من الي يربي عنده قطه في البيت؟يدخل ويجاوبني

[هيبه اسد]

شباب صبايا
الحين ودي اشتري قطه لكن متردد
ابي من الي ربى القطط يقول لي تصرفاتها في البيت
واهم شي الامراض الي فيها
يعني وش تسوي بالبيت معك تمشي وراك ولا تلعب ولاوشو
وانا خايف تاكل الطيوري<<< :angry:

ارجو من كل الي يربون الان قطه في بيتهم يقولون لي وش تسوي معاهمو وهل تنصوحني اشتريها ولالا
ارجووووووووووووووووووووووووووووووووووووووووووووووووووووووووووووووووووكم وشكرا :( :bdaysmile

[NONO]

يسعدني أني اسمع انك راح تربي قطوه ليش متردد

القطه حيوان اليف ومرح وراح يجلب المرح والحيويه في البيت

لاتخاف اذا دربتها ماراح تاكل طيورك اذا كانت طيورك مثل الكوكاتو و الامازون او اي ببغاء كبير القطوه راح تخاف مب الببغاء :D
مثل انا عندي الامازون توقعت ان الامازون راح يخاف من القطوه وطلع العكس القطوه كانت نايمه على الكرسي والامازون كان فوق الكرسي نزل للقطو وعض ذيله فلاتخاف على الببغاء خاف على القطو من الببغاء :)

القطوه اتحب صاحبها وتلعب معاه واكثر شي تحبه انها تقعد في حضن صاحبها ويمسح على جسمها وتغار من اي قطوه تدخل البيت

أخذ القطط الصغيرة الى الطبيب البيطري في عمر يتراوح بين 8 و 10 أسابيع وذلك للفحص الجسماني . ويعمل الطبيب البيطري على اعطاء القطط لقاحات لحمايتها من الامراض الشائعة . ولمزيد من الاطمئنان فان العناية البيطرية ضرورية للمحافظة على صحة القطط واصحابها لان بعض امراض الحيوان يمكن انتقالها الى الانسان .
ويجب على اصحاب القطط تعرف اعراض الامراض حيواناتهم . ويعتبر مرض قلة البيض الشاملة , الذي يسمى ايضا التهاب الامعاء المعدي السنوري , واحدا من اخطر الامراض واكثرها انتشارا . ويسببه فيروس . وغالبا ما يكون مميتا .
وتتمثل اعراض المرض في الكسل , وفقدان الشهية وارتفاع حرارة الجسم والقيء والاسهال الشديد . وعند ظهور بعض هذه الاعراض على القط القط يحرص مربو القطط على مراجعة الطبيب البيطري في الحال , وتطعيمه ضد هذا المرض
تصاب القطط بنوعين اخرين هامين من المرض هما ابيضاض الدم السنوري والانفلونزا ويعتبر ابيضاض الدم السنوري احد انواع السرطان التي تؤثر على مكونات الدم . وهو غالبا مميت , ويسببه فيروس , وله اشكال مرضية اخرى مختلفة .
اما الاصابات التنفسية فهي امر شائع بين القطط . وتشمل اعراض الاصابات التنفسية العطس ونزول افرازات من الانف والعينين والحمى . ومن الممكن تحصين القطط ضد الاصابات التنفسية ولكن ليس ممكنا حمايتها بصورة كاملة من الاصابة بأنفلونزا القطط , وذلك بسب وجود فيروسات كثيرة ومختلفة تصيب القطط .
تسبب كثير من الطفيليات مشاكل صحية للقطط . فمنها الكثير من انواع الديدان , مثل الديدان الاسطوانية والشريطية التي تتطفل داخل امعاء القطط وبعض الاعضاء الاخرى. وتسبب الديدان الخمول والهزال والقيء والاسهال . وبعض الطفيليات الاخرى تعيش جلد القطط وتسبب حكة شديدة . وتعتبر البراغيث وقراد الاذن من اكثر الطفيليات الخارجية شيوعاً . وتصاب القطط ايضا بالقوباء الحلقية وهو مرض جلدي معدٍ يسببه فطر .
لازم كل شهر تراجع الطبيب البيطري وتفحص القطه.

