لأصحاب الـــــــــــــ ...

[أبو شرف]

السلام عليكم ورحمة الله وبركاته وبعد
صديقي عنده فقاسة اتوماتيكة و يقول باقي خمس ايام وتفقس الطيور وهو يسالني وش اسوي وش اسوي و انا قلتله راح اسالك ناس اعرفهم وراح ارد لك خبر فا بالله ساعدوني لاني واعد الاخو وتكفون و السلام عليكم

[صمت الأمل]

وعليكم السلام ورحمة اللهـ وبركاتهـ .


أهلا وسهلا فيكـ .. :)


نقلت سؤالكـ لقسم سؤال وجواب ,, وهو القسم الصحيح للأسألهـ . :freind:


ماشاء اللهـ تباركـ اللهـ ,, اللهـ يوفقهـ بالتفقيس ان شاء اللهـ .


هل هو جرب التفقيس من قبل ؟؟ اذا لأ ,,


قول لهـ في آخر 3 أيام يتوقف عن تقليب البيض ,, أو يطفي زر التقليب الأوتوماتيكي .


وأيضا يرفع نسبة الرطوبهـ بإضافة صحن صغير آخر من الماء .


اذا بدأ البيض بالتفقيس يتركهم ولا يساعدهم , فقط يراقبهم .


بعد 8 ساعات من بدء التفقيس وماقدر الكتكوت يكسر البيضهـ بنفسهـ ,, يقدر يتدخل ويساعدهم بشيء بسيط !!


اما اذا فيهـ حركهـ واضحهـ ويرتاح الكتكوت 10 دقائق ويكمل التكسير ,, فكل الأمور طبيعيهـ ويتركهم .


اذا فقس البيض والحمدللهـ كل الأمور تمام ,, ويقدر يتركـ الفراخ بداخل الفقاسهـ فيفضل يتركهم فيها .


تقريبا 12 ساعهـ أو حتى يلاحظ عليهم انهم صارو يمشون صح وانتفش ريشهم ونشف من السوائل .


اذا عندهـ حاضنهـ يتركهم فيها وما يطعمهم أو يشربهم اي شيء الا بعد مرور 24 ساعهـ .. حتى يعطي فرصهـ للجهاز الهضمي للصوص بإمتصاص بقايا الصفار المخزن بجسمهـ .


بعدها يعطيهم اما ذرة مطحونهـ أو رز مسلوق بدون ملح أو بهار , أيضا بعض الحبوب الصغيرهـ واذا يقدر يضيف عندهم تراب نظيف فيكون أفضل حتى يتعودو عليهـ أو يطلعهم فترات بسيطهـ بالحوش أو مكان فيهـ تراب وشمس .


بعدها بيومين يقدر ينوع لهم أكثر بإعطائهم ورقيات وخضار مقطعهـ تقطيع صغير ومناسب لحجمهم ,, ايضا مكرونه أو شعيريهـ مسلوقهـ وتكون مكسرهـ تكسير صغير .


وأهم نقطهـ هو صحن الماء ,, لازم يعطيهم لماء بصحن غير عميق عليهم ., ويضع فيهـ بعض الصخور أو الحصى حتى يمنع انقلاب الصحن عليهم .


اذا صديقكـ مايعرف الحاضنهـ ,, هي صندوق أو قفص وفيها مصباح حراري يدفأهم من برد الليل لأن اجسامهم صغيرهـ وضعيفهـ وحساسهـ في اول اسبوعين .


هذا أهم شيء وتقريبا كل شيء في مرحلة التفقيس ..


والأشياء الإضافيهـ هو انهـ يعطيهم التلقيح ,, يقدر يراجع البيطري ويستشيرهـ في أهم التلقيحات اللازمهـ .


اي سؤال آخر أو نقطهـ غير واضحهـ ,, اتفضل بطرحها .


وبإذن اللهـ نفيدكـ أكثر .


بالتوفيق .

[سعودي2]

افاتدك صمت الامل
ولو يروح البيطري ويعطيه فيتمينات لهم يكون زين

[الخبراء]

يا الغالي

كم درجه رطوبه الفقاسه اذا من 50 الى 60 درجه عندي ممتازه

ام التقليب يفضل انه توقف التقليب و اذا ما وقف التقليب ما فيه اي مشكله بس ينزل البيض با الرف التحتي ( اذا البيض على دفعات ينزل البيض تحت ) علشان ما تلاقطه المروحه


و خلال اول اربع وعشرين ساعه حط لهم مويه و سكر او عسل على حسب الموجود ( اخلط الماء مع السكر ) جرعه عاديه لا يكثر

و بعده يحطهم با غرفه و اللمبه شغاله 24 ساعه و يطفيه ساعه او ساعتين الظهر و بعده شغاله على طول اليوم

و الله يوفقه ان شاء الله
اي استفسارات اخر ان شاء الله الشباب ما يقصرون معك

[أبو شرف]

السلام عليكم
كلمته اليوم وقلي لازم احط حاضنة
يقول يبي يحطها زي صيصان الدجاج المفقسة عن طريق الرقاد اي رقود الدجاجة على البيض

[الخبراء]

البيض كم العدد كتير او شوي ( شي في نفسي)

ام انه يبي يحطهم با حاضنه ما فهمت ليه يبي يطلعهم با حاضنه و الفقاسه موجوده

اتكلم عن نفسي اذا شفت البيض بداء يتكسر و الصوص يبغا يطلع الصوص نزلت كل البيض المكسر تحت با الشبك و خليتهم 24 ساعه ما عندهم غير الماء ( با السكر ) و بعده اطلعهم للشبك و اللمبه شغاله 22 ساعه با اليوم

و ان شاء الله با انزل صور لطريقتي با التعامل مع الصوص من يوم احطه با الفقاسه الين اطلعه من الفقاسه بس الله اعلم متا يوم او اسبوع او سنه اصير نزلته

[سعود عزوز]

وعليكم السلام
اللي اعرفه ان الكتكوت يموت اذا احد ساعده يطلع من البيضه قول له لا يلمس البيض