أفضل مكان للحصول على ألعاب للببغاوات

[F9o0oL]

السلام عليكم

مع العلم أني في الرياض و ياليت تكون أسعار معقولع لأني اللعبه ما تعيش معي أسبوع يعني صحبه 350 ريال في الشهر العاب بس

[برج المملكه]

بالله شوفو لنا مكان في مدينة الخبــــر ... وكل الشكر لصاحب الموضوع.

[ببغاء اخضر]

اذا شي فالامارات مانقول لا



وتسلمون

[الجااارح]

بسم الله الرحمن الرحيم
أخوي / F9o0oL
بالنسبة لألعاب الببغاء :rolleyes:
أنا أعرف لك محل في سوق الحمام بالرياض اللي على شارع البطحاء
الوصف / امسك الدائري الجنوبي إلين ما يجيلك شارع البطحاء مع العلم إني والله نسيت مخرج كم هو بالضبط على العموم خش معه بإتجاه الجنوب بتلاقي جسر مشاه على يسارك ومحلات خضرة على يمينك اطلع الجسر مشي وبتلاقي صراف البنك الفرنسي مقابل الصراف في محل نسيت والله وش اسمه بس هو كبير وتحس أنه تقريبا أحسن محل يبيع أقفاص وأحواض ثعابين وسمك ....إلخ واللوحة حقته ملونه إذا ما كنت غلطان ..... روح خش المحل وراح تلاقي عنده ألعاب حلوة ورخيصة ما يتعدى سعرها تقريبا الخمسين ريال ....

إذا وصلت هناك بس ابغاك تدعي لي :)


وبالتوفيق إنشاء الله