الحمدلله عندي فيتامينات وكل شي وقاعد احطها له بالماء
والله يسلها يارب

[THELIONHEART]

الله يكون في عونك

بس لا تنسى الدفا مهم في هالعمر
ولا تنسى تغره
اذا انت تغره سريلاك حط نقطه فيتامين معاه ونقطتين في الماء

والله يسهلها عليك وعلى طيرك

[Al-Anizi]

حبيبي شلون عرفت انه ما يسون عمليات في الكويت ؟؟ عندنا ماشاء الله كذا مستشفى ول الاثنين يم بعض مقابل سوق الحمام في عندك ***** وعندك مستشفى جديده الي جمب ****** وكلها اجانب متخصصين

[ماكسيموس]

يا العنزي الله يرحم والديك ***** فيه دكاتره من الجنسيه الفلبينيه ومايعرفون حق الطيور واسأل مجرب الله يخليك

وبالنسبه للمستشفى الجديد انا دخلت طيوري فيه ايام اول لمن مليت وكان فيه دكاتره على ما اذكر بريطانيين كأن الدكاتره كانو رياييل كانو يشتغلون بالامارات و بعدها شرفونا بالكويت وفي سنة 2010 على ما اعتقد بدلوهم وحطو مكانهم دكاتره بنات وهم مايفهمون شي بالطيور ولمن سألتها عن جنسيتها قالت لي من انجلند عاد وين انجلند هذي ما ادري المهم من انجلد وحافظ المستشفى هذي حتى كانو يقصون الجناح الواحد بثمان دنانير عموما مايفهمون شي وكل مايعطون ابره حق واحد من طيوري يايموت يا يصير معوق وكان عندي دره خلوها عميه ---- وعلى فكره في مستشفى ثالث بالاحمدي وكان اول عندهم سيارة اسعاف بس الحين ماعندهم صرت خبير بالمستشفيات البيطريه ههههههههههه

*****

وازيدك من الشعر بيت ياخذون على فحص الدم 95 دينار ما ادري على شنو بالاخير مايدرون اذا نثيه ولاذكر طيرك

والطير يقعد عندهم بالخمس ايام بالملاحظه مع شويه ادويه ياخذون عليه 50 دينار يعني اليوم 10 دنانير

وعلى طول ياخذون معلوماتهم بفلاش مومري من اي زبون ويترجونه ترجي والله يخلي موقع توزو تلقا بجهزتهم نص ملفات تو زو هههههههه الزباين تارسين كمبيوتراتهم فيه

عموما اخوي انا ماقلت لك هالكلام الا ابيك تحط بالك يالغالي
وشكرا

[ماكسيموس]

السلام عليكم

ياشباب بفضل الله سبحانه وتعالى وبفضل دعواتكم يالطيبين وبفضلكم الحمدلله الطير تحسنت حالته على الاخر اصلا انا كنت ناوي ابيعه لكن الحين هونت هههههههههه ولله الحمد

شكرا لكم جميعا اشكر كل شخص ساعدني او حاول يساعدني
عسا الله يوفقكم يارب ويبعد عنكم الشر

[THELIONHEART]

الحمد لله رب العالمين

والله يحفظ لك طيرك

بس لا تقول اشفي وخلاص

لازم ما تعرضه للتيارات الهوائية ابدا


تحياتي

[ماكسيموس]

مشكور يالغالي والله ماقصرت لا والله مشغل له الدفايه وحاطه بغرفتي
ومن كثر الحر العرق ينزل مني :) ياخوك فراشي صار بحيره
بس الحمدلله المهم صحته انا مستعد اسوي اي شي
والحر مقدور عليه بس لايصير فيه شي ههههههه

مشكور يالغالي والله يوفقك يارب

[THELIONHEART]

خخخخخخخخ

مو لهالدرجه الحر زيادة مو زين بعد

حاول تخليه الجو متوسط وهو عليه منشفه ولا شي على القفص يصير تمام

[ماكسيموس]

لا عندي عداد حراره بالغرفه ودرجة الحراره بالضبط 29 درجه

ههههههه بعد شسوي لعب ابحسبتي هذا الكاسكو بس يله نتحمل

عسا يبين بعينه خخخخخخخخخخخ

[QaTaR-]

29 درجه !!! اعتقد انها وايد الصراحه

انت بنفسك تموت من الحر شلون الطير الي عليه ريش نزل درجة الحراره الله يجزاك خير لا تذبحه من الحر

[ماكسيموس]

جم اخليها يالغالي ؟؟ ومشكور على النصيحه