وووووووين الخبراء ؟

[النبض الجديد]

السلام عليكم ورحمة الله
انا عندي رمادي عمره سنه وبداية كلام
عنده حركه غريبه اريد اعرف ليه يعملها ؟
اكون عنده في الغرفه ولمن اطلع يصفر ومره اكون برا البيت ولمن ارجع ويشوفني دخلت البيت يصفر ودي اعرف ليه يعمل كذا ؟
وعندي سؤال لمن امسح على ظهر الرمادي يحاول يبتعد عن يدي :confused: واما لمن احك راسه لا ينبسط :D ايش اسوي احاول امسح عليه بلقوه لانه عنيد علشان يبطل يشرد عن يدي :o مع العلم انه يطلع على اليد والكتف ؟؟؟؟؟
وكيف اخليه اليف معايه اكثر ؟:confused: :confused:

[HAZZA3O]

ياخوي بالنسبه للتصفير اعتقد انه يرحب بك او يحاول يلفت انتباهك او انه مبسوط

اما يوم مايخليك تمسح ظهره ها شي طبيعي

اصبر عليه لين يتعود عليك وحاول انك تأكله من ايدك وانت حط له الماي والاكل

وهذا الي عندي :) والله يخلي طيرك لك

[كاسكو البحرين]

السؤال الأول: هذا حب الطير لك يدفعه للتعبير عن نفسه وكأنة يرحب فيك ويقولك هلا بالشيخ :D
عموماً الطيور لها لغة التغريد لكي تعبر عن مدى سعادتها لمربيها ومدى ارتياحها للمكان ، بمعنى آخر نقدر نقول الطير يفرح من يجوفك وبالعكس اذا قلنا يجعر وينفر من يجوفك هذا دليل الإنزعاج
سلوك جيد للطير ومبروك :D

وبالنسبة الى المسح على الظهر انا انصحك واكرر عليك ونبهك يا النبض الجديد :D
الملاحظة الاولى كانت تعبير وفرحة الطير لما يشاهدك ، لا تهدم هذه العلاقة عشان بس اتريد تمسح فوق ظهره ، الطير مع مرور الوقت ان شاء الله وبمعاملتك اللطيفة راح يخليك تمسح على كيفك مو بس في ظهره حتى تقدر تطلع عينه بره بيدك :D

اتغشمر معاك مو تسويها :D

الكاسكو يا النبض الجديد يحب المداعبه وبالأخص المسح على الرأس والمنقار وخاصة منطقة الاذن
جوف معاي هالطير وصاحبه كيف يداعب اذنه

http://www.9q9q.org/index.php?image=sBHrSqda8NOLOK

رايح عالم ثاني ما شاء الله عليه ولايدري شو الصاير :p

اجدد نصيحتي لك فلا تستعجل على المسح وحاول انك تكون مدرج نوعاً ما تبدأ من اصابع الأرجل الى الفخذين الى الصدر ومن ثم الاذن مع الرأس والمنقار وحاول اشوي اشوي تمسح على ظهره بحث تكون متسلل والحكم مايجوف(:cool: )

وصدقني بعد التعامل الحلو هذا وكثر ان الطير يوقف على يدك وأكله من يدك كثير ويتكلم معاه قدر المستطاع ومثل ما قلت لك راح توصل لدرجة الألفة 100% ولكن بالصبر وترك العصبية والصراخ منك وتخاذ طريقة الهدوئ والتروي،ستصل ان شاء الله الى مرادك وتمسك اي منطقة في جسم الطير

لاحظ الصورة ، واذا اتريد توصل الى هذ المرحله فصبر والصبر مفتاح الفرج

http://www.9q9q.org/index.php?image=4msPrOifeDEBxT

امنياتي لك بالتوفيق

كاسكو البحرين

[Mr. MeMo]

بالفعل التقرب و الصبر مع الببغاوات
يكسب الببغاء الثقه في صاحبه

و مع الوقت سوف تراى الفرق ان شاء الله

و اليك هذه الصوره الخاصه بي

]http://www.9q9q.org/index.php?image=6nt9b7NlJBB6A6 (http://www.9q9q.org/index.php?image=mNlJhFTTqB8)

و اتمنى لك التوفيق

[النبض الجديد]

مشكور اخي HAZZA3O على الرد
يعطيك العافيه اخي كاسيكو البحرين وراح انفذ الي قلتلي عليه وراح اصبر على الطير وان شاء الله اوفيكم بكل جديد
يسلمووووووو Mr. MeMo على الرد ومشكور على الصوره

[متوتان]

اي والله حتى انا اعاني مشكلتي مع الدرة من تشوفني داخلة او طالعه وحتى بس من تسمع صوتي انا بالذات تصرخ عالي والله لا وشي محير فيها انها ماتقبل يد ثانية تمسح عليها لازم تعضها اما انا فعادي عندها يعني شي رهيييب ومو معقول بدرتي فديتها هل هذا دليل محبة لي او شنو بالضبط
:D سبحلنك ياربي تحبني هالكثر :D

ان شاء الله تلقى لك حل اخوي ومثل ماقالولك الاخوان بالتروي وكلمها باسلون فيه حنية وبهددددددوء تام وان شاء الله تتعود اكثر عليك
تحيتي لك
اختك متوتان :)

[العجيب]

زي ما قال الأخ كاسكو البحرين
الصبر الصبر
ممكن تاخذ وقت طوييييييييييييل عبال ما يسمحلك الببغاء تمسح على ظهره لأنها منطقة حساسة بالنسبة للببغاء