ببغائي الجديد ( مزيون )

[$السامر$]

السلام عليكم ورحمة الله وبركاته

هذا اول مشاركة لي بالمنتدى ،، وان شاء الله نستفيد منكم يأهل الخبرة ،،،

انا شريت امازوني :rolleyes: وهذا اول امازوني اقتنيه في حياتي ،،،
قبله كنت اشتري الكاسكو بس مايطولون عندي 7-8 شهور وابيعها ،،،

بس الامازوني غير _جرئ_ عجبني انه مايخاف من الاولاد،،،

وحاب استفسر منكم عن نوعه - بسم الله ماشاء الله
http://www.2zoo.org/get-3-2011-2zoo_org_45i6u146.jpg (http://www.2zoo.org)

http://www.2zoo.org/get-3-2011-2zoo_org_g0svrzq0.jpg (http://www.2zoo.org)

http://www.2zoo.org/get-3-2011-2zoo_org_qgxz6e53.jpg (http://www.2zoo.org)

شريته قبل 3 اسابيع ،، وله كم يوم ينفخ ريشه ويعطس بس ماشاء الله يأكل ويلعب ،، وانفه نظيف ،،، فمأدري هل هو عادي ولا لا ؟؟
لانه اول كاسكو شريته كان هولندي ومات وخايف على مزيون :confused:

وهو محجل ومكتوب NB 10 J41 ايش معناها _ الي عرفته انه مواليد 2010 بس

واااسف على الاطاله _ومشكورين على تعاونكم

[βǺĐ ŦỠ ЎỖЏ]

اتوقع انه بلو ناب

وعمره فوق سنه

[خالد84]

السلام عليكم

اخوي هذا اورنج وينج وهذا يعتبر من ابطئ الامزونات بالقدره على الكلام وما ابي احبطك ولكن ارخص نوع من الامزونيات ولكن طير جميل وفوق هذا كله يكفي انه امزوني والله يوفقك في

[افريكانو]

و عليكم السلام و رحمة الله و بركاته ،

اولا : مرحبا بك في منتدى و ان شاء الله تفيد و تستفيد منه:88:.
ثانياً: الف مبروك على الببغاء و يتربي في عزك و احسنت الاختيار فيه هذا من افضل انواع الامزوانيات يعتبر في المرتبه الثالثة بعد اليلوناب و الدبل يلو هيد ببغاءك من نوع بلونفرنتد امازون اذا ما خاب ضني لانه اورنج وينج في شبه كبير بينه و لكن الخبراء راح يفيدونك اكثر . و هو طائر جيد
و بنسبة لحجل لا خلفية لي عنها .

و بالنسبة لنفش الريش و العطس اذا كان نفش الريش مستمر فهذا يدل على المرض و يجب ان توديه للبيطري و اذا كان فترات مع الحفاظ على النشاط و الشهية فهذا قد يدل على الاسترخاء و البنسبة للعطاس يمكن يكون يقلد صوت العطاس لان كان عندي و احد من ببغاواتي كان يقلد صوت العطاس و الكح (هههههه:12:).

تقبل مروري و اجتهادي.

[$السامر$]

اخوي BAD TO YOU تقصد يلو ناب ؟؟؟
وخالد 84 انا شفت الموضوع المثبت لانواع الامازونيات وشفت الفرق بين البلو فرنتد وبين الاورنج ومااعتقد انه الاورانج ،،،،،،،،

مشكورين على تعاونكم:o

[$السامر$]

اخوي افريكانو،،،،،،،،،،

اولا : مرحبا بك في منتدى و ان شاء الله تفيد و تستفيد منه:88:.
الله يسلمك وان شاء تعم الفايده علينا اجمعين

ثانياً: الف مبروك على الببغاء و يتربي في عزك و احسنت الاختيار فيه هذا من افضل انواع الامزوانيات يعتبر في المرتبه الثالثة بعد اليلوناب و الدبل يلو هيد ببغاءك من نوع بلونفرنتد امازون اذا ما خاب ضني لانه اورنج وينج في شبه كبير بينه و لكن الخبراء راح يفيدونك اكثر . و هو طائر جيد
و بنسبة لحجل لا خلفية لي عنها .

