$$ببغائي اليلوناب ومزاجه المتقلب$$

[قـبـعـة الـقـش]

السلام عليكم

أخواني أعضاء توو زوو الكرام ,,,

مالكم بالطويله :D

السالفه ومافيها

انا عندي فرخ يلوناب عمره 6 شهور

كان يطلع على إيدي زي الحلاوه بس بالفتره الاخيره صار يبعد عني وبعض الاحيان يعض

انا مستغرب من تصرفاته (فالسؤال كيف اخليه يتعود علي ويفرح إذا شافني ؟ :confused: )

مع العلم انه بعض الناس يقولون خله يجوع وراح يضبط معك ... فياليت يفيدوني اهل الخبره


وشكراً ..:rolleyes:

[بومحمد1]

يمكن خذ موقف منك انك عاملته بقسوه ولا شي من هالقبيل بس حاول ان تحط الاكل في يدك وخليها ثابته ولا تحاول تتقرب منه خله هو يجيك وبعد اسبوع حاول تحك راسه عند الاذن والمنقار
والاخوه يفيدوك اكثر

[قـبـعـة الـقـش]

الله يعطيك العافيه وانا بإنتظار باقي الاعضاء علشان تعم الفائده على الجميع ^_^

[قـبـعـة الـقـش]

للرفع

[الاثلة]

وعليكم السلام ورحمة الله وبركاته

ما شاء الله تبارك الله

الله يخليلك طيرك ويسعدك فيه

بخصوص تغير الطير عليك شوف وضع الطير وهل تغير شيء حوله

مثلا كان فيه طير ثاني معه والحين لا

او غيرت مكان الطير فيحتاج وقت للتعود على المكان الجديد

او انك معود الطير يكون على الاستاند ثم بديت تسكر عليه القفص

* تجويع الطير ما انصحك فيه ابد

بدل التجويع استخدم المكافأة

دمتم سالمين

[ابوغزل]

السلام عليكم

بسراحة اخوي اهنيك على الطير مشالله رائع جدا

وثانيا انا لو مكانك اشوف نفسي في السما لاني املك الطير الحاصل على الترتيب الاول عالميا في مجال تقليد الاصوات والذكاء مشالله ربي يديمه لك ويخليه ويخليك ههههههههه

انا عادة اشوف انو الاسباب الاساسية لكذا مشكله انه طريقه معاملة الطير اما انك عاملته بقسوة او انه عاملته بلطف بالبداية وباهمال في الفترات المتتاليه التغير في نوع التعامل بشكل فجائي قد يؤدي الى انه الطير ياخد موقف معك وما فيها شي حقه ونص ياخد موقف ولازم انت تيجي وتصلح الموضوع جيبله اكل معين يحبه نوع فواكه بسكوت دلعه وانشالله بيدلعك


اياك تجوعه لانه هاذي الانواع ما تيجي البقوة ولا بالقسوة

تقبل مروري اخوكم ابو غزل :88: حبتيييين

[قـبـعـة الـقـش]

مشكورين ياشباب على الردود الحلوه ..

وإن شاء الله راح اضبط وضعه ونشوف آخرتها معه <<< امزح ^_^