طلب بسيط.. جعلها الله بميزان حسناتكم يارب

[خالد84]

السلام عليكم

اخواني عندي كاسكو افريقي عمره 10 شهر صارله عندي شهر تقريبا بس ماني عارف شسوي فيه لا هو الي يصفر ولا هو الي يتكلم مع انه ربوه ولا في عض كلشششش ويصعد عالايد وياكل من الايد وبعض مرات مايرضه ينزل من الايد كثر ما هو مرتاح بس ع الاقل ابيه يصفر والكلام لاحقين عليه مو مشكله بس تصفيررر شنو الحل الله يرحم والديكم ياخوان واذا احد عنده مقاطع تصفير كواسكو غير الي باليوتوب يعني تكون واضحه تكفه لا يبخل علينا فيها وشكرا لكم مقدما ويحفظكم من كل شر .....

[elnoon]

اصبر على الطير اخوي
وانا مروا عليه كثير طيور ربيتهم والله مع الوقت يتكلمون ويبهرونك بسوالفهم
عندي طير صبرت عليه ثلاث شهور وتوه بدا يصفر

احسن طريقة يكون في القفص وانت تصفر جدامه وتعطيه شي يحبه حب شمسي مثلاه
وانت تعطيه الماي والاكل يصفر لمده ثلاث ايام

بعدين خل الطير في مكان بروحه مايشوف حد
بيبدا ينادي .. طنش
ممكن يصرخ بعد طنش

فجاة بتلاقي يوقول كلام حتى انت ماكنت مركز على الكلمة فالتعليم

يتعلمون بس يتغلون ويحبون الدلال دامه على يدك 24 ساعه مدلل مابيتكلم
حاول تطنشه ششويه

وعلى فكره الكاسكو طير خجووول .. مايتكلم جدام حد ابد .. احيانا حتى مايتكلم جدام صاحبه

اصبر عليه وبتشوف كل خير

[خالد84]

السلام عليكم

الله يعطيك العافيه والله يبارك لك في صحتك ومالك واهلك ومشكور ع الرد المنطقي صح انا حاطه 24 ساعه على ايدي وبعض المرات مابي ينزل منها ومدلــله ولا مره خليته بروحه والظاهر وما شالله كلامك منطقي وعرفت العله وين بدون لا اقولك الله يزيدك من علمه امـــــين ........ من اليوم بغير مكانه وحطه بروحه بغرفه حبس انفرادي لمدة 3 ايام عشان نشوف النتايج وابشر بالي يسرك باذن الله وشكرا

[وليد كاسكو]

اخي الكريم اصبر على الطير الى ان يتعود وحاول انك تحطه في مكان موجود انته بيه كثير او اهل البيت ثم شغل له اصوات متكرره وتجد في الموقع الغديد من الاصوات وايضا افضل وقت للتلقين في الصباح بعد الفجر وبعد صلاة المغرب بالتوفيق

[كاسكـــو]

حطه بمكان عالي نوعاً ما

ويكون فيه حركه واصوات وابدأ انت بالتعليم ممكن لم يسبق له التعليم

ردد له كلام + اصوات + تصافير راح يتعلم منك

[قاهر الايام]

وانا من راي الاخوان اللي قالو لك حطه في مكان اللي تتواجد فيه او يتواجدون فيه الناس لان هالشي بيفيدك بعدين لانه اذا تعود يصفر ويتكلم في الهدوء بس بعدين ما بتسمع صوته اذا انت او اي احد موجود فأحسن شي تخليه قدام الاهل علشان يتعرف عالمكان ويتعرف على اهل البيت

وسو اللي قالو لك عليه الاخوان وعن التصفير اخوي اليوتيوب فيه ما شاء الله وفيه الواضح وزياده على كلام الاخوان

اخوي حط له خلف القفص مثلا مرايه ككبيره شوي بحيث انه يقدر يشوف روحه بالكامل وشغل له الاصوات صدقني يمكن في نفس اليوم تسمع صوته وهذي انا حاليا مطبقنها

صار له الكاسكو عندي اسبوعين وشي ولا سمعت صوته من ثلاث ايام تقريبا جبت له مرايه وخليتها صوبه واهو فوق الاستند وقعدت اشغل بالابتوب مقاطع لكاسكوات اخذتها من النت والله ما شاء الله في نفس اللحظه بده يصفر واللحين الحمد الله كل يوم يصفر اكثر علما اني هاليومين ما سمعته شي بس يشوف نفسه ويصفر لانه بهالحركه يفكر انه معاه كاسكو ثاني ويحسس بالامان ويتشجع