نصايحكم يا شباب محبوب كاسكوي الجديد

[قاهر الايام]

السلام عليكم ورحمة الله

كيف حالكم

المهم اخواني بعد تعب من كاسكو كبير وبعض عدد كبير من العضات الحمد الله بعته واستطعت اشتري كاسكو اصغر في العمر

تقريبا عمره في حدود 10 اشهر والله اعلم عيونه للحين ما صارت بيضاء ناصعه يعني للحين مايله على الرمادي

المهم انه الحمد الله عضاته كلش خفيفه مما سيسهل تدريبه

لكن فيه جعير قوي وهذا من الخوف من الغرباء لانه مع صاحبه القبلي اذا كان ما معاه احد لا يجعر وهذا طبعا بشوف عيني مو كلام صاحبه بس لانه جرب يدخل له بدون ما يشوفني وما جعر وان شاء الله يعتاد علي ويروح جعيره

المهم يا شباب ابي نصايحكم لاني الصراحه اول مره اتعامل مع كاسكو في هالعمر

اهو باين انه ياكل بروحه لكن هل يلزم غره ايضا لاني قريت موضوع في المنتدى انه يجب مواصلة الغر حتى تصبح عينه بيضاء بالكامل

وهل يتوجب اعطائه اي نوع من المضادات واذا يجب اعطائه ياريت اسم المضاد والجرعه

علما انه غير محجل

واي نصيحه تنفعني ياريت ما تبخلو علي بها


وهذي صره له ابي رايكم فيه وشنو حجمه؟

http://im2.gulfup.com/2011-03-07/1299525780141.jpg (http://www.gulfup.com/)
وشكرا لكم مقدما

[elnoon]

طيرك ياكل ببروحه؟؟ لما شريته شوقال صاحبه مفطوم والا بعده محتاج غر ؟؟

اذا ياكل بروحه خلاص اساسا تعدا مرحله الغر..

وحاب تعطيعه فيتامينات انصحك تاخذه لبيطري معروف وسمعته طيبه يفيدك

لا تجرب فيه اي شي من دون طبيب

بالتوفيق

[ibraqi]

الاكل البلجيكي
وارفع يدك
نصيحه من واحد قديم في تربية الكاسكو

[قاهر الايام]

اخوي elnoon اهو قال لي انه ياكل برحوه بس انا احسه انه يحتاج غر لاني احسه ما ياكل كفايته لاني احسه شوي ضعفان اهو حركته عا
يه وطبيعيه وياكل من الخلطه اللي حاطها له بس اليوم رجعت من الدوام وشلته لقيت حوصلته شبه فاضيه لكنه ياكل فأنا اخاف عليه يضعف لان قبل صار عندي كوكاتيل ما كان يقدر ياكل حاجته مع انه ياكل لكنه كان توه في اول مرحله للفطم بعد فتره ضعف ومات

وبخصوص البيطري اخوي للاسف ما في عندنا بيطري معروف للطيور اغلبهم للماشيه وحتى اغلب الادويه اللي عندنا اما للدواجن او للماشيه

عموما مشكور اخوي وما قصرت


اخوي \ibraqi فعلا انا اخذ الخلطه البلجيكيه

لكن اخوي لم افهم ما تقصد بأرفع يدك؟

وماذا عن المضاد هل ما زال يحتاج مضاد ؟ وحجمه لم يتطرق له احد

عموما مشكورين اخواني وفي انتظار باقي الاعضاء والخبراء

[عبادي1]

طيرك مافيه الا العافيه ماشاء الله ومايحتاج غر بالعمر هذا

والجعره تروح مع الوقت ومايبيلك الا الصبر

والمقصود بارفع يدك ( عباره تأكيديه بأن الاكل البلجيكي الافضل ولامثيل له ) :)

يوجد فيتامينات شامله .. ميلتي فيتامين

تلقاها عند الصيدليات البيطريه ونفس الصيدلي بيعلمك كم نقطه تضيف لمشربية الطير

[قاهر الايام]

مشكور اخوي عبادي عالرد والنصح والتوضيح واتمنى اني اتوفق فيه ويعيش عندي
وان شاء الله راح اخذ الفيتامين انا عندي منه لكن صار له فتره فباخذ جديد اضمن لان يمكن يكون فسد