اعضاء قد طال غيابهم !!

[تفاحه حمرا]

السلام عليكم :)
لاحظت انه وايد اعضاء غايبين عن المنتدى بهالفترة .. وحبيت احط الموضوع لسؤال عنهم .. واكيد مابنلاحظ اختفاءهم الا لانه غيابهم شي ملحووظ ونفتقد لمعلوماتهم في التربية والحيوانات كافة:
(الموضوع بيكون شامل عن اعضاء كل قسم في المنتدى)




انا لاحظت غياب الاخوو كروان (http://www.2zoo.com/vb/member.php?u=6472) من قسم البغبغاء

ولاحظت غياب الاخو فايز (http://www.2zoo.com/vb/member.php?u=3245) من قسم هواة الكلاب ...

وفيه كثير من الاعضاء غايبين بس ماذكر الحين .. ولي رجعه بعدين لأظافة نكات باقي الاعضاء الغايبين
واالي يلاحظ غياب اي عضوو اتمنى يتم ذكره فهالموضووع.. عشان الاعضاء يحسون بإهتمامنا ونشوف تواجدهم بالمنتدى بشكل دائم .. ...

ملاحظة :: الموضوع مش لعبه كل واحد يحط أسم اي عضوو وحتى لوكان موجود :D
واتمنى عدم الخروج عن الموضوع او تحويله لشات ..

الموضوع فقط للسؤال عن الاعضاء ومن لديهم معلومات عنهم اتمنى الرد وانه يطمنا ع الاعضاء .. لانه نحن فلمنتدى أسرة وحدة اذا غاب واحد منا اكيد بنسئل عنه .... :)

[ناصـر]

موضوع جداً رائـع , ولا يستغرب من صاحبـــه !!
وشيء جميل أن الاعـزاء يتسألون عن بعضهم ..

وقد تواجهني مُشكله في أن أخوك ( يادوّب ) ..
يتعدى بخطوات قسمين , الاستراحـه والكلاب !! :rolleyes:


وفي أخ عزيز ومولدّ طاقـة قسم الاستراحـه
الاخ ليون .. تشابـه بصفات وأوقات الظهور بالقمر " بكسر الراء " ..


وهذا مايذكُرني حاليا :)


..

[Dominique]

آنا ملاحظة غياب مشرف قسمنا قطو كويتي

صارله مدة يدخل النت بس من بعيد ليبعيد مايشارك ولا شي

مادري شفيه؟

يا جماعة في أحد مزعله أو مضايقه ؟
.
.
.

[punisher]

والله موضوع جدا راااااائع بس اذا في ناس او اعضاء طول غيابهم فأنا منهم

شكرا

[راعي اللولو]

شكرا على الموضوع وصح كلامج يا اختي تفاحه نحن اسره واحده وانا ااقول العضو ((((جميل 2006 ))))كان لايدخل المنتدى لاكثر من 4 شهور والحمد الله رجع لنا :) :)

[سـارة]

مشكورة غاليتي تفاحة على هذا الموضوع الأكثر الرائع..
الذي يدل علي وفائك..(إن شاء الله ماتفقدين غالي)..
وفعلا نحن نحتاج لمثل هذا الموضوع..
فقد تعرفنا -في هذا المنتدى- على الكثير من الأعضاء الرائعين الذين نفتقدهم حاليا:( ..

وليس بالضرورة أن من نفتقدهم هم من كنا نتواصل معهم في المنتدى..
فبعض الأشخاص يملكون بصمة مميزة في المنتدى..
وحتى لو لم نتواصل معهم فسيشعر الجميع عند غيابهم..بافتقاد المنتدى لشئ هام..

و سأذكر بعض من لاحظت أن المنتدى فقد جزء من روحه ورونقه عند غيابهم..

مستر لايون ، قطو كويتي ، عاشقة الطيور ، قطقوطه ، فطوم ، توتي

هؤلاء إلي أذكرهم حاليا وان شاء الله يكون غيابهم لخير..
واعتذر إن كانوا يدخلون وأنا ماأدري..بس لي فترة ماشفتهم.