وان شاء الله اكون افدتك بهذي المعلومات..وراح تحصل كثير من المواضيع في قسم القطط وراح تستفيد منه ان شاء الله

بالتوفيق

[بسبوس]

كل نوعيه تختلف بتصرفاته في نوعيات الهاديه وفيه النشيطه وهذا الكلام من وجهت نظري وشكرا

[هيبه اسد]

نونو اشكرك فعلا كفيتي ووفيتي
وشكرالكم

[بغبغاوي]

هاي

انا انصحك انك تأخذ قطاوه مهو بس وحده وإذا بتاخذ وحده تكون أنثى ومدربه أحسن وأنا انصحك تأحذ قطاوه لأنهم بيلعبو معاك وبيسلوك شوي انا عندي 5 قطاوه امهم كانت مدربه وبعدين راح التدريب اما الأربع مدربين بس الرابعة (أحلى وحده)مدربه شوي يعني إذا رحت ليها بسرعة تنحاش اما إذا رحت ليها شويشوي ماتنحاش والثلاث مدربين عدل يعني يلزقو فيك ولا يهدوك وقطاوتي مايطلعو من البيت بس يركبو فوق الجدار وساعات العب معاهم مثل آخذ خيط وأخليهم يلاحقونه أو اجري بسرعه وأخليهم يجرو بسرعه معاي, المهم إذا اخت لك وحده لاتنسى تحط صورتها يا كوكاتو.ما أعرف انواعهم قطاوتي :D :D بس إنشاء الله أحط صورهم علشان تقولولي ويش نوعهم هم عاديين بس يمكن ليهم اسم.

[shpaz]

أنا عندي في البيت قطط من أول ما فتحت عيوني على الدنيا
وأهم شىء عن القطط هو نوعها لأن القطط تختلف أسلوبها على حسب نوعها ،و غالبا يكون:
ذوات الشعر القصير مرحة ونشيطة ، وتنظف البيت من الحشرات بشكل جيد. وهي تحب اللعب لكننها أخطر على العصافير الصغيرة. و وبعض الأحيان تروح الشارع وتضيع.
ذوات الشعر الطويل كسولة تحب النوم لكنها جميلة جدا ، و تلعب من حين لأخر. ويجب تمشيط شعرها كل يوم وألا........

وطبعا ذوات الشعر القصير أرخص من ذوات الشعر الطويل بكثير

ويجب أن تعرفي ان الذكر يحب الخروج خارج البيت أكثر من الأنثى، لكنه أكثر مرحا.

Peace

[دلوعه]

اخواني سعادونك كثير
وانا لدي تنبيه لك وصديقتي صار لها كذا
وهو انك ماتخليها تنام معك وتبقى معاها على طول
لانه يسبب لك دود في البطن اكيد تقول لا هاذا كذب الخ
انما هاذا حقيقه فصديقتي لديها قطه تنام معها وتبقى معاها فتره طويله
وبعد ذالك اصبح في بطنها دود اكيد رح تقول الاطباء يقدروا يزيلوها الخ انما كلامك خطا
فعندما يزيلون من بطنك يبقى في بطنك بيضه والي وضعها الدود ولما تفقص يجي عليك ولازم يعملو
لك عمليه الا ما لا نهايه وهاذا ماحدث مع صدقيتي المسكينه انا لما سمعت كذا قلت ماراح اشتري قطه ابدا
فاخوي خذ حذكرك ولكل حيوان له امراض مثلا القطه ستوي لبطنك دودل والكلاب نجسه للي يصلون والي يدينون والحصان اذا رفسك تصير مجنون وهناك اشياء اخرى ولكن لم يتم كشفها بعد فاكيد لكل حيوان ضرر معين او مرض معين فارجوا ان تنتبه وصديقتي للحين تعمل عمليات وماراح تنتهي وهاذا كثير ازعجني واتمنى اني افدتك من كل قلبي واتمنى لك الصحه اختك دلوعه

[sweet]

اعتقد ماقصروا معاك وعطوك كل اللي تحتاجه ولا تتردد تسال اذا شفت عليها اي شي

[saadq8]

السلام
انصحك اذا تبي تشتري قطوه اشتر نثيه لانها هاااااااديه جدا جدا وحنونه وكل شي فيها زين ولا تشتري كبيره حيل يعني اشتر قطوه عمرها 2 ونص او 3 اشهر وبس وصدقني راح تتمتع معاها لانها رحه جدا جدا وبشكل ما تتصوره ولازم تربيها وتعلمها على الغلط والصح :) لان القطو يتربى بايدك مثل ما تربي بيبي صغيير :) وبالتوفيق انشالله ........

[3aloe]

الله يهديك السؤال صار له سنتين وانت توك تجاوب
السؤال في سنه 2005 واحنا في سنه 2007
رجاء يا اخوان اقرأو قوانين المنتدى
الاخت دومنيك كاتبه عدم الرد على موضوع صار له اكثر من شهر مو رادين عليه
وقاعد يصير هالاشياء وايد الحين بسبب عدم الالتزام بالقوانين

[Lonely Hunter]

لوووول ..
تلقا الحين الطيور و القطوه ......بعد هالمده :p

الاحظ هالايام زياده في عدد المواضيع المغبره اللي ترفع

شالسبب يامشرفين ;) مـ......