صور توضح طريقة اعطاء الكاسكو العسل عن طريق اليد

[ali22z2]

اولاً اختر الوقت المناسب لتجربة اعطاء الكاسكو العسل

http://www.7m7.org/wdj.sqfk//gfjhkwa=19021150.jpg (http://www.7m7.org)

الافضل يكون في الليل او على ضوء خافت شوي اذا كان الكاسكو الي عندكم غير اليف
و اذا كان اليف اي وقت تقدر تعطيه بس حاول تكون على فترتين صباح و مساء


ثانياً اختر اي نوع من انواع العسل ان كان طبيعي او صناعية انا عن نفسي استخدم الي بصور

http://www.7m7.org/wdj.sqfk//gfjhkwa=15878531.jpg (http://www.7m7.org)

ثالثاً ضع العسل خارج الثلاجة على الاقل 15 دقيقة قبل اعطاء الكاسكو


رابعاً ضع القليل من العسل على اصبعك و تقرب الى منقار الطائر

http://www.7m7.org/wdj.sqfk//gfjhkwa=87016010.jpg (http://www.7m7.org)

حاول انك تتمالك نفسك و تحسس الكاسكو انك منت خايف

http://www.7m7.org/wdj.sqfk//gfjhkwa=75734364.jpg (http://www.7m7.org)

تقرب منه شوي شوي و بحذر اذا هو من النوع الي مب اليف تفادي لاي اصابات
http://www.7m7.org/wdj.sqfk//gfjhkwa=83864947.jpg (http://www.7m7.org)



خامساً الله يعينك على بلواك اذا الكاسكو الي عندك مثل الي عندي لاحظ طرف اصبعي صاير احمر من العض لاكن لازم تتحمل


http://www.7m7.org/wdj.sqfk//gfjhkwa=11852552.jpg (http://www.7m7.org)


و الختام مع التكرار راح يثق فيك الكاسكو بوقت سريع و راح يحاول دايم يلحس لك اصبعك و بهاي الطريقة تقدر بعد انك تمسح عليه عن طريق غير مباشر يعني يد تعطيه عسل الثانية تمسح على جسمه و مع مرور الايام تحاول انك تمسح على راسه

و السلام ختام

[بودحوم]

يعطيك العافيه ياعلي على الشرح المدعم بالصور

بصراحة أنا عندي طيرين من الكاسكو ,,

ممكن أجرب الطريقه مع واحد ,, أما الثاني :) يبطي ماحطيت له صبعي
مع أنه كان موالف ,, بس صارت مشاكل بيني وبينه ,, واخذ مني موقف :D

مشكوور على الموضوع
وتقبل تحياتي

[تفاحه حمرا]

مشكوور اخووي .. وان شاء الله اول مابشتري الكاسكوو بجربله الطريقة لانه المكاو الي عندي مرووض وبصراحه اخاف من عضته http://smilies.vidahost.com/otn/realhappy/mhihi.gif بس شوفايدة العسل هل هي طريقة للترويض او له فايده معيينه ؟

[الجااارح]

ali22z2
هذا لأنك عسل أعطيتنا موضوع زي العسل ;)
بس على الله طيري " الربش " يوافق ويطاوعني بدون تقطيع أصابع الله يعيني عليه ويعينه علي :D
على العموم الله يعطيك العافية وما قصرت يا عسل أصلي

[كمبس]

مشكور اخوي على هذا الموضوع
فعلا العسل له دور جذب فعال:p

[ali22z2]

مشكور اخوي بو دحوم على الرد الحلو مثلك

يا خوي حاول معاهم اثنينهم يمكن تجيب نتيجه

واحد ياخذ من عندك عادي و الثاني يعض لك يدك

و بعدين العكس خخخخخخخخ

[ali22z2]

هلا اختي تفاحه حمرا

و الله الفكرة حلوة

بس انا اقبل اني احط يدي الى عشرة كاسكو متوحشين

و لا افكر اني اقدم يدي الى مكاو

[ali22z2]

هلا اخوي الجارح

انت الي جرحتني بكلامك العسل يا عسل اصلي

و على فكرة مع مرور الايام راح تلاحظ انك لو قربت اصبعك بدون شي

راح يجي الكاسكو عباله في اصبعك عسل

حاول انك تمشيه على نظام صبح و ليل و راح ينتظر انك تجيه مع صبعك

و تقدر تستغل فكرة العسل في التدريب بس مب دايم تنجح انا افضل الفول السوداني

المحمص شوي

[ali22z2]

مشكور اخوي الكمبس على تفاعلك مع موضوعي

و فعلاً العسل له دور فعال في اغراء الكاسكو

و في اعواد عسل يبيعوها في محلات بيع الطيور

يكون العسل جامد على العصا

[فارس مجهول]

مشكووور أخوي على الطريقه

[كاسكو البحرين]

شكراً اخ علي على الموضوع
وهذا يا جماعة الاخ علي واحد خبير ترويض طيور متوحشة واي واحد عنده سؤال لا تترددون وهو مايقصر :D
شكراً ابو حسين

[ali22z2]

مشكور اخوي فارس مجهول و احنه بالخدمة

ما شاء الله الكاسكو الي بالتوقيع وايد حلو

[ali22z2]

مشكور اخوي كاسكو البحرين

انا للحين هااوي مب خبير

الخبير انت بالردود الي تشرح القلب

[عاشق المكاو]

الله يعطيكم العافيه جميعاً ......