[تفاحه حمرا]

ناصـر
ولله انا مثلك الاقسام الي ادخلها محدوده .. ولذلك حبيت ان اطرح الموضوع
بشكل يشاركني فيه الاعضاء.. لاني ماعرف الكل..اما بخصوص ليون .. فاليوم
دخل وشارك .. وان شاء الله نشوف تواصله دائماً في المنتدى .. ويسلموو خيوو عالرد

Dominique
انا بعد لاحظت غيابه ..بس قلت يمكن يدخل باوقات مختلفه ..
عالعموم ان شاء الله اخونا قطو كويتي مايكون زعلان من شي ...
وانشووفه جريب... :)

punisher
تفاعل الاعضاء بالموضوع وبالسؤال عن اخوانهم هو الرائع :) .. وليش إنت منهم ؟؟ اتمنى
انه نشووفك دووم ويانا ولاتقطعناا http://www.asmilies.com/smiliespic/jsmilies/004.gif

راعي اللولو
كلامك صح وانا لاحظت غياب الاخو جميل..بس الحين هو يشارك وهذه المطلوب...http://www.asmilies.com/smiliespic/happy/007.gif

سـارة
مشكورة اختي عالكلام الحلوو .. والدعوه لج مثلها ان شاء الله ... وكلامج صح
مب ظروري الي نفقدهم نعرفهم .. ولوكنا نعرفهم كنا نقدر نسئل عنهم بس المشكلة..
انه مانعرف الاعضاء ولهالسبب حطيت موضوعي .. وبخصوص الي ذكرتيهم
مستر ليون = يشارك بس مب بصفه دائمه ..
قطو كويتي = ماعندي فكرة
عاشقة الطيور = انا بعد لاحظت غيابها بس ماعرف السبب
قطقوطه = ماعندي فكره عنها
فطوم = من اول ماشتركت لاحظت انها ماتشارك الحين
توتي = حد علمي انها اتابع المنتدى من بعييد لبعييد وهي شوي مشغووله وهاي دعوه لها انها تشاركنااا مثل قبل واحسن
وتسلمين ع الرد عزيزتي وإنتي بعد لاحظت انج غبتي فترة ورجعتي اتمنى انج ماتعيدينها http://www.asmilies.com/smiliespic/jsmilies/063.gif

[DoMore]

مشكور على الموضوع الرائع بصراحة ومن زمان وانا نفسي اسوي شي زي كذا بس فيك الخير يا تفاحة :)

بصراحه انا فاقد عضو من زماااان والعضو هذا يحمل من الفكر والمعلومات والاسلوب الي يحببنا فية من مواضيعة بس وعلى فكرة العضو هذا انا حبيته لله في لله ولا صار بيني وبينه اي شي او اتصال الله ام عن طريق مواضيعه وردودة واذا قلت لكم اسمه الحين راح تعرفونه كلكم وياليت يا مشرفينا ابو فهد وقناص انكم تبلغونه السلاام اقل شي والعضو هذا هو .... لحن الخلود
وياليت يرجع لنا ان شاء الله
تحياتي

[aimmh]

مشكوره اختي
موضوع رائع مثل صاحبه
اما بالنسبه للعضو قطو كويتي فهو حزين بسبب قطه المفقود
وانا خال صوره قطه في توقيعي عشان الي يشووفه يقوله او يتصل فيه
والف شكر اختي

[قناص]

الله يعطيك الصحة والعافية يا أختي تفاحه حمرا على الموضوع الجميل والمهم

وبالفعل نفتقد كل من كتب موضوع أو سطر أو رد أو كلمة أو كان مجرد مرور أو حتى كانت مجرد زيارة
فكلنا أسرة واحدة . . أسرة تو زوو . . الذي جمع كل محبي ومربي تلك المخلوقات الجميلة

وما شاء الله تم ذكر أسماء كثيرة من الأعضاء لها وزنها ومكانها
وهؤلاء أمتعونا في كتاباتهم ومعلوماتهم الشيقة
ويكفي أنهم من أسرة تو زوو فيعز علينا غيابهم
ولكن لا أرى ذلك غياب بل هي فترة ينشغل بها الانسان ويعود أفضل مما كان

شاكر لك أختي الكريمة تفاحه حمرا وشاكر لكل من شارك في الموضوع وذكر اسم من افتقده

[i love cats]

مشكوووووووره على الموضووووووع الرائع:)
وفي كثيير اعضاء صارلهم غايبيييين مده طوييله وودنا برجعتهم :(

[ماوكلي]

هيه هيه بويه انا نسيتونيه؟شو ما طال غيابيه؟والا تبون الفجه منيه؟الله يسامحج يا تفاحه هيه معلوم انا ماخطف على البال بس كلهم خطفو الا انا الله يسامحج ويسامحكم كلكم:(

