الرمادي يحكحك جسمه ويعضعض ريشه

[kh200063]

ياجماعة انا عندي الرمادي الافريقي شريته قبل شهرين وعمرة تقريبا 8/9 شهور وكان يخاف مره بس مع الوقت والحمدلله تعود وصار مايخاف ويطلع على اليد والكتف والراس وكل يوم اطلعة خارج القفص من الساعة 1 ظهرا الى الساعة 12 عشرة ليلا والقفص مفتوح وهو خارج القفص يطير احيانا داخل الغرفة ويرجع القفص . بس ما يتكلم احاول اردد عليه بعض الكلمات كل يوم بس يصفر ويصدر اصوات اخرى .
المشكلة في الايام الاخيرة الطائر بدا يحكحك جسمة واحاول امنعه ببعض الالعاب بس يعود مرة اخرى ويعضعض ريش بطنه . وديته للبيطري قال مافيه شي فيه شويه قشرة بيضاء في جسمة واعطاني مسحوق اروشه به اسمه (neguvon) بس للاسف مافيه فائدة حتى اننى اصبحت اعصب عليه افيدوني ماذا افعل وجزاكم الله الف خير
والعفو ا على الاطالة
وشكرا

[متوتان]

اخوي هذي القشرة تسبب ازعاج للطير يمكن الدوى مو قوي انا احيانا درتي نفس الشي تكون تحك جسمها وراسها وايد حتى صرت اتخوف من الحشرات قلت يمكن تعاني منها بس عادي لان تجي فترة ييتبدل الريش وتحك الطيور نفسها لا تخاف اخوي دام ان البيطري فحصها لك مافيها الا كل خير ان شاء الله بعدين القشرة البيضا امرها سهل حاول انك تلعب بريش بطنها وحممها ويارب تصير احسن
اختك : متوتان

[كاسكو البحرين]

السلام عليكم

كلام الأخت متوتان سليم و100%
وأحب أضيف على كلام الأخت الكريمة
طبيعة الطيور اخوي kh200063
اوقات فراغ الطير عادة ما يلجئ الطير لترتيب وتصفيف ريشة وهذا شيئ جداً طبيعي
http://www.9q9q.org/index.php?image=gv1vWu33ycb8Kj

وليس فقط لترتيب الريش وايضاً لإزالة الطفيليات الموجودة في الجسم الناتجة عن طبيعة الجو من غبار وتلوث البيئة

فلاحظ معي هذه الصورة للمكاو وهو في الطبيعة يمارس هذه العادة المذكوره في موضوعك
http://www.9q9q.org/index.php?image=7NT694AA3862PN

وانت الحمد لله سويت الواجب والعمل الصحيح انك رحت وزرت الطبيب مع الطير والنتيجة كانت الطير سليم ومجرد قدم لك دواء ضد الحساسية و (الحكه) اللي بالجسم

http://www.9q9q.org/index.php?image=kz9tUs00WoMlyt

المطلوب منك يا kh200063

انك تواضب على الدواء ، ولاتنسى الآن في طريقنا دخول فصل الصيف واللي يحتاج الطير انك تحميه 2-3 مرات في الاسبوع عشان تحافظ على درجة حرارة جسم الطير وايضاً تطرد البكتريا بالتحميم
ومثل ماتعرف الماء ضروري لجسم الإنسان فهي ايضاً ضرورية لجسم الطيور ، تحافظ على رشاقة الطير وترتيب الريش وإعادة الصبغ للريش اللي يفقده الطير

نأتي الى الحل :

تاخذ من السوق اللي يستخدمونه لترويش النباتات الصغيرة وهو متوفر وبسعر رخيص جداً
في البحرين(500فلس)=(5)ريال سعودي

http://www.9q9q.org/index.php?image=1KQhIgcc6FECml

-تعبيها ماء فاتر معتدل ، ويفضل اتخلي الطير على (ستاند) اي مجثم
-وتبدأ بترويش الطير و يكون الماء خفيف القذف بواسطة تحكمك من خلال الـــــ(الدبه)
-تجنب منطقة الوجه بتاتاً وخاصة منطقة الأنف
-أملئ جسم الطير بالماء لكي يحس بالإنتعاش
-لاتحمم الطير في جو به تيار هواء قوي وبارد
-بعد الانتهاء دع الطير يجفف نفسه بدون استخدام اي شيئ للتجفيف
-لاتخلي الطير في الشمس المباشرة (وتقول عشان ينشف بسرعة) هذا خطأ

http://www.9q9q.org/index.php?image=hw3xYwffbxwuNn

وبعد هذه النقاط ان شاء الله راح يكون طيرك نشيط وبتقل عادة الحك ان كانت حك بحسب كلامك
عموماً تحميم الطيور ضرورية للحفاظ على الصحة للجسم
وبعض الطير تراها اوتومتكياً تحمم نفسها بنفسها مثل طيري (الماينا) وقت تغيري له الماء على طول يسبح في الاناء المخصص للشرب :D وطر اني ابدله مرة ثانية

ومثل هذا الطير المكاو لأحد المربين يشغل له (الشاور) والمكاو يقوم بالواجب (شهم الأخ :D )
http://www.9q9q.org/index.php?image=BQW472YYU630Vr

ولاتحاتي يالحبيب طيرك مافي شي ان شاء الله

وبالتوفيق

[PWoOoOeEeR]

اخــــــــــــــــــــوي فيه حلين..........
الاول وهو الافضل:
تجيب صبغة اليود تلاقيها عند البيطري تأخذ منها بالابره (2) ملي وتضعها على مرش ماء تبع الحدائق كمية الماء الي تضعها بالمرش هي علبة الماء ام ثلاثه لتر وترش طيرك فيها وحاول وانت وترش طيرك ان عيونه مايجها شي .
استخدم هذه الطريق ثلاث مرات في اسبوعين وبتلاقي نتيجه مذهله .
الطريقه الثانيه :
ظع كميه بسيطه من شنبو الاطفال في مرش ماء وروش طيرك فيه كررها في كل اسبوع مره حتى تلاحظ ان طيرك وقف الحكه.

تمنياتي لك بالتوفيق:cool:

[PWoOoOeEeR]

صبغة اليود ممتازه للتطهير والتعقيم وهي بالاساس تستخدم في غرف العمليات للتطهير
فأستخدامها للطيور في الشهر مره ممتازه جدا خاصة لتطهير القفص بنفس الطريقه الي ذكرتها في الرد الاول

[PWoOoOeEeR]

مــــــــــــــــــلاحظه

اذا كان طيرك يحك جسمه بمنقاره في فترات مختلفه من اليوم فهذا شي طبيعي مثل ماذكرو الاخوان
ولاكن اذا كان يحك جسمه بمنقاره ورجله بشكل مستمر في اليوم فستخدم الطرق اللي ذكرتها
لان الطيور اللي نشتريها من السوق خاصه اللي لها فتره من الزمن في السوق تكون معرضه بالاصابه بالامراض المنتشره بين الطيور ومن ظمنها القشور والطفيليات الي تجعل الطائر يحتك بشكل مستمر

[kh200063]

شكرا للاخوان الاخت متونان والاخ كاسكو البحرين والاخ PWOoOeEeR على الردود والمعلومات المهمه وانشاء الله احاول اجرب كل الحلول الطروحة . وشكرا للجميع مرة اخرى

[الجااارح]

وين أوديك وأحطك يـــــا كاسكو البحرين ؟؟؟؟؟

[Luis]

انا بعد نفس الشي مع طائري الكاسكو...

أشكركم يا متوتان وكاسكو البحرين وpower

تحياتي للجميع...