الله يبشرك بالخير،، وانا كنت متوقع كذا 90%

و بالنسبة لنفش الريش و العطس اذا كان نفش الريش مستمر فهذا يدل على المرض و يجب ان توديه للبيطري و اذا كان فترات مع الحفاظ على النشاط و الشهية فهذا قد يدل على الاسترخاء و البنسبة للعطاس يمكن يكون يقلد صوت العطاس لان كان عندي و احد من ببغاواتي كان يقلد صوت العطاس و الكح (هههههه:12:).

على كلامك ان شاء الله انه استرخاء بس :rolleyes::rolleyes:

ومشكور على تعاونك

وبالنتظار الخبراء في تأكيد النوع ومعرفة الحجل ؟؟؟

[$السامر$]

ياخبرااااء ياحلوين ،،،، وينكم ؟؟


سبحانك اللهم وبحمدك

[ميكوو]

مبروكـ ,, و يتربا في عزكم ,,

هـآآ البلوفرونتد ,, و ابدان مب الاورنج وينج ,,
لان الاورنج ايي منقاره في بياض مب سواد كامل مثل ها ,,
ف بـ التالي هو بلوفرنتد ,, نفس مالــي ,, p= ,,
عااااااااد استلم عضتتتتتته مقواهاا ,, حتى لو كان اليف ,,
بس وااايد حلو ,, و بشوف عليه حركاات تضحك ,,
و بسرعه يتعلم الكلام ,,

^_^

و من ناحية العطس ,, انا مالي كان يعطس وديته البيطري عطاه دوا ,,
خلصت الدوا و رد الحين من فتره يعاطس ,, بس الحمد لله مب واايد ,,
و الله وعلم شو السبب

[abadi75]

طيرك اخوي فرخ بلوفرنتد امازون

[جعفر السامرائي]

السلام عليكم

اولا : مبروك عليك الطير ويتربى بعزك

ثانيا : طيرك امزون بلو فرونتد .. يعني هو ثالث افضل أمزوني من بعد اليلو ناب والدبلو يلو هيد مثل ما تفضلوا الاخوة قبلي .. ومبين عليه صغير بالعمر مو كبير .. يحتاج منك عناية اكثر مع انه البلو فرونتد ما شاء الله عليه مناعته قوية جدا.

ثالثا : بالنسبة للعطسة ونفش الريش .. اذا انت خايف من شيء .. في كاسة الماء اللي تستخدمها للطير شيلها بالليل لما تنيم الطير .. والصبح اول ما تقعد من نومك "قبل لا تفطر لان مزيون راح يكون عطشان" خلي له ماء بيها واعصر عليه ثلاث او خمس قطرات من الليمون الحامض واستمر يومين او ثلاث على هذا المنوال واطمأن :)
راح تسأل ليش اسوي كذا واشيل الماء ؟ .. اقولك لان الطير اول ما يجلس الصبح يفكر انه يشرب ماء قبل كل شيء .. وحتى احيانا بالليل انا الاحظ طيري يشرب ماء .. فلما تخليه هالشكل راح يكون هو متعطش للماء وفيه انت حاط الدواء الطبيعي ، أن شاء الله راح يكون التحسن واضح على الطير . :)
اذا تمكنت انك تحصل الليمون العراقي يكون افضل للطير .. لانه حموضته اقل .. ولا بأس بغيره

وانا انصحك انك تقتني البلو فرونتد كصديق وتعلمه .. من رأيي لا تبيعه لانه من اروع الببغاوات

سلامي

[arg9]

100% بلوفرونت ويبين على الطير عمره 7 شهوررر تقريبا

[ابو محمــد]

الف مبرووك البلوفرونتد واختيار موفق

وحبيت اوضح الفرق بينه وبين الاونج وينج

هذا Orange Wing Amazon

العمر 6 شهور


http://www.southeast-parrots.co.uk/images/birdsforsale/bird-4lg.jpg

والثاني العمر +5 سنوات


http://www.southeast-parrots.co.uk/images/birdsforsale/bird-5lg.jpg

هذا Blue Fronted Amazon

البلو فرونتد


http://www.mypets.net.au/upload/flex_img/16112008035734_135.jpg

[$السامر$]

يعطيكم العافية ،،، وماقصرتوو ،،، وصحيح ان عمره 7 شهور ماشاء الله عليكم تعرفون الطير من نظرة،،،

وبجرب الليمون معاه اليوم،،

موفقين ان شاء الله0