ســ سلاكه البادجي

[ابو عبدالله**]

السلام عليكم ورحمة الله وبركاته
نخش في الموضوع على طول :)
انا حاب اسوي سلاكة للبادجي ونا بالرياض وتعرفون جوها بالصيف
ونا باحط السلاكه باستراحه
ســ لازم احط مكيف في السلاكه ولا لا
بس:D

[ابو عبدالله**]

وين الردوووووووووووووووووووووووووووووووووووووود

[عبدالمحسن جان]

لا مولازم

إنتبه من خطورت تعريض الطيور للتيارات الهوائية

[ابو عبدالله**]

الله يعطيك الف عافيه بس في الصيف مافيه تيارات هوائيه بارده

[عاشق الارانب]

يفيدونك الاخوان باذن الله

.. موفق

[MR.F]

على حسب النوع

اذا بتربي البادجي الاسترالي

ما يحتاج تكييف

و لكن يفضل ايقاف الانتاج في الصيف



اما الهولندي و الانجليزي ما تتحمل الحرارة

[ابو عبدالله**]

مشكووووور ولا قصرت

[الموت هو البدايه فقط]

من رايي
خل السلاكه في ظله
وحط اشجار داخل السلاكه او خارجه بس قريب منها للترطيب الجو
بس رشها بمبيدات حشريه بدون رائحه
في الليل راح يؤذوهم الناموس شفلك حل في الناموس
هذا انسب حل لاتحط مكيف ولا مراوح لانها تسبب احيانا في قتل الطيور

[البادجي اليماني]

الله يعينك اخي

[ابودرك]

اذا في الرياض لازم مكيف صحراوي ولا لا تحط سلاكة لان الحر بيقتل كل طيورك

اهم شي يكون مكان المكيف مناسب ومايكون الهواء في اتجاه الطيور مباشرة مثلا يكون وجة المكيف في احد الجدران اللي مافيها طيور

[REKOOO]

اذا بتحط سلاكه حط مكيف بس لازم تطفي المكيف اذا صار الجو بارد لان الجو البارد يساعد على انتاج افضل

ونصيحة لا تحط الطيور بره لان تعرف جو الرياض كله غبارو


وشكراااااااااااا

[ابو عبدالله**]

مشكووور

[مـحـمـاس الـمـنـحـاس]

اخوي ابوعبدالله
الخيار بيدك انت
تقدر تحط تكييف وتقدر ماتحط
لكن التكييف افضل
ياخي حنا يا اهل الرياض واحنا اوادم وعايشين فيها من عرفنا الدنيا مانتحمل الصيف بدون تكييف
فما بالك بالطيور
يمكن تتحمل الجو اذا كانت بين اشجار وظلال ورطووبه لكن اعرف ياصاحبي ان الانتاج راح يقل او ينعدم في الصيف
ولكن بتهيئه الجو بالتكييف والاجواء الحلوه لن تتأثر الطيور بأذن الله
وعلى فكره مثل ماقالو لك الشباب
اذا بتحط تكييف انتبه لا يكون مباشر على اتجاه الطيور او الاعشاش
تقدر تركب مكيف صحراوي ويكون موجه الى سقف السلاكه (طريقه مجربه) بحيث يصطدم التيار الهوائي بالسقف ويتوزع على السلاكه

تقبل مروري اخوي وبالتوفيق