تسجيل الدخول

مشاهدة النسخة كاملة : الحقوا علي بسرعه اللتينو تدهورت صحتها مابيها تموت :(

مدربة مبتدئة
13-03-2011, 03:19 PM
مراااااااحب


الحقوا علي عصفورتي تعبانه اول ماصحيت من النوم حصلتها تتنفس بسرعه وقلبها يخفق بسرعه


ومالها حيل تتحرك ومنهده على الاخر ورجلها لونها احمر شوي مع ان اول كان لونها وردي :(


شربتها ماي عرضتها للهوى مافيه فايده قلبت فيها ماعرف كيف اتصرف معها


ساعدوني مابيها تموت :( :(


اذا عندكم رقم بيطري بالخبر عطوني اياه بسرعه ممكن يساعدني


عاااااااااااااااااااااجل
..{ Ė๓ǻ
13-03-2011, 03:26 PM
اتوقع هذي اعراض ضيق التنفس حصل لي زي كذآ مع كروآنتي اللوتينو وقعدت 3 آيآم ومآتت


بس اذا تآكدتي ان مرض طيرك هو ضيق التنفس فـ علاجه التايـلآن

الله يشفيه يآرب
مدربة مبتدئة
13-03-2011, 03:31 PM
شكلها بس وشو التايلان ؟؟


وضحوا العلاج امانه ماني خبيره بالعلاجات
كاسيكو جديد
13-03-2011, 03:39 PM
روحي اي بيطري والحقي على كروانك تقعدين تنتظرين بتعرض حيات طيرك للخطر
مدربة مبتدئة
13-03-2011, 03:45 PM
اخوي كاسيكو انا بنت واهلي ماهم من النوع الي يسمح للبنت تطلع ولا شي


حتى لو كلمت اهلي بيقولون عادي خليها تموت ونشتري غيرها :(


بالله عليك ساعدني زودني باي رقم اي شي
مدربة مبتدئة
13-03-2011, 03:48 PM
ابي علااااااااااااج بسرعه


مايصلح اعطيها زنجبيل ؟؟ لاني سمعت انه يوسع الشعاب الهوائيه


بالله احد يساعدني
..{ Ė๓ǻ
13-03-2011, 04:21 PM
حبيبتي لاتروحي للبيآطره ترى والله آبد مآيعرفوآ للطيــور

ممكـن اعرآض المرض يآقلبي ؟

وآن شآء الله آنآ الي بسآعدك
لؤلؤه المحيط
13-03-2011, 05:20 PM
اضطرابات الجهاز الهضمي
اذا لاحظت ان مخلفات الكوكاتيل سائله او لها لون غير طبيعي
او مختلطة بالدم فقد يرجع ذلك الى وجود التهاب في الامعاء
وقد يكون السبب ذلك التغير المفاجئ في الغذاء الذي يتناوله الببغاء .
واذا كانت الحاله غير متأخره يمكن علاجها
فقط عن طريق آعادة تناول الحبوب العادية .مرة أخرى .
اما الاسهال الحاد فيأتي نتيجة الإصابة بعدوى او التهاب وقد
يطلب عمل بعض التحاليل لفضلات الببغاء لتحديد السبب .
وعادة ما يعطي الببغاء في هذه الحالة .
مضادات حيويه في شكل حبوب لتطهير الامعاء .
من الاتهابات البكتيريه .كما يمكن ايضا وضع .
دواء اسمه بروبيوتك في الماء الذي يشربه الكوكاتيل لإعادة تكوين البكتيريا النافعة في امعاء الكوكتيل والتي قد تكون تضررت بفعل المضادات الحيويه التي اخذها .
ويمكن ان تسبب ايضا الديدان الطفيليه مثل الدوده
الشريطيه والدوده الدائريه في الاسهال والتعب الشديد
وعندما تظهر هذه الديدان في التحاليل ويصف الطبيب البيطري
بعض الادويه السائلة كعلاج لها .

