دجاجتي ترجن قولو مبروك وادعو (استفسار)

[دلوعة الرياض]

السلام عليكم

وحدة من دجاجاتي صار لها اسبوع ترجن على البيض ’’’

المشكلة انه الدجاجات الثانية يبيضو في نفس المكان ئلي الدجاجة الراجنه فيه !!

و في دجاجة متسلطة تدخل في العشة وتتهاوش مع الدجاجة الراجنه !!!


المهم هل تقترحو اني اعزل الدجاجة الراجنة بروحها !!!! ؟؟

أو مب مشكلة عادي !!:)

[AHMAD55]

اهلا اختي

الف مبروك والله يتمم على خير

الافضل انك تعزليها بروحها وتحطيلها بيض جديد

واكل وماء

وان شاء الله بعد 21 يوم بيفقس البيض

حطيلها 12 او 13 بيضة بكفي

وما تخلي الدجاج يبيض معاها

بالتوفيق

[bird96]

مبرووووووووك مبروووووووووك الف مليون تريليون مبرووووووك

كم حبيت انه ولو دجاجه وحده ترجن عندي بس ما فيه نصيب

مو مشكله

اخي اعزلها لوحدها وحطلها اكل وماي بس ما اعرف سولافة انه تحط بيض جديد ارجووك استفسر منها و مبروووووك

وأنشاءالله تتم على خير

:freind:

[فراوله بالعسل]

حاولي تعزليها في مكان وسيع

[فراوله بالعسل]

مبروك مبروك
نسيت أبارك قبل شوي

[im-alone]

مبروك اختي ..

و صارت لي نفس المشكله ..

وطبعا بعد استشارة من اختي صمت ..
كان الجواب ..
ان اضع علامات ع البيض .. بالقلم ..

ولما اشوف بيضه جديده اسحبها ...

وشكرا ...


وان شاء الله تشوفين الصيصان يكبرون ..

[βǺĐ ŦỠ ЎỖЏ]

مع كلام الاخ الي فوق

احسن طريق لو اعزلي الدجاجه المكبره لو الي تبيض في نفس المكان

[فهوودي؟]

الف مبروك مقدمآ وعقبال مانسمع ان البيض فقس كله

[دلوعة الرياض]

شكرا لكم كلكم

انزين انا اخاف اعزلها لانها تعصب يوم امد يدي ولا اتقرب منها

طيب عادي اعزل كل الدجاج عنها واحطها بروحها !!


ولا الديك بيزعل !!!

[دلوعة الرياض]

وعلى فكرة ترى الدجاج ما رجن معاي غير لما عملت لهم صندوق كبير وعميق من الداخل بحيث انه صعب تقدر تشوف وشو اللي داخل الصندوق

[سعود عزوز]

وعليكم السلام
الحل اهو انك تبعدين مكان الاكل عن الدجاجه الراجنه علشان مايشهونها وتقوم عن البيض ويفسد
وسوي عشوش كثيره وزبطيها مو تسوين واحد بس
والف الف الف الف الف مبرك