موضوع لا يحتمل التأجيييل بسرعه بلييييييز حالا

[7mamah]

السلام عليكم ورحمة الله وبركاته




اعتقد فرخي الكاسكو فيه ديدان لانه عنده اسهال مع انه ياكل وكانت صحته زينه وكنت اعطيه دوا من عند البيطري لمدة 5 ايام عن الاسهال بس الاسهال ما راح

وانا قلت فيه ديدان لانه من غير الاسهال عظمة الصدر بارزه واليوم ما ياكل مثل قبل

والحين ماكل من اكثر من 6 ساعات ومب راضي ياكل الحين شوو اسوي

عندي دوا الديدان لكن كم اغره ؟؟؟؟؟؟؟

انا قبل البيطري قال لي لطيوري اللي قبل احط نص ملعقة في نص لتر ماء واحطه في المشربية والطيور تشرب

لكن هذا فرخ ما ياكل بروحه كم اغره من الدوا


بلييييييز بسرعه اخاااف ما الحق علييييييه

[7mamah]

الله كريم :(

[elnoon]

الله يشفيه يارب ويحفظه لج

ماعرف للفروخ حبوبه لكن حاولي تأكلينه انتي باي طريقه المهم ياكل

بالنسبه للديدان انا مكانج ماراح اغامر مع فرخ واعطيه دوا بدون وصفه وانا مب متأكده

الافضل تاخذين عينه من فضلاته وانتي بكرامه وتخلين البيطري يفحصها في المختبر

حبوبه الفرخ لازم ياكل كل ثلاث ساعات حسب معلوماتي المتواضعه .. وست ساعات وايد عليه

حاولي تاكلينه .. اهرسي جزر او بطاط وعطيه

الله يشفيه حبوبه .. حاولي تودينه لبيطري ثاني جربي بالنوادر اختي

[7mamah]

بس اللي اعرفه انه من 3 الى 4 مرات فاليوم ياكل فانا خليته كل 6 ساعات :(

[حماني العوفي]

اختي اكليه حته لو بلقصب ولاتعطينه شي ماقال لج عنه الطيبيب اكليه بلقصب او وديه الطبيب بسرعه

[ام ماجد]

لا ليش كل 6 ساعات يهلك :( كل ثلاث وبعد يجوع

[خالد84]

انا طيري في نفس الشي بس ما قالي الدكتور ان في ديدان المهم حاولي تعطينه بطاط مفيوح بدون ملح طبعا وبدل الماي حطي له شاي من غير سكر طبعا وان شالله يروح الاسهال منه وهذا الي حصل مع طيري بس هم ارجع واقوووول وديه لبيطري يعطيه العلاج المناسب افضل شي لن الدكتور افهم بحالت الطير اكثر مني ومنك وشكرا

[7mamah]

تسلموووون والله على ردودكم

انا اليوم بديت اكله كل 3 ساعات بس بالغصب ياكل شوي وبعدين يعطيني ظهره

وبعد يحب ياكل الخضار المقطعه المجمدة احطها فماي ساخن لين تصير دافيه واعطيه ياكل شوي منه واكل اليوم شوي الحمدلله والحين اعطيته شوي سيريلاك وقاعد ياكل من الخضار

لكن حاله مب عاجبني وان شاء الله بكره من الصبح انا عند البيطري

بس اخوي خالد طيري فرخ عادي اعطيه شاي ؟؟


بس عندي سؤال اخواني يعني طول الـ 24 ساعه لازم اكله كل 3 ساعات يعني بالليل صعب !!!

خبروني الطريقة الصحيحه لاكله :(


ويزاكم الله كل خييير

[elnoon]

وبعد يحب ياكل الخضار المقطعه المجمدة احطها فماي ساخن لين تصير دافيه واعطيه ياكل شوي منه



طيرج اقل عن ثلاث شهور اذا ماخانتني الذاكره .. اعتقد يحتاج تهرسين هالخضره

والافضل تاخذين خضار فرش جزر مثلا تسلقينه وتهرسينه ولما يبرد تغرينه




بس عندي سؤال اخواني يعني طول الـ 24 ساعه لازم اكله كل 3 ساعات يعني بالليل صعب !!!



لازم بالليل ^.^
وتربيه الفروخ جدا تعب !!
كل ما كبر الطير كل ما باعدتي بين فترات الاكل
الفرخ اللي توه فاقص يحتاج غر كل ساعتين .. حتى لو نص الليل ,, بالضبط مثل احتياجات طفل
وانتي طيرج الحين كل ثلاث ساعات لازم لازم تغرينه


تفضلي اختي:

مقطع من يوتيوب خاص بــ المنتدى

http://www.youtube.com/watch?v=UPN0QzTkOro

موضوع عن تربية الفروخ من المنتدى

http://www.2zoo.com/vb/showthread.php?t=93972


طمنينا على الطير حبوبه
^^

[7mamah]

تسلميييييين والله

الطير اليوم احسن الحمدلله ^_^

وللعلم الطير عمره 4 شهور تقريبا مب صغير بس الصوره اللي حطيتها قبل مبين وايد صغير

يعني يمكن يكون اقل من 4 شهور بشوي

حتى عينه بدت تصير رماديه شوي


يزاااج الله خييير يالغاليه على متابعة موضوعي ^_^