اضطراب الجهاز التنفسي
على الرغم من ان مشاكل الجهاز التنفسي قد تظهر في شكل اعراض بسيطه .
يصاب بها الكوكاتيل . فخطورتها تكمن في امكانيه انتقال العدوى للانسان
مما يؤدي الى اصابته بالتهابات حادة في الرئه . ولحسن الحظ . لا يشع هذا المرض
الا في الطيور التي يتم استرادها حديثا . لذلك من النادر اكتشاف هذا المرض
في ببغاء الكوكاتيل . وينتج عن اضطرابات الجهاز
التنفسي اصابة الكوكاتيل بصعوبة . في التنفس . وخروج بعض الافرازات من الانف
بالضافه الى تنفس بصوت عال ويكون من الضروري في تلك الحالة استشار الطبيب
البيطري على وجهة السرعه لوصف العلاج المناسب .


وانا بنصحك توديه بيطري سريعااااا ً ً...
مدربة مبتدئة
13-03-2011, 05:32 PM
ياعرب مافيه عندنا دكاتره بيطاره هنا بالخبر


اعرضاها انها منهد حيلها وماتعرف تتنفس وجسمها يرتجف وتعرج وماتقدر تتحرك عدل


واغلب وقتها متمدده ومالها حيل


وجالسه تعض فيني وهي مالها حيل تتحرك ,,, وجسمها كله يرتجف وتتفس بسرعة


وعيونها مغمضه اكثر الوقت ولون رجلينها صار احمر وهو اصلا كان زهري فاتح


وماتقدر تاكل وترفض الشرب ونفسيتها قافله على االاخر


كلمت ابوي عن الدوا قال مايعرف وين يبيعونه وطنشني :(


وعطاني مضاد حيوي للطيور الكبيره بس خففت منه مع المويه لونه احمر


جد جد اي احد بالخبر ممكن يوصل لي الدواء التايلان للبيت :(


بالله لاتبخلون علي اخاف تموت علي جد احبها :(
..{ Ė๓ǻ
13-03-2011, 05:36 PM
آهآ
يآقلبي والله نفس اعرآض كروآنتي بالضبــط ومآلهآ الا التآيلآن تلقيه في محلات البيآطره او محلات الطيور
يآقلبي حآولي تسرعي اكثــر , قبل مآيسير عليهآ شي لا سمح الله

الله يشفيهآ يارب
مدربة مبتدئة
13-03-2011, 05:40 PM
ياجماعه العصفور صارت ترفع راسها فوق وتنزله


:(
مدربة مبتدئة
13-03-2011, 05:46 PM
ايما


ماقدر والله اهلي ماهم متعاونين معي اكلمهم طناااااااش


يقولون خليها تموت :(


والله ماعرف اماكن بيع الادويه حتى الطيور للاسف


عطيتها مضاد حيوي لاكن نوع مختلف للطيور الكبيره بودره احمر


حاولت بالي اقدر عليه بس للاسف شكله مايفيد معها


وقبل شوي شيكت عليها القاها ترفع راسها فوق وتنزله وترتجف اكثر :(


اخاف تنازع روحها :(
مدربة مبتدئة
13-03-2011, 06:07 PM
ممكن احد يعطين رقم محل ادويه او بيع طيور ؟؟


ابي الحق عليها بسرررررعه شكلها مازالت تتحمل مابيها تتعب اكثر


لاتتأخرون علي بسرعه ابي ارقام
..{ Ė๓ǻ
13-03-2011, 06:31 PM
يآقلبي عليـهآ
اتوقـع آنهآ تحتـضر :(
يآقلبي هالمرض مشكلته مآيبين الا آخر يوم ومآينفع فيه دوآء لان الكروآن يكون مآيتقبل اي شـي :(

قلبي كلنآ عشنآ هاللحظآت , بكره او اليوم روحي اشتري لك ببغاء كبير يووونسك او كروآآآن ثآآني وآحرصي ان تكون صحته جيـده ومآفي اي مرض ومآيكون صغير مره بالعمر ولا كبير مره بالعمر ,, يعني عمره مآبين 7 شهور الى سنتين
..{ Ė๓ǻ
13-03-2011, 06:31 PM
قلبي وش صآر طمنيني ؟
..{ Ė๓ǻ
13-03-2011, 06:39 PM
http://www.2zoo.com/vb/showthread.php?t=66594&highlight=%C7%E1%CA%C7%ED%E1%C7%E4


شوفي يآقلبي هالموضوع
هذا المرض هــو مرض طيركِ وطيري
..{ Ė๓ǻ
13-03-2011, 06:42 PM
حبيبتي الذكر الي معآهآ عآيش ؟
آذآ آيه افصليه عشآن مآيمرض هو الثآني بس انتبهي لاتزعجين الانثى ولا تلمسينهآ
مدربة مبتدئة
13-03-2011, 06:58 PM
هلا


