الحقوا علي تكفووون!

[أبو العيناء]

تكفون يا الربع لحقوا على ريكو الكاسكو عمره 3 شهور وهذا الطير غالي على قلبي كثير واشوف الحين مثل الحشرات الصغيرة او البعوض فالحقيقة ما اعرف وشو بالضبط المهم يطيرون حول القفص ويدخلون ويطلعون عند ريكو والاكل اغيره له بستمرار مرتين الى ثلاث مرات في اليوم واشكله عشان ما تجي له الحشرات او يصاب الطير بمرض والحل والحل والحل تكفوووووووووووووووون الفزعة يالربع اخوكم في حيرة وهل يوجد مبيد لهذه الحشرات بحيث ان المبيد ما يضر الطير ؟؟؟؟

[كاسكو البحرين]

اخوي هذه طفيليات تطلع في الجسم وتختبأ في الريش وطبعاً تضايق الطير

الحل

انك تروح الى اقرب صيدلية وتشتري غسيل وتغسلة على حسب وصف البيطري

وبعدها لا تستخدم اي شي لتجفيف الطير خله ابروحه وبعيد عن التيارات الهوائية

وحاول ايضاً انك تشمس الطير بالشمس الغير مباشرة

وان شاء الله خير

[بو ناصر]

مشكور اخوي كاسكو البحرين وماقصرت كفيت ووفيت
وحبيت ازيد نقطة
عزيزي أبو العيناء هذه الحشرات الصغيرة تجتمع عادة مع وجود بعض الروائح الكريهه او العفن فيجب عليك ايضا تنظيف القفص وقد تجدها بكثرة حول التفاح او الفواكه عامة لأنها تتعفن بسرعه فربما كانت هناك بعض البقايا لها

ارجوا منك اخي تعرض لنا صورة القفص اذا استطعت لنستطيع الجزم

[الطاير]

السلام عليكم


الاخ أبو العيناء ....


بالزبط زي ماقال كاسكو البحرين (( هذا عشان تتطمن ))

و وارد جداَ يكون السبب العفن زي ماقال الاخ بو ناصر (( بقايا الاكل قصدي ))

لاكن اذا بس باعوض السالفه ترى مايضر البيئه الطبيعية للطائر مليانه باعوض بس لاتخلي النور فوقة مباشرة ((لانه يجيب الحشرات ))

واذا كان يتحكحك لاتقرب منه ولاتقرب شعرك منه الى ان تطمن يمكن فيه قراد ولا غيرة

وتقدر تسوي زيي تشتري الجهاز الي يصعق الحشرات وفيه لمبة (( زي الي في المطاعم ))
وتحطة في الغرفه الي فيهى الطير ,,,


((( حاول تميز نوع الحشرات بالزبط اهي زي الذباب الصغير ولا باعوض ))


تحية
الطاير

[الهاوي]

الشباب ما شاء الله عليهم ما قصّروا معاك و اتفق معاهم إما بقايا فواكه ما زالت في القفص و لا تلاحظ بالعين أو إن قفص الطير موجود في غرفة بها نباتات داخلية و اللي أحياناً هذي النباتات هي اللي تجلب بعض الحشرات - عموماً أقترح إنك تطلع الطير برّه البيت علشان يتهوّا و يتشمّس و كذلك حاول إنك تهوّي الغرفة اللي كان فيها القفص علشان يتغيّر جوها و الهواء يتجدّد لعل و عسى إن الحشرات تختفي و اذا لم تختفي راجع لك بيطري لقطع الشك باليقين.

و لا أراك الله حشرات ( مستقبلاً ) حول طيرك يا أبو العيناء :)

[أبو العيناء]

والله تسلمون لي جميعا وما قصرتو بس الظاهر انه من الفواكه الي اعطيها اياه بعد ما ياكل يقوم يرمي الفاكهة بعد تقطيعها يمين ويسار وشوي الا جاتك الحشرات الصغيرة مثل الي تجي على الموز اذا خليته فترة بره الثلاجة وانا كل يوم 3 مرات انظف القفص واغير اكله بستمرار والله يعين ويجزاكم خير على النصيحة