[Big Boss]

فعلا والله موضوع جميل الى نتذكر فى الاعضاء و لفته جميله من الاخ تفاحه حمرا
شكرا لك

[مطيري عيونه زرق]

يسلموووووووووووو تفاحه حمرا على الموضوع الحلوو وفيج الخير والله انج تذكرين الاعضاء الي غايبين عن المنتدى وجزاج الله ألف خير :)

[بوفهد]

فعلا موضوع رائع ومجدي جدا جدا

وهذا الامر مهم للغايه لنسأل عن احوال اخواننا واخواتنا الاعضاء من اللذين شاركونا مسيرتنا
ولهم بصماتهم الواضحه في عالم تو زوو

فلك كل الشكر والتقدير يا تفاحه حمرا على هذه الفكره الرائده والرائعه في نفس الوقت

واتمنى التوفيق للجميع

[بو ناصر]

شكرا لكي اختنا تفاحه حمرا فعلا لقد افتقدنا الكثير من الاعضاء وانا شخصيا افتقدت الاخوان
FAWAZ في قسم الببغاوات وعاشق ببغاوات والاخت عاشقة الطيور ايضا

واتمنى لجميع الاعضاء السلامة

[تفاحه حمرا]

DoMore
العفو اخوويه بس انا وحدة مش واحد .. والعضو إلي ذكرته فعلاً غايب ومايشارك .. اانا من يوم دخلت المنتدى ماشفته شارك بموضوع جديد كله ردوده في المواضيع القديمه وان شاء الله يرجع يشاركناا لانه نفتقد لاقلام مثل اقلامه ومواضيع مثل مواضيعه http://smilies.vidahost.com/contrib/corky/corkysm39.gif

aimmh
افا يعني مايشارك لهالسبب.؟:( انزييين الي اعرفه انه قطو كويتي عنده اكثر من قطوو وهالشي مفروض يعطيه دافع انه يشارك ويانا وهذه مش سبب عشان يقطعناا بس ماألومه الواحد الي يفقد شي غالي يعاف الدنيا كلهاا وان شاء الله يتعدى هالمرحلة ونشوفه وياناا http://smilies.vidahost.com/contrib/corky/corkysm9.gif

قناص
الله يعافيك من كل شر .. والغياب له مفاهيم كثيره حتى الواحد يوم ينشغل عن اخوانه ومايطل عليهم يسمى هالشي غياب ونحن يمكن نكون اناانيين شوي لانه نبي الاعضاء يومياً يشاركون ويانا ومانبيهم يقطعون عناا ..وحلو لوالواحد غاب ورجع وشاف ناس تسئل عنه ولهالسبب حطيت الموضوع .. وان شاء الله ماتفقد غالي..شكراً على الرد اخوي:D http://smilies.vidahost.com/contrib/corky/corkysm25.gif

i love cats
العفو اختي وياليت تعطينا نكات الي تشوفينهم غايبين عشان تشاركينا الموضووع .. http://smilies.vidahost.com/contrib/corky/corkysm72.gif

ماوكلي
ولكم باك .... وين هالغيبة اخوي من زمان ماشفنا ردودك ولايوم غابت توتي إنت غبت وياها!! لوول كنت حاطه لستت اعضاء غايبين وانت منهم اكييد لكني نسيت وماتذكرت إلا اثنين .. بس الحمدلله انك ردييت وبلييز لاتقطعنا إنت وتوتي (ان شاء الله توتي تقرا هالرد) وبعديين ليش معصب اخوويه ترى انت ماتشارك وايد عشان جي مب وايد ناس يعرفوونك فشارك عشان تشتهر لوول http://smilies.vidahost.com/kao/otn/bloblaugh1.gif

Big Boss
تسلم اخوي ع الرد بس انا اخت مب اخ http://smilies.vidahost.com/contrib/corky/corkysm85.gif

مطيري عيونه زرق
الله يسلمك من كل شر.. لوول المشكلة ماذكر الكل ولله عشان جي حطيت الموضوع.. صايره هالايام وايد انسى ..وتسلم عالرد :D

بوفهد
يسلموو ع الاطراء اخوي بوفهد وان شاء الله فكرة الموضووع توصل لمبتغاها ونرجع كل الاعضاء لبيتناا الثاني (المنتدى) .. وتسلم عالرد الجميل http://smilies.vidahost.com/contrib/blackeye/GCsmilesilver.gif

بو ناصر
العفو اخويه .. والاعضاء إلي ذكرتهم غايبين ومايشاركون للأسف.. نتمنى رجعتهم لنا في اقرب وقت .. http://smilies.vidahost.com/contrib/corky/corkysm25.gif

[تفاحه حمرا]

الاعضاء الي غايبين في هالفترة

UAE_CONDOR (http://www.2zoo.com/vb/member.php?u=6663)

DA-HunTER (http://www.2zoo.com/vb/member.php?u=497)

Moz3ej (http://www.2zoo.com/vb/member.php?u=1146)

ان شاء الله نشوف مشاركاتهم ويانا وجاري البحث عن البقية http://smilies.vidahost.com/contrib/sally/lol.gif

[الاستاذ]

الف الف شكر تفاحه حمرا على الموضوع المهم ونحن لاننسى اعضائنا الكرام ونتمنى عودة الغائبين وتفاعلهم مع المنتدى ومواضيعهم الرائعه

[فايز]

بااااااااااك لأحلى منتدى وأحلى أعضاء...

صرحه يا تفاحه حمرا أشكرك على مواضيعك الراقيه الجميله وتدل على طيب معدنك الرااقي ,, وفكره رااااااائعه جداً وأشكرك شكر كثثثثثثثثير يا أختي على الفكره والموضوع الرااائع .. وأن شاء الله من غاب عن المنتدى يكون بخير .. وجداً أسعدني هذا الموضوع ألي يربط بين الأعضاء ويخليهم يسألون على بعض وأشكرك للمره الثالثه اختي ولك مني خاااااالص التحيه ..

أما عن الأعضاء ألي قل دخولهم للـ منتدى هذاي لستتي :p

(( {مشرفنا العزيز = بو خالد} , أميقو , بحرين , {فواز = بوفيصل} ))...



ويمال العافيه اختي :):) ...

[تفاحه حمرا]

الاستاذ
لاشكر على واجب اخووي وكلامك صح نحن ننتظر التفاعل والمشاركه من كل الاعضاء ونطلب تواجدهم بيناا دووم :) وتسلم ع الرد والمرور http://smilies.vidahost.com/contrib/corky/corkysm84.gif


فايز
ولكم بااااك اخوويه ونور المنتدى ... ولاشكر على واجب ..
والاعضاء الي ذكرتهم فعلاً غايبين خاصه بوخالد .. واميقو حسب علمي كان مسافر << عندها علوم الاعضاء كلهم لوولhttp://smilies.vidahost.com/kao/otn/bloblaugh1.gif
ولاتقطعنا مرة ثانيه ترى بحط نكك في قائمة المطلوبين :D http://smilies.vidahost.com/contrib/sally/lol.gif

[برتني]

موضوع رائع :)
انا ألاحض غياب الكثير:(
ما ادري اذا هم يدخلون وانا ما أدري بس مشتاقه لهم:o
ومنهم:
قطقوطه :(
قطو كويتي :eek:
رنين القلم:cool:
قهوة مره:)
عسى غيابهم بخير
***برتني***

[the snipr]

مدري مين الغايبين
لاني انا غايب سرلي شهر

الغايب:the snipr

[MrLiOn]

أشكر كل من سأل عني وأحس بغيابي ، أشكر كل من عدني عضواً في تو زو الكبير
أشكر أخي ناصر ، أشكر أختي سـارة ، أشكر أختي تفاحة حمرا على موضوعها ، أشكر أخي قناص على كلمته الجميلة :
وبالفعل نفتقد كل من كتب موضوع أو سطر أو رد أو كلمة أو كان مجرد مرور أو حتى كانت مجرد زيارة
فكلنا أسرة واحدة . . أسرة تو زوو . . الذي جمع كل محبي ومربي تلك المخلوقات الجميلة
وكذلك أشكر جميع الأعضاء الذين ردوا على الموضوع وتساءلوا عن زملائهم الغائبين ، نعم هذا مايميز تو زو عن بقية المنتديات أنك تشعر بالأسرة الواحدة .

واتمنى من الأعضاء عدم الإكتفاء بذكر أسماء الزملاء الغائبين بل يطمئنونا عليهم وعن سبب غيابهم أيضاً . وأما أنا فأعتذر عن الغياب لأسباب الدراسة خارج مدينتي وعدم وجود وسيلة اتصال بالنت .