مدري خليتها بالغرفه ماودي ااشوفها تموت قدامي :(


امنا بالله وش حيلي مافي يدي شي اسويه


ايوالله صرت احس انهم كلهم فيهم نفس المرض ومعها ذكر وهي وزوجها صغار


وتوهم اول انتاج جابو 4 بيضات ماهي ملقحه للاسف


لهم سنه كامله ونص معي ويعز علي انها تموت قدام عيني وماقدر اسوي لها شي


اللهم اجرني في مصيبتي واخلفني خيرا منها يارب
مدربة مبتدئة
13-03-2011, 07:07 PM
اي حبيبتي دخلت هالموضوع


علشان كنت ابحث عن الدواء وقريته واستفدت بس بروض لازم تحصل على الدوى


لاني احس ان الي معها جاهم نفس المرض :(


يعطيك العافيه مماقصرتي حبيبتي والله يجزاك الف خير ووبيض الله وجهك


لاكني حاليا ابحث عن عيادات البيطره او الادويه حتى احصل عليه واعلجهم


للاسف ماعندي خبر عن العيدات البيطريه بالخبر فا ابحث حاليا عن ارقام او عناوين لهم


الى الان ماحصلت شي
..{ Ė๓ǻ
13-03-2011, 07:24 PM
يآقلبي انتي
لاتضيقي ترى والله فيه احسن منهآ بمليون مره
والله لو اعرف مكآنكِ كآن جبت لك الدوآء :( ومعآه كروآن بعــد :(
يآقلبي الله يسعدك يآآآرب والله يعوضك احسن منهآ وآن شآء الله تنشفي وش درآك ؟ يمكن تجين بعد شوي تلقينهآ تلعب مآفيهآ شي



وآنآ ياقلبي قعدت ادور لك محلات بالخبر ومآلقيت , لقيت بالشرقيه والدمآم بس الخبـر لآ :(


قلبي روحي شوفيهآ ؟ بس شوفيهآ وآرجعي يمكــن صآر فيهآ شي لاسمح الله
مدربة مبتدئة
13-03-2011, 07:54 PM
جزاك الله الف خير بس مالي حيل اطلع فوق :(


بروح اشوف وعساني اشوفها بصحه افضل اما والله اذا شفتها على حالتها ياعزي لها


مابيدي شي :(


وماهي سالفه غيرها ولا ازين منها السالفه عشره عمر معاي كل ماصحى اشوفها بوجهي


على مدى سنه و 3 شهور وبين يوم وليله تموت :(


الله يستر الان بطلع لها
مدربة مبتدئة
13-03-2011, 08:08 PM
:(:(:(:(:(:(


زادت حالتها ورجلها صارت زرقا مت من القهر يوم شفتها كذا ومافي يدي حيله


بخليها تموت براحتها مافيني حيل اشوفها تموت قدامي


الله يصبرني على فراقها
الطائــر الغامــض
13-03-2011, 10:46 PM
..:: اللهـ يشفيهــاا وانــ شــاءاللهـ مــاا تمــووت !! ليــش الإستسلــاامــ !! أنــاا بعطيــكـ إجرائــاات وأتمنــى تســوويهــاا !! ::..

..:: أوولاً تأكــدي مــن أنــوو القفــص نضيــف تمامــااً ولازمــ تشيليــهـ بالكاامــل وتنضفيــهـ عــدل !! ::..

..:: وبعديــن إذاا كاانــت تشــرب وتااكــل ضعــي لهــاا حبــووب كثيـــــرهـ وضعــي لهــاا ميــااهـ نقيــهـ بهــاا خلطــة الثــووم باللمــوون ::..

..:: وفــي جــوو حلــوو ماافيــهـ نسمــاات بــروودهـ أوو حــراارهـ ( العصـر تقريبــأاً ) طلعيهــاا تتهــووى بــراا ( فــي الحــووش أوو السطــح ) ::..

..:: هــذاا اللــي عنــدي ولــوو تحــاوولــي توديهــاا بيطــري يــآريــت بســــــــــــررعــهـ عشــاان تــااخــذي الــدوواء المنااســب لهــاا !! ::..

