قصتي قصه واحوالي عجب

[A A A]

السلام عليكم

(( قصتي قصه واحوالي عجب ))

شباب اول شي خذوها نصيحه / اذا نزلت السوق لاتشتري من عند اي واحد مجمع الدجاج بقفص واحد .

وثاني نصيحه (( اشتري من واحد ثقه تعرفه)) اذا توفر



قصتي.. :

شريت من صاحبي ديك ودجاجه من احسن مايكون مع اني حاولت اخذ اكثر لكنه منعني... يوم الخميس الماضي

وفي اليوم الثاني بلشني اخوي الصغير يقول اشتري دجاجتين قلت له ابشر, نزلت السوق يوم الجمعه الماضي انا واخوي متأخرين جدا لم يبقى من الباعه الا القليل قلت لاخوي نجي الاسبوع القادم .
(( لانه عندنا سوق الدجاج يكون يومي الخميس والجمعه فقط )) بغى يبكي يقولي لالا اليوم اليوم > تعرفون كيف اسلوب الورعان:D

المهم كان في شايب اعرفه صاحب ابوي يبيع في السوق جيت عنده والا دجاجه شبه منتهي قالي اخوي تكفى اشتري حاولت امنعه ماقدرت رحمته المسكين

الشايب عنده قفص مترين في مترين كله دجاج قاعد اطالع في الدجاج يقولي الشايب افااا ماتثق فيني
قلتله ابشر والله اعطيني من يدك الكريمه دجاجتين بدون مااطالع فيهم

وانا راجع للبيت دق على جوالي صاحبي قاللي بعطيك دجاجتين والله فرحت لان دجاجه ماشاء الله عليه يفتح النفس مريت عليه واخذت منه دجاجتين وديك

وصلت البيت حطيتهم بالقفص كلهم المهم بعد مرور حوالي 20 دقيقة الاحظ دجاجتين الشايب الله يسامحه مريض ومايتحرك ولا يأكل
في هذه اللحظه خفت على الدجاج الثاني من المرض وان يعديهم

تخيلوا والله هذه العشرين دقيقة دمرت الدجاج مع مرور الايام
اخذت الدجاج المريض واعطيتهم ولد جارنا قلتله هديه:D:D(( مسكين مايدري انه مريض )) بس والله ماعندهم لادجاج ولاشي قلت خليه يتسلى فيه


بعد مرور حوالي 10 ساعات قابلته وهو يضحك قالي الدجاج مات:D :D

ومع مرور الايام ماتت دجاجه عندي
وفي اليوم الثاني شفت الديك على وشك الموت رحت للطبيب البيطري واخذت منه العلاج اللازم لكن مانفع معاه العلاج قدر الله ومات

لااطول عليكم ماتوا كلهم الا دجاجتين لحقت عليهم والحمد لله هم الحين بصحه جيده

عندي سؤاليين
خلال فترة الدجاج وهو معاي بيض 15 بيضه متى ترجن على البيض مع العلم ان الدجاج بالغ

وثاني سوال درى جاري بوضع الدجاجتيين اللي معي واعطاني ظهر اليوم ديك كبير في السن شوي
بس مالقح ولادجاجه اليوم كله هل لان الوضع جديد عليه ولا اشتري ديك جديد

والحمد لله على كل حآآآآآآآآآآآآآل:rolleyes:


وآسف على الاطالة وتذكروا جيدا النصائح وعن نفسي توبه اذا شريت من واحد عنده قفص وفيه دجاج كثير حتى ولو كانوا جيدين بس تاكد انه في بينهم واحده مريضه,,, وللعلم الدجاج مع كثرته مع بعض تجيهم الامراض فيما بينهم

والسلام ختام

[bird96]

السلام عليكم ورحمة الله وبركاته :

اخي ارجوك لا تستسلم ب هالسهوله هذي انه تترك مشروع الدجاج لانه حلو و جميل و مبارك اسمع النصائح :