وشاكر لكم .

[aMoOoNah]

عــاش من شافـــك يـ مستر ليـون
والله لك وحشـــة .. من طول الغيبات جاب الغنايم :)
ان شاء الله تكون بخيـــر :)
المنتدى نووووور بوجـووودكـ

[bloom]

وشكر يا تفاحة على هذا الموضوع الرائع وانا اقو ل في عضوة ما يدخل كثير وهو بدر ^الكويت واخر مرة شفته لما اشتريت منه القطة وارسلته رسالة ولا رد عليها من كم شهر

[MrLiOn]

:eek: أمونه :eek:
حية أنتي ولا أصلة لوووول :D

عاش من شافك والله .. وين هالغيبة أذكرك غايبة من يوم كنت أنا موجود :p
خلينا عاد نشوفك ونتطمن عليك .. ولا تكثيرن الغياب << علم روحك :o

[سـارة]

أشكرك عزيتي تفاحة عالرد الحلو إلي يدل على ذوقك ورقيك..وعـ المعلومات الطيبه:) ..
وغيابي عنكم بالفتره السابقة كان غصبا عني و أتمنى فعلا إنها ماتتكرر:o ..
فأكبر خسارة هي الغياب عن هذا المنتدى الرائع ..وعن ما يميز هذا المنتدى عن غيره..
وهم أحلى و أصدق أعضاء (الله لايحرمنا منكم أحبائي).

ويسلموووووو مستر لايون على إيضاحك الطيب:o ..
وردك المتواضع فنحن لم نفيك حقك بكلماتنا البسيطة..
ونتمنى لك التوفيق في دراستك..ودمت أخي لايون أسدا للمنتدى.وكل الإمتنان لك على مرورك وتعليقك الرائع..
(مو زي بعض الناس;) .. يتغلون:rolleyes: .. ومايعطون وجه للي يسأل عنهم:( )

DoMore
فعلا العضو إلي ذكرته يشكل أهم أحجار بناء هالمنتدى..
وما أتوقع وجود عضو أو زائر دائم للمنتدى -بمختلف اهتماماتهم-تخفى عليه مساهمات العضو المتألق (لحن الخلود)و إبداعاته.

وأخونا (بو خالد) فقدنا مشاركاته و مواضيعه المتميزه ..رغم انه يسجل الدخول بس ما نشوف مشاركاته من فتره طويلة:( .

وأسمحولي أذكر بعض الأعضاء إلي أمتعونا بوجودهم الرائع معنا في المنتدى لفترة محدوده .. ثم افتدهم المنتدى..ونتمنى عودتهم..وهم..

MeRaaa وهي عضوة رائعة عرفناها بمساهماتها الطيبة في المنتدى:o ..وقد تعرفتها أنا خلال تواجدها الطيب..باستراحة الهواة وقسم القطط.

ثم..العضوة خفيفة الدم:D ..الصرييييحه جدا:p ..الرسامة المبدعة:cool: ..
ضمير مستتر;)
وقد أتحفتنا بظرفها ونموذج من رسوماتها الراقية..و كتابات أكثر من رائعه ..
ورأيت تسجيلها لإبداعها في قسم الطيور واستراحة الهواة.

[Jameel2006]

فعلاً موضوع اكثر من رائع
واناانقطعت لفترة وقد اثلج صدري
سؤال بعض الاعضاء عني وارسالهم على الخاص للاطمئنان علي

وعلى رأسهم كاتبة الموضوع الغالية تفاحه حمرا

والابن العزيز راعي اللولو

وانا افتقد حالياً بعض الاعضاء وهم

الغالي لحن الخلود

والرائعة فطوم

وعضو عزيزعلي انقطع من فترة طويلة ونفسي اطمئن عليه وهو الغالي

دارك بتبول
ياريت لو احد من الاعضاء يعرف عنه اي شي يطمنا
وشكرا لكي ياتفاحه على الفكرة الرائعة هذي

[Mr. MeMo]

موضوع جبار و خطير

اشكرك تفاحه حمرا على هذا الموضوع الذي
يشعر الشخص و كأنه في اسره واحده

و بالفعل هنالك اعضاء كثر اثروا المنتدي بالمواضيع
و افادوا الاعضاء بردودهم و لكنهم فجاءه و بدون سابق
انذار اختفو عن الانظار

اتمنى من كل قلبي ان نطمئن عليهم او ان يطمنى احد
الاعضاء عنهم فنحن نكن لهم كل الحب و التقدير

و ها هي بوادر هذا الموضوع تظهر على الساحه فقد
عادو بعض الاعضاء ( على الطاري ) و الطيب عند ذكره

و اتمنى ان يعود الجميع و تكتمل اسرتنا و تكبر يوم بعد يوم

[فايز]

الحمد لله على سلامت الجميع ومن الناس ألي ماشوف بل منتدى الأخو (( pitbull-lover ))

[فارس مجهول]

مشكوووره تفاحه على المضوع
انا ملاحظ غياب لحن الخلود والاخ كنق باروت
وسامحوني إذا نسيت أحد

[ناصـر]

في أخ عزيـز المكانـه لديّ
والقـلب والعيـن تعباً بـ سؤال عنـه

ودائـم جميـله مواضيـعه
من ناحيـة اللطافـة والظرافـة ..

هو العـزيـــز دي هانـتر
واتمنى لـه السعادة والخير الدائم ..


..

[تفاحه حمرا]

مشكورين اخوااني ع الردود الي تثلج الصدر :) وتسلموون ع الاهتمام ولله .. وان شاء الله الموضووع يشجع الاعضاء الغايبين في الرجووع والمشاركه بينا...

وافتقدنا اخوي \اختي broodes (http://www.2zoo.com/vb/member.php?u=6659)

اختيوتوتي (http://www.2zoo.com/vb/member.php?u=1404)

[مطيري عيونه زرق]

وفي بعد شخص ماقام يدخل وعسى المانع خير واهي



بنتالبحرين

[عاشقة الطيور]

شكرا أختي تفاحة حمرا على الموضوع وعلى السؤال:)
وانا الحمدلله بخير ..غبت فترة قصيرة بسبب الدراسه
ماجذب عليكم وانكر هالشي..
(( والله كل شي وحشني بـ هالمنتدى ))
شكرا مرة ثانيه اختي تفاحة حمرا ..يعطيج العافية^^

[DA-HunTER]

مشكورة تفاحة على الموضوع و على السؤال و مشكور نصور بعد.

و الله الغيبة مب بارادتنا, اول شي يالسين نسويلكم مطار دبي الجديد و لازم يخلص بعد 8 أشهر يعني شغل دوس, و ثاني شي اجهز لمزرعة كلاب فراس الخيمة انشالله, و انشالله بنراويكم ياها يوم تخلص بس بتاخذ وقت لان لكلاب بتكون من احسن مستوى و انشالله يا ناصر الولف دوق بيكون بينهم :) <----مب دعاية :D و انشالله نرد عقب للمنتدى و الناس الطيبة و الخير بالموجودين.


بس انا الصراحة مفتقد اخونا لحن الخلود الصراحة كان ضايف نكهة خاصة للمنتدى خاصة قسم الكلاب, و الله يوفقه وين ما يكون

[ناصـر]

مشكورة تفاحة على الموضوع و على السؤال و مشكور نصور بعد.

و الله الغيبة مب بارادتنا, اول شي يالسين نسويلكم مطار دبي الجديد و لازم يخلص بعد 8 أشهر يعني شغل دوس, و ثاني شي اجهز لمزرعة كلاب فراس الخيمة انشالله, و انشالله بنراويكم ياها يوم تخلص بس بتاخذ وقت لان لكلاب بتكون من احسن مستوى و انشالله يا ناصر الولف دوق بيكون بينهم :) <----مب دعاية :D و انشالله نرد عقب للمنتدى و الناس الطيبة و الخير بالموجودين.


بس انا الصراحة مفتقد اخونا لحن الخلود الصراحة كان ضايف نكهة خاصة للمنتدى خاصة قسم الكلاب, و الله يوفقه وين ما يكون

هلا بـ من عزّ مقدراهـ وغلاهُ

ياعزيزي , كُلي دعوات لك وللجميع بالتوفيــق والنجاح

وبـما خـص بالمزرعــة أقول لها لك بالعاميــة البحــته !!
ببيـتين من القلـَب للقلــب

يابعـديّ عسى خطاك بالدروب موفقـه .. وعسى المحبــه دوم بالمشاعر سميـّه
وأن شاء الله رجعوك للمنتدى مسـهله .. والقدر بالقلـب والعيــن للقياك متأملـه


: )

..