..:: تحيـــــــــــــــــــــــــااتي لكــ ::..
mhd_ramy
14-03-2011, 11:48 AM
نسأل الله تعالى لها الشفاء، وإن شاء الله رب العالمين يصبرك وينجي الطائر إنه على كل شيء قدير
لؤلؤه المحيط
14-03-2011, 12:45 PM
:(:(:(:(:(:(:(:(:(:(:(:(:(:(:(:(:(:(:(
قطعتلي قلبي كروانتك الله يشفيها يااا رب ...
والله انا لما اقرا ردودك قلبي يوجعني عليهااا كثييرررر:(:(:(
الله ينجيهاااا نسأل الله تعالى لها الشفاء ... أأأميييين
وياااا رييييييييت تردي علينا وتطمنينها عنها اليوم...
انشالله تكوون باحلا صحه وبخييير:(:(
..{ Ė๓ǻ
14-03-2011, 02:29 PM
طمنيني عليهآ ؟!
مدربة مبتدئة
14-03-2011, 04:45 PM
جزاكم الله الف خير على تفاعلكم

لكن الكروانه توفت اليوم الساعه 10 صباحا

امس ماعرفت انام جالسه ابكي من القهر

للاسف ماكان بيدي شي حاولت مع اهلي يودوني البيطري يعالجها طنشوني بعذر ان العياده بالدمام :(

بس هاذي جزاتي لاني اهملتهم لمده شهرين بدون مراقبه ولا تنظيف :(

بس الخوف من الذكر الحزين والجوز الباقيين

الجوز الثاني والذكر وانتوا بكرامه صار يسهلون واخاف انهم انعدوا منها

اليوم حممتهم وغيرت القفص وعقمته وعقمت اوعيه الاكل

ياليت الي عنده وصفات غذائيه يكتبها لي بالتفصيل ومقاديرها سهله وتتوفر بالبقاله او البيت

بنتظاركم احبتي ولاتبطون علي
mhd_ramy
14-03-2011, 05:01 PM
أسأل الله تعالى لك الصبر وعسى ربنا أن يبدلك خيراً منها
مدربة مبتدئة
14-03-2011, 06:32 PM
اللهم امين


شكرا لك على دعواتك الطيبه ولاهنت


وحياك الله
الطائرر
14-03-2011, 11:12 PM
الله يبدلك غيرها
ولاكن انتي خذي الطيور الباقية وحطيها في مكان نظيف و معتدل لا فيه برودة زايدة ولا حرارة زايدة
يعني عل النافذة او في الحوش واحرصي على وضع ظلة من الشمس وماء الاستحمام في فترات الظهر ليتبردون قليلا ولا تضعينه في الشتاء تجنب للزكام ولاسهال
مدربة مبتدئة
15-03-2011, 02:13 PM
اخوي الطائر


جو الخبر هالايام بارد وفيه تيارات هوائيه


والدفايه للاسف ذاب السلك حقها وماقدر اشغلها ثاني


بس هم بالغرفه معي :)


بس تصير بارده بالليل بس موب مره مره واتوقع يتحملون بفضل الريش


وحاليا وانتوا بكرامه صار برازهم مخلوط بمويه ساعات يكون اخضر غامق بسهال


واخضر فاتح او غامق مع مويه زياده


ايش تنصحوني فيه ؟
mhd_ramy
15-03-2011, 02:25 PM
يوجد وصفات لعلاج الإسهال منها الثوم والليمون
mhd_ramy
15-03-2011, 02:26 PM
http://www.2zoo.com/vb/showthread.php?t=175001
mhd_ramy
15-03-2011, 02:27 PM
هذا الموضوع أوضح
http://www.2zoo.com/vb/showthread.php?t=203558
mhd_ramy
15-03-2011, 02:28 PM
وهذا موضوع للأمراض الشائعة التي تصيب الكروان
http://www.2zoo.com/vb/showthread.php?t=35337
لؤلؤه المحيط
15-03-2011, 09:04 PM
الله يعووضك :(
والله زعلتيني عليها :(
Black.Hawk
15-03-2011, 11:28 PM
الله يعوضك بأحسن منها ان شاء الله..~

وبتوفيق..~
غروب
16-03-2011, 04:09 AM
ياقلبي الله يعوضك انتي سويتي اللي عليكِ وكل شيي بيد الله

بالنسبه للطيور الثانيه انا في رأيي لو تغيري القفص افضل اوو تعقميه من الى
king of dragon
16-03-2011, 04:51 AM
الله يعوضك خير بس نصيحه اخويه مني لازم يكون عندك صيدليه بالبيت خاصه بالطيور وتتابعي تواريخ صلاحيتها وتكون بعيده عن الحراره يعني درجة حرارة الغرفه او علي حسب ماهو مدون علي نفس العلاج تستخدميها في اوقات الضروره
واذا في يوم حصل عليك ظرف طارئ استخدمي العلاجات البشريه وخاصه علاجات الخاصه بالاطفال لانو الدوز يكون فيها مناسب نوعا ما لطيور بس اهم شي تخفيفيه وتعطيه لطير علي دروبات بس لاتزيد عن 3
ودفي طيورك دايما وابعديها عن التيارات
والله يعوظك باحسن منه
RA3B00B
16-03-2011, 03:38 PM
قدر الله وماشاء فعل والله يعوضكـ خير

وانتبهي على الطيور الباقية

:(
مس^^مس
18-03-2011, 05:22 PM
الله يعوضك يارب .. : ((

انتبهي ع طيورك .. الباقيه ..
فوآز
21-03-2011, 03:18 PM
<<< ارتفع ضغطه
اخ بس لو اني منتبه للموضوع من كم يوم
لان معاي كروت لبيطرية الدمام والخبر
يلا الله يعوضك انشالله
وهذا يومه والاعمار بايد الله
mhd_ramy
21-03-2011, 03:36 PM
<<< ارتفع ضغطه
اخ بس لو اني منتبه للموضوع من كم يوم
لان معاي كروت لبيطرية الدمام والخبر
يلا الله يعوضك انشالله
وهذا يومه والاعمار بايد الله

أخي فواز
ممكن تفتح موضوع تحط فيه بعض العناوين لتعميم الفائدة وجزاك الله كل خير
فوآز
21-03-2011, 03:40 PM
1000 طلب متل هالطلب لعيونك ولو ....
بس امهلوني يومين او اكثر لبين ما جمع الارقام كامله
mhd_ramy
21-03-2011, 03:44 PM
1000 طلب متل هالطلب لعيونك ولو ....
بس امهلوني يومين او اكثر لبين ما جمع الارقام كامله

جزاك الله كل خير
مدربة مبتدئة
21-03-2011, 11:39 PM
الحقوا علي الانثى الثانيه مرضت نفس الاوله ونفس الاوضاع


وبجد تعبانه كنت اعطيهم دواء نيوترومايسن المضاد الحيوي الاحمر البودرة


لاكن مافاد معها


عطيتها فيتمينات وحسيت انها افضل بس برضوا على حالها

خمول وقل نشاطها وضيق بالتنفس واهتزاز بالذيل


فوااااااااااز وينك


شوف لي اذا اسعارهم رخيصة واذا يقدرون يجيون وياخذونها عندهم ويعالجونها


لان المواصلات عندي معدومه :(
مدربة مبتدئة
21-03-2011, 11:54 PM
لوسمحتوا احد يرسل لفواز بالخاص يرسل لي الارقام بسررررررعه


وضرورري لان اخاف مايشوف الموضوع :(
فوآز
22-03-2011, 09:10 AM
دقايق بجيب الارقام وبجي
فوآز
22-03-2011, 09:11 AM
وفي شي ثاني بعد وصلي مشاركاتك فوق الخمسين عشان الرسائل
فوآز
22-03-2011, 09:49 AM
باك
طبعا مافي عيادة بجيك تاخذ طيرك او حيوانك عوما
بس هذا رقم دكتور فنان وهو دكتور حيواناتي اللي اعتمد عليه
الدكتور / احمد محمد شوقي
0592974085
الدمام / الطبيشي
طبعا ارسلي صور للقفص ولفضلات الطير وصورة للطير المصاب وبسرعه عشان اراويه الصور
fawaz_2006_fm@hotmail.com
فوآز
22-03-2011, 09:55 AM
انا مداوم الحين وارقام الاطباء بالبيت بس اعتقد اني عطيتك احسن واحد عموما اي استفسارات ثانيه ايميلي موجود 24 ساعه
اي نسيت شي ثاني / اعزلي الطير لحاله عن اي طير ثاني ويضل العزل التام
مدربة مبتدئة
22-03-2011, 01:00 PM
مرحبا اخوي فواز


كلمت الرجال وتفاهمت معه


وان شاء الله بدبر الصور للعصفوره


وكلمت ابوي للاسف مافي اي نوع من التفاهم :(


وتمت الاضافه
mhd_ramy
22-03-2011, 01:04 PM
الله يشفي الطائر المريض
فوآز
22-03-2011, 01:10 PM
طيب شقال الكتور احمد
مدربة مبتدئة
22-03-2011, 02:05 PM
قال اوك


سوي زي ماقال فواز وارسلي له الصور علشان اشوفها

قلت طيب

وارسلت الصور على بريدك من 10 دقايق


وبنتظار ردك ورد الدكتور
فوآز
22-03-2011, 02:10 PM
وصلتني الصور وبشوف الدكتور وبتفاهم معاه انتضري ردي
مدربة مبتدئة
22-03-2011, 02:12 PM
بالانتظار والله يوفقكم
عبدالمحسن جان
22-03-2011, 10:36 PM
إلحق طيرك ووده لبيطري إختصاصي
فوآز
23-03-2011, 09:12 AM
هــــأ شو صار ...؟
مدربة مبتدئة
24-03-2011, 03:31 AM
شكرا لك فواز

بفضل الله ثم الدوا الي وصفته صار فيه تحسن بصحه الانثى :12:

صار فيه تغير بسيط براز الكروان وانتم بكرامه

وبعدي متفأله بنأنها راح تطيب ان شاء الله :)

جزاك الله الف خير اخوي فواز ولا حرمك ربي الاجر
mhd_ramy
24-03-2011, 12:00 PM
الحمدلله
جزى الله الأخ فواز كل خير
إن هذه المخلوقات الموجودة في بيوتنا أمانة في رقبتنا، نسال الله تعالى أن يرزقنا حسن الاعتناء بها لتكون في ميزان حسناتنا يوم القيامة
عبدالمحسن جان
24-03-2011, 03:31 PM
من الأفضل عرض الطير علي بيطري مختص
لؤلؤه المحيط
24-03-2011, 03:50 PM
ماشالله الاخ فواااااااز ما قصر ابدااا ابدااا فعلا يعطيييه الف عافيه ..
والحمدلله على سلامة الكوكاتيله..
والله يعوضك عن الماضيه ..
مدربة مبتدئة
24-03-2011, 07:19 PM
لؤلؤة

الله يجزاك خير على دعواتك والله يعوضني ( اللهم اجرني في مصيبتي واخلفني خيرا منها )

الذكر الصغير يطالب بزوجه جديده << بسحب عليه بجلس ادربه افضل ماهو كفوا عروس :D

احسه باقي صغير على الانتاج ..وافضل له التدريب والترويض

والحمدلله الانثى في تحسن مستمر :)

**********

عبد المحسن

اذا انت منتبه للردود بتلاحظ ان تم عرضها على المختص :)

وشكرا على حرصك

************

mhd_ramy

فعلا معك حق اخوي وهاذا الي مخوفني عليهم ماحب ان يموت حيوان بذمتي

جزيت خير :)
عاشق الكوكتيييل
24-03-2011, 11:55 PM
الله يعووضك بآحسن منهآ أختي[مدربة مبتدئة]

قدرر الله ومآشآء فعل

لك
أجمل تحية
فوآز
25-03-2011, 10:37 AM
يس :88: يس:88: يس:88:
الحمد لله على سلامتها
بعدين يا اخوان الفضل من بعد الله اكيد للدكتور: احمد شوقي :freind:
(عيادة رعاية بلاحدود) :D

ولا انا ابدا ما سويت شي :12:<<< احلى ي قمة التواضع :D
al3geed
02-04-2011, 04:06 PM
ممكن نعرف وش اسم الدواء؟
بلبل حساوي
02-04-2011, 04:18 PM
بيعيها وخذي الفلوس أو ودوها الدمام
فوآز
03-04-2011, 12:46 PM
بيعيها وخذي الفلوس أو ودوها الدمام


اما بيعيها وخذي فلوسها نضامك الخايس يابو :D
ترضى احد يبيع عليك طير مريض :mad:
الفلوس تروح وتجي :D واهم شي سلامة الطير :12:
فوآز
03-04-2011, 12:47 PM
ممكن نعرف وش اسم الدواء؟

بكره يكون عندك اسم الدواء :freind: