لو سمحتوا مساعدة

[suhaibkamal]

أنا عندي ببغاء افريقي
روضتوا و دربتوا
بس بعد فتره من تدريبوا اجاني ضيوف معهم أطفال صغار
صاروا يخوفوا من بعديها رجع يعض ويتصرف كأنه لم يدرب
ممكن الخبراء والي بعرفوا يسعدوني في تدريبه من جدييد ;)

[elnoon]

اكبر غلط تعرض الطير لاطفال يخوفونه

الطير يتعقد من هالتصرفات .. وممكن جدا يخاف مره ويبدا بنتف ريشه

امنع الاطفال يعذبونه .. حرام يخاف

وحاول تتقرب منه لين يثق فيك مره ثانيه ..

[ماكسيموس]

السلام عليكم

اخوي من فتره طويله حييل كان عندي كاسكو وهرب مني بسبب عين شايب الله لايوفقه ههههههه

المهم --- انا مريت بلي انت مريت فيه بالضبط واخذت شهرين احاول اهدي فيه بالغصب وبعد ماطلع عيوني يالله هدى ورجع طبيعي

طبعا انا كنت مسافر مدة سنه كامله للعلاج وخليت الطير في بيت جدي وصار الي صار رجعت لقيته من غير ريش المسكين وكان يخاف من كل شي وكان يعضني بعد ولمن كنت امسك علاق الملابس ولا عصايه بيدي كان يخاف وكنت الاحظ خوفه من ردة فعله الي تلفت انتباه اي واحد

الي سويته معاه يالغالي بالضبط شريت له ستاند وخليت الطير في غرفتي وشلت القفص نهائيا شهرين بالضبط مادخلته القفص خير شر شلت الادوات الكهربائيه من الغرفه كلها المسجل مع الابجوره والكمبيوتر حتى لايعض اي واير وشلت الاشياء الي من الممكن ان تجرحه وقت الي يبي يحط منقاره عليها خفت لا يجرح نفسه او يبلع قطعه صغيره ويختنق

اول اسبوع خليته على راحته وماكنت اقرب صوبه خير شر بس كنت اغير له الماء واحط له الاكل وانظف وبس ولمن كنت انظف كنت انظف يدويا يعني من غير المكنسه الكهربائيه يعني خلقت له جو هادئ جدا ومن ثاني اسبوع بديت اقرب منه شوي شوي وكل ما كان يحاول يعضني كنت اوخر عنه وارجع له بعد فتره وظليت على هالحال شهرين لين صار يصعد على ايدي

وصرت امسح على راسه لكن هم كان الخوف فيه شوي ومع مرور وقت طويل تقريبا راح منه نهائيا

انصحك اخوي مثل ما قالك النون ابعده عن الاطفال نهائيا --- وانصحك حط بالك بالفتره هذي من الازعاج والادوات الكهربائيه والله يعينك كل ماتدخل الغرفه راح تلقى السجاده منتفه ولا المكتب شوي متكسر بسبب عض الكاسكو والكبت شوي بروح فيها ههههههه بس الله يعينك --- اذا الكبت الي عندك مصبوغ او قديم لان احتمال ان الخشب يكون فيه عفن يعني يمكن يكون حايش الكبت ماء وعفن في اماكن معينه خصوصا اسفل الكبت انت ماتلاحظها او الكبت عندك قديم لان الخشب يجمع البكتيريا انصحك تحط بالك وتحاول تحط شرشف او قطعه خام كبيره تصد الكاسكو عن ان يقرب للكبت او المكتب --- اتمنى اني اكون افدتك وهذي كانت تجربتي مع الكاسكو من سنوات طافت --- يمكن تجربتي تكون خاطئه مع انها جابت نتيجه --- اخذ راي الاخوان الي اخبر مني لان يمكن تكون طريقتي كلها غلط --- عموما لو عجبتك طريقتي اسأل عنها حتى لايصيب كاسكوك اي مكروه لا سمح الله

وعسا الله يوفقك

[suhaibkamal]

شكرا لكم أعتذر طولت عليكم بالرد بس كان عندي متحانات هاي الفتره
ولان مافي اطفال في الدار
رح اعمل على نصائحكم

[ماكسيموس]

بالاول اسأل اخي الله يخليك طريقتي من الممكن ان تكون غلط

رجاءا اسأل في ناس اخبر مني

وحط بالك

وشكرا