كيف اعالج مشكلة هروب الببغاء من القفص

[cocojude]

سلامي على الجميع

الحمد لله اتا متابعة اراء كل المشاركين في المنتدى و خبراتهم و طبقتها في تدربيب موني و جابت نتائج مذهلة :D ما يجعر, ما يعض , يوقف على اليد و الكتف بل و الرأس ياكل من اليد اذا جاع المشكلة انه ملقوف جدا :D لين اوقفه على الستاند او اخليه بره القفص يهرررررررررب كل مرة يحب يمشي فى الأرض مثل القطوة يلعب بكل شي يلقاه قدامه مع انه عنده العاب كثير اسفه على الإطالة كيف اخليه ما يهرب من القفص؟ اخاف يعور نفسه بلقافته صرت ابعد عنه كل شي ممكن يضره

[اسير الشوق1]

ما يبيلها ذكاء

قفلي القفص وما راح يطلع

واذا بتفتحينه اكيد و شي طبيعي انه بيطلع

[cocojude]

تسلم اخ اسير الشوق على الرد هو فعلا ما يبغالها ذكاء لكن انا طيري مدرب الحمد لله و وصاني البيطري انه ما اخليه داخل القفص كثير لأن الطير راح يرتاح داخل قفصه و يفقد تدريبه و يتوحش و قد كان عندي رمادي قبله قفصه مفتوح دايما يدخل و يخرج بكيفه ودي لو يصير موني زيه بس مو عارفة كيييف ارجو المساعدة بلييير

[متوتان]

اختي ممكن انج تعطينه شي يلتهي فيه وهو واقف على الستاند وحطي الستاند تقريبا بالزاوية ولا تخليه قريب من تحف او اثاث البيت يعني اعزليه عن الحركة المعتادة لا تخلي حد يمر وراه او على جنب خلي الطير عينه عالكل وظهره للطوفه مآمن عرفتي هو يطير بس يمكن لانه يتخرع من اشيا او اصوات او حركة مفاجأة تصير ويركز عليها وتعاملي معاه بهدوء دام انه عالستاند لا تتركيه وتمشي مري عليه على فترات وقربي منه وامسحي على ظهره وراسه وداعبي منقارة بلطف وحنية وراح يعتاد وان شاء الله يتحسن تصرفه وملحوظة لا تخلي القفص عالارض ارفعيه شوي عشان الطير مايخاف وايد موفقه اختي
اختج متوتان :D

[كاسكو البحرين]

ما قصروا الأخوان والأخوات

واضيف يكون لستاند على جنب من المكان يعني مايكون في الوسط عشان يحس بالأمان

[cocojude]

شكراجزيلا لمتوتان و كاسكو البحرين جزاكم الله الف خير

[الببغاء الافريقي]

انا ببغائي يهرب مني ويروح للقفص ويدل القفص اتركه في اي مكان داخل البيت علطول يروح يركض لم القفص

[Kuwaite]

هلا والله اختي ..

قبل لا ابدأ اجابتي على سؤالكِ حبيت اسألك انا سؤال ,, وهذا السؤال سألني اياه مشرفنا الخبير : الجارح ..

وهذا هو النص

-----------------------------------------------------------------------------------------------

هل ترضى بأن تحبس أخيك الصغير داخل غرفة وهو يريد الخروج كي يلعب معك ويرتاح اكثر بصحبتك ؟؟؟؟؟

أخواني الاعزاء اللي قالو احبسيه بالقفص ...

إن مجمل ما ذكرتوا من رد هو يعود الا طريقتكم ولها احترام عندي ولا يعني معارضتي لها بالإساءة تجاهكم ..

-----------------------------------------------------------------------------------------------

فالسؤال هنا :

هل ترضين بأن تحبسي أخيك الصغير داخل غرفة وهو يريد الخروج كي يلعب معك ويرتاح اكثر بصحبتك ؟؟؟؟؟


اختي بالنسبه للطائر معروف مايحب الاسر او القفص بشكل عام ..
في بعض الطيور اللي تحب قفصها ذلك لانه عاش فيه سنين وصار يفكر انه هذا بيته او مكانه ..
او يشعــر بالخــوف فيذهب الى قفصه .. مثل حاله اخونــا

الببغاء الافريقي

انا ببغائي يهرب مني ويروح للقفص ويدل القفص اتركه في اي مكان داخل البيت علطول يروح يركض لم القفص

لا اقصد الاساءه طبعا لكــن اوضح اسلوب الطائر بكلمـة يهـرب والهروب معناها الخوف



بالنسبه للطير انا اعتقد انه :

1- توه جديد او ماصارله تقريبا سنه او سنتين ..

2- عمره صغير ..

والسبب :

السبب الاول هو انه يحب يختلط معاكم وماتعود انه القفص يكون بيته بل تعود ان القفص هو سجنه .. وطبعا لازم نحببه بالقفص ونحسسه انه هذا بيته ..

اما السبب الثاني فالطائر الصغير يحب اللعب واللهو ويكره القفص وايضا يحس ان القفص هو سجنه

ما الحل اذاَ .. ؟؟؟

الحل اختي انـك وقت الاكل تحطيله الاكل بالقفص .. اذا جاع من نفسه راد يدخل القفص وياكل ..

ومع تكرار هالحركه راح يحس انه بأمان وان هذا القفص هو الحل الوحيد له بالنسبه للنوم والاكل ..

مع ملاحظة : عدم اغلاق باب القفص لكي لا يخاف ويكرهه (خليه يحس بالامان داخل القفص)

اتمنــى اني افدتــك يا اختـــي وحاولــي ان تعـــاملين الطيـــر وكأنـــه اخــوكِ الصغيــــر

تحيــــاتي لكـــ