اخي انا حاابب اقولك الله يصبرك على بلواك اسمعني زين اسمعني زين ونصت اذا عندك دجاج تبيعه اول شي او اتخلص منه في الاكل تجيب واحد متخصص او اذهب على الطبيب البيطري وقلله ابي اضهر المكان ب مواد تقتل اي فايروس او بكتيريا واتبع الخطوات انه ما تضع الدجاج ل امده من الايام بعدها تجيب دجاج من مكان موثوق جدا تجدا وتأكد من صحتهم ومن ااعمارهم ومن كل شي مكتوب ب هل المنتدى عشان تعرف الدجاج انه مريض ولا لا صحته تمام ولا لا قبل ما تجيب الدجاج ويكون بالسلامه ماشاءالله عليه اعمل الخم انه ما يدخله ماء الشتاء او الهواء البارد او الشمس 24 ساعه اعمله قسمين قسم للشمس 24 ساعه و قسم للمعيشه او للحماية من البرد ومن حم الصيف وبعد ما طهرته بالمطهرات وكل شي ممتاز تجيب عدد من الدجاج يكون مناسب مع مساحة المكان مثلا 7 دجاجات و ديك افضل انه يكون بلدي لأنه يتحمل برد الشتاء وحم الصيف وبعد ما تشتريهم ويكونو ب صحه جيده اي اراض غير طبيعيه استشير الطبيب او اعزل الدجاج المصاب ل حالة شفاءها او تعرف انه مرض اعتقد انه ما تركتلك شي الا ذكرته :freind:

اسمع انا اسف اني اطلت عليك اطلت كثيرا لكن عشان مصلحتك و مصلحت المنتدى وعشان اثبت انه تربية الدجاج مسلية وما فيها كثير عوائق و بالتوفيق في الخطوات

[A A A]

الله يعطيك الف عافيه

بصراحه افدتني بنصائحك ومعلوماتك
وان شاء الله اعمل بها


ويارب مايمس اي مكروه دجاجك وكل ماتربيه


شاكر ومقدر لك مرورك العطر

[سعودي2]

اضافه على كلام اخوي bird96
اول ماتشتري دجاج قديم لاتحطه مع الجديد إلا بعد كم يوم عشان تتاكد ان مافيهم مرض ولما تحطهم مع بعض اعطهم مضاد حيوي

[صمت الأمل]

وعليكم السلام ورحمة اللهـ وبركاتهـ .


واللهـ نصائح درر وبيستفيد منها الجميع ,, اللهـ يجزاكـ ألف خير على التنبيهـ . :freind:


ولاحول ولاقوة الا باللهـ ,, قصتكـ قصهـ مع هالدجاج . :o


اللهـ يهدي البائع اللي غشكـ .. استغل ثقتكـ بهـ . :(


اللهـ يعوضكـ خير أخوي ويعطيكـ على نيتكـ .. ويمكن موتهم خير لكـ . :o


بخصوص اسألتكـ أبشر اخوي راح نجاوب عليها :

عندي سؤاليين
خلال فترة الدجاج وهو معاي بيض 15 بيضه متى ترجن على البيض مع العلم ان الدجاج بالغ


للأسف مانقدر نتحكم في وقت رجن الدجاج ,, نقدر نحثهـ ونشجعهـ على الرجن فقط !! :)


وطريقة تشجيعهـ هي : وضع البيض في عش مخفي عن الأعين ..


وبداخل العش قش أو حشائش .. عادي اللي موجود حتى لو سعف نخل !! :D


واتركـ البيض داخلهـ ,, اذا ما ارجنو عليهـ خلال هاليومين .. خذ البيض عشان مايفسد عليكـ .


وضع بدالهـ بيض مزيف أو بلاستيكـ ,, وأول مايرجنو على هالبيض المزيف بدلهـ لهم ببيض طازج ومخصب .


وان شاء اللهـ تشوف أحلى كتاكيت . :freind:


اتفضل هالموضوع لطريقة صناعة عش :


http://www.2zoo.com/vb/showthread.php?t=206986

وثاني سوال درى جاري بوضع الدجاجتيين اللي معي واعطاني ظهر اليوم ديك كبير في السن شوي
بس مالقح ولادجاجه اليوم كله هل لان الوضع جديد عليه ولا اشتري ديك جديد


الديكـ كم عمرهـ تقريبا ؟؟ هل اظفرهـ طويلهـ ؟؟


انا لاحظت من الديكـ اللي عندي لأن اظفرهـ طويييلهـ وعمرهـ 3 سنين .. تلقيحهـ للدجاج مو مثل اول ايام الشباب !! :D


هو صحيح يلقحهم ,, لكن مو مثل كثر تلقيح اللي بعمر سنهـ أو سنتين . :rolleyes:


عموما ,, ممكن ان الديكـ مستغرب من المكان الجديد .. وأتوقع انهـ ما أذن عندكـ ايضا صح ؟؟ :)


اذا تركتهـ وراقبتهـ من بعيد فقط ,, ان شاء اللهـ ياخذ راحتهـ في التعرف على المكان والدجاج .


انتظر عليهـ اسبوع ,, أو الى أن يأذن .. وقتها بتعرف انهـ تأقلم على المكان !! :12:


اللهـ يوفقكـ أخوي .. وأي سؤال آخر اتفضل بطرحهـ ,, ان شاء اللهـ نفيدكـ . :freind:


بالتوفيق .