شوفووووووووووو لي حل

[سيدالعشاق]

عندي رمادي صغير بالعمر صحته سليمه الحمدلله بس لاحظت انه يعطس كثير ومافي سوائل تخرج من انفه ولا هومريض عجزت معه حاولت اعالجه بالادويه من عند الصيدلي بس مانفع بالاخير قالي جيبه نضربه ابر بس انا خايف الطير يتعقد من الابر وللحين محتار شسوي المشكله صار لها شهرين تقريباّ هل استمر في اعطائه الادويه خايف انها تأثر عليه
المشكله الثانيه ان طيري يدوي بس انه لما احطه على ايدي يبي يهرب بسرعه يطير بسرعه
ثالثا هل صحيح ان الطير اللي حجم راسه كبير ومنقاره شديد السواد هو ذكر واللي راسه صغير ولون منقاره افتح شوي انثى

[كاسكو البحرين]

مساء الخير
عطس الطيور تنتج عن وجود زكام ، فإذا الأدوية لم تنفع معه فضربة إبره وحده اعتقد ماكو ضرر للطير وهذه الأدوية والمضادات وووووألخ ، لعلاج الطيور ، اولاً تأكدي من نظافة الجو اللي يتواجد فيه الطير اي بدون غبار وهواء بارد شديد ، وهل العطسات متكررة 10 دقائق متواصلة مثلاً ؟ لانه عطس الطير يكون طبيعي مثل الإنسان بالظبط اذا تواجد الغبار او تلوث الجو ، فتكون العطسات متكررة اكثر من 3 مرات متتاليه او يكون زكام مزمن مما نطر لزيارة الطبيب وأخذ الأدوية اللازمة ، هنا يتطلب عليك التأكد اولاً ومراقبة براز الطير يكون صلب ورائحة ليست قوية جداً وهي الرائحة الكريهه ، التأكد من أنف الطير عدم وجود مادة مثل الماء اللزج يظهر من الأنف ، وايضاً راقبي فتحة الشرج للطير ويكون عدم التصاق البراز بالمنطقة على الريش

والمشكلة الثانية يتطلب عليك تدريب الطير على وقوف باليد ، وانا أفضل ان يكون الطير ألف ويسمح لك بالمسح واللعب معه ، وحاولي ضم الطير قرب الجسم لكي لا يحصل منفذ للهروب :D وبهذه الوقت تقومين بالمسح واللعب معه والطير واقف على اليد ، وهناك طريقة العصاتين، انك تاخذي عصاتين تطابق العصا اللي يقف عليها بالقفص ، وتجعلي الطير يصعد عليها ومن ثم تتبادلين معه الصعود مثل الدرج عصا يركب عليها وعصا الثانية تأتي بها للصعود عليها مدة 15 دقيقة يومياً لحد ما يتعود ان شاء الله ، وتستطيعين تجربة مسك رجل الطير للثبوت على اليد وانت تلعبين وتمسحين عليه

بخصوص معرفة الجنس للكاسكو فهذا نكرر الحل الأكيد يكون عن طريق التحليل DNA
او بالمنظار ، وهناك طرق فرعية ليست أكيدة 100% ، عن طريق العين ، الأنثى تكون دائرية والذكر يكون شكل عينه بيضاوي ، وان شاء الله لي عودة للتوضيح بالصور
والآن انا مطر أطلع (مستعجل) لي عودة :D

[سيدالعشاق]

شكرا اخوي على ردك بس انا مثل ماقلت لك ماعندي اي مشكلة بالتربيه الطير اليف بس لايزال يخاف مني ويبي يهرب يوقف على ايدي ولايعض ولايصارخ بس دووووم يبي يهرب مني وهو على ايدي بس العطاس اللي عنده مو كل عشر دقايق يعني في الساعة 3الى 5 مرات تقريبا ولاعنده اي مشكله صحيه في البراز ولا اي مشكله الدكتور لما قلت له عن المشكله في البدايه اعتقد انه عنده حساسيه بس غير رايه لما قلت له انه اكله حب دوار الشمس بس قال اخر حل اعطيه ابر بس ماوعدني بنتيجه وانا حظي مع الابر مرررررررررررررة مو حلو كل مرة تنتهي بموووت الطير عدا عن ان ان الابره ممكن تأثر على تدريبي للطير وترجعه متوحش وزيد خوفه مني

[ببغاء اخضر]

انا ماانصحج فالابر اختي الااذا شفتي الطائر تلزمه الابره واسمحيلي لاني ماافهم فالرمادي وايد رزيت ويهي جي بس

[سيدالعشاق]

انا ماانصحج فالابر اختي الااذا شفتي الطائر تلزمه الابره واسمحيلي لاني ماافهم فالرمادي وايد رزيت ويهي جي بس

شدعوة ياخوي مرورك شرف لي

[تاكو]

تسلم حبيبي كاسكو البحرين على الإجابه
والحقيقة وفيت وكفيت