[ياطير يامسافرله]

موضوع جميل جدا...يعطيك الف عافية وتحياتي لك

[ali22z2]

مشكور اخوي عاشق المكاو

و يا خوي يا مسافر له

ما سوينه اله الواجب .

[الجااارح]

يا أخوي / ali22z2



آآآآآآآآآآآآآآآآآآآآآآآآآآآآآآآآآآي ي آآآآي يا يدي وأصابعي :(

راحت أصابعي وطي فاتك مجزرة في البيت
سمعت نصيحتك وأقرى النتيجة ، النتيجة كالتالي :
كان يا مكان " الربش " يحب ألعب معاه وأمسح على منقاره :p وبعد التجربة صارت لي علوم جيت ابغى ألعب معاه وكانت النتيجة مرة عضني حتى صب الدم يحسب يدي فيها عسل :D في بداية الأمر عجبة الوضع ولكن مسحت على منقاره بالعسل وبعدها طفش واليوم يحسب إن يدي فيها عسل الله لا يوريك أول شيء بدى بالتذوق وما حصل إلا ريحت دخان وعضني عضة جابت العيد فيه والآن وش الحل أعطيه عسل ولا أطنشه وأعطيه طنش ؟؟؟؟؟ :confused:


ولكم كافة التحيات ،،،،،

[ali22z2]

هلا اخوي الجارح

كان المفروض منك انك تقدم له العسل على مرتين لمده على الاقل 10 ايام عشان يعتاد عليك اكثر انا عانيت مع الكاسكو الي عندي ( توتي) لانه في بعض الاوقات يعتقد ان يدك فيها عسل و انت تبي تلعب معاه فتكون هناك ردة فعل للكاسكو اذا مب معتاد عليك و مافي داعي انك تقرب له يدك جنب منقاره بدون عسل او في اي وقت لانك بهاي الطريقة تعلمه انه يعض

حاول انك تتقرب له في وقت اعطائك العسل حاول تمسح عليه حاول تمسح على رجله حاول انك تمسح على بطنه و احذر من الحركات المفاجئة منك او من احد الاشخاص انه يدخل عليك و انت قرب الكاسكو لانه راح ينظر الى الشخ الي داخل عليه و اي حركة منك بعد ما يشت انتباه الكاسكو يعني رحت وطي انت و اصبعك

[ali22z2]

فائدة العسل كغذاء و دواء

قال رسول الله صلى الله عليه و على اله و صحبه و سلم (عليكم بالشفاءين العسل و القرآن ).

و عرف قدماء العرب العسل و كانوا يستخدمونه للعلاج لكثير من الأمراض ، قال عنه ابن القيم
هو غذاء مع الأغذيه ، ودواء مع الأدويه ، وفيه منافع كثيره ، فهو مغذ وملين .

و يحتوي العسل على البروتين و الفيتامينات و المعادن و الصوديوم و البوتاسيوم و الكالسيوم و الحديد و النحاس و الزنك و اليود .

و قد أثبت العلم الحديث أن من فوائد العسل إحتوائه على خميرة الشعير التي تحول النشادر الى سكر و هي تنشط وتحمي و تقوي المعده .

و يعتبر العسل من المضادات الحيويه القاتله للبكتيريا والجراثيم .و قد أجرى أحد كبار العلماء تجربة عمليه بالعسل فقد قام بزرع جراثيم مختلف الأمراض في عسل نحل طبيعي وحصل على نتيجه فاقت كل التوقعات فقد قتل العسل ميكروب التيفود بعد ثمانية واربعين ساعه فقط و ميكروب الباراتيفود المسبب لحمى الأمعاء بعد اربعة وعشرين ساعه و ماتت جراثيم الألتهاب الرئوي في اليوم الرابع و جراثيم الدوسنتاريا بعد عشرة ساعات .

كم هي عظيمه نعم الله علينا ما خلق شيء الا و كان له فائده لنا و ما حرم علينا شيء الا و كان ضار بنا ، سبحان الله

[AL-MOHANDES]

مشكور على الطريقه اخوي ali22z2 ...

واحد من الأعضاء قالي عن الطريقه ونجحت 100% ..

جزاك الله خييييييييير

[بو ناصر]

شكرا لك اخوي ali22z2 واشكرك ايضا على ادراج الموضوع بالصور التي كلنا بحاجة اليها

شكرا لك وفي انتظار جديدك باذن الله

[عهد]

يعطيك العافية على الطريقة الجديدة وفعلاً ناجحة انا مرة جربت هاي الطريقة على درتي كنت احط لها ماء مع سكر وأعطيها إيا بصبعي لما أبللة من بشوي من الماء و السكر ما شاء الله احس شوي و تاكل يدي كلها خخخخخخ يسلموووو ...^ــ^ .....

[+shgoOona+]

تشكرااااااااااات ع المعلوووومات العــسل
وإن شـــاء